ພາບນິມິດກ່ຽວກັບແຜນຂອງພຣະເຈົ້າ

ໂຈເຊັບ ສະມິດ ແລະ ຊິດນີ ຣິກດອນ ເຫັນພຣະບິດາ ແລະ ພຣະບຸດ

ມື້ໜຶ່ງ ໂຈເຊັບ ສະມິດ ແລະ ຊິດນີ ຣິກດອນ ກຳລັງອ່ານພຣະຄຳພີ. ພວກເພິ່ນໄດ້ເຫັນພາບນິມິດ. ພວກເພິ່ນໄດ້ເຫັນພຣະບິດາເທິງສະຫວັນ ແລະ ພຣະເຢຊູຄຣິດ.

ພວກເພິ່ນໄດ້ຮຽນຮູ້ວ່າ ກ່ອນທີ່ເຮົາເກີດມາ, ເຮົາໄດ້ຢູ່ໃນສະຫວັນກັບພຣະເຈົ້າ.

ເຮົາມາຍັງໂລກນີ້ເພື່ອຮຽນຮູ້ທີ່ຈະຕິດຕາມພຣະເຢຊູ ແລະ ຮັບຟັງພຣະວິນຍານບໍລິສຸດ. ເຮົາຮຽນຮູ້ທີ່ຈະຮັກສາພຣະບັນຍັດ ແລະ ກັບໃຈເມື່ອເຮົາເລືອກເຮັດສິ່ງທີ່ບໍ່ດີ.

ຫລັງຈາກເຮົາຕາຍໄປ, ເຮົາຈະໄດ້ຟື້ນຄືນຊີວິດ. ຖ້າເຮົາເປັນຄົນຊອບທຳ, ເຮົາຈະໄດ້ຢູ່ກັບພຣະບິດາເທິງສະຫວັນອີກຄັ້ງ.

ເຮົາສາມາດຮຽນຮູ້ກ່ຽວກັບແຜນຂອງພຣະເຈົ້າໃນພຣະຄຳພີ. ຍ້ອນພຣະເຢຊູ, ເຮົາຈຶ່ງສາມາດຢູ່ກັບຄອບຄົວຂອງເຮົາຕະຫລອດໄປ.

© 2021 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, July 2021. Laotian. 17471 331