Go Ikaga Molemo bogolo

Ka Eric B. Murdock

Dimakasine tsa Kereke

Ditsela tse tlhano tsa go aga botshelo jo bo itumedisang le jwa boitumelo.

Doctrine and Covenants 95:13–14

Setshwantsho

X-Ray ya makgarejwana, setshwantsho sa tempele

Ditshwantsho ka Juliet Percival

E rile Morena a laela Joseph Smith go aga tempele ya Kirtland, ga a A ka a mo tlogela go rarabolola gore o ka e dirang jaang a le nosi. O ne a mo senolela lenaneo le le tlaa mo gogelang kwa katlegong.

“A ntlo e agiwe, e seng ka fa mokgweng wa lefatshe,” Morena a bolela. “A e agwe ka fa mokgweng o Ke tlaa o supang (Doctrine and Covenants 95:13–14). Morena ke gone a neela ditaelo tsa ka fa tempele e ka agiwang ka teng (bona Doctrine and Covenants 95:15-17).

Ka malebogo, Morena o re supegeditse go feta fela ka fa re ka agang ditempele. O re neetse le gone ditaelo go re thusa go nna batho ba re ka nna bone. Jaaka re di sala morago, re tlaa aga matshelo a rona “e seng ka fa mokgweng wa lefatshe mme ka fa tseleng e Morena a e tshwantshitseng.

Fa ke ditsela tse tlhano tsa go aga botshelo jo bo itumedisang le jwa boitumelo jo bo remeletseng mo go Jeso Keresete.

A ga motheo o o tlhomameng

Motshwantshi ope wa matlo kgotsa moagi o tlaa go bolelela gore motheo o o tiileng o botlhokwa mo kagong nngwe le nngwe. Helamane o rutile gore motheo o o gaisang wa matshelo a rona ke “lefika la Morekolodi wa rona, yo e leng Keresete, Morwa Modimo” (Helaman 5:12). Re ka dira Keresete motheo wa rona ka go tlaa kwa go Ene le go sala morago dithuto tsa Gagwe. O ikutlwa o dira jang mo go direng Keresete motheo wa botshelo jwa gago?

Direla ba bangwe

Setshwantsho

dinao

Tsela e nngwe e kgolo go aga matshelo a rona, go yeng ka Poresidente Dieter F. Uchtdorf, yo ka nako eo e neng e le Mogakolodi wa Bobedi mo Boporesidenteng jwa Ntlha, e tla fa re eme ka dinao re direla Morena le go direla bao ba ba gautshwane le rona.”¹ Fa o direla ba bangwe, o dira se Jeso a se dirileng le go ithuta go nna thata jaaka Ene. Mme ga o kitla fela o segofatsa matshelo a batho ba o ba direlang, mme o tlaa segofadiwa le wena.

Dira Tlwaelo ya Gale ya go Rapela le Ithutuntsho ya Dikwalo tse di boitshepo

Setshwantsho

diatla tse di rapelang

Tsela e nngwe ya go aga botshelo jo bo itumedisang ke go aga botsalano le Rara wa Legodimo le Jeso Keresete. Tsela e kgolo ya go dira jalo ke ka thapelo le ithutuntsho ya dikwalo tse di boitshepo.

Poresidente Uchtdorf o ile a bua gore: Go thatafatsa botsalano jwa rona le Modimo, re tlhoka nako e e nang le bokao re le nosi le Ene. Go elatlhoko ka tidimalo thapelo ya gago ya letsatsi le letsatsi le ithutuntsho ya dikwalo tse di boitshepo… go tlaa nna dipeo dingwe tsa botlhale tsa nako ya rona le maiteko a go atamela Rara wa rona wa legodimo .”²

Thapelo ke lobaka lwa go bua le Rara wa rona kwa Legodimong. O a re itse, o a re rata, mme o batla go utlwa mo go rona! Fa re rapela ka bopelo e phepa, re isa malebogo a rona, mme re kopa dilo tse re di tlhokang, O a reetsa mme ka metlha o araba ka tsela ya Gagwe le nako.

Fa go tla kwa ithutuntshong ya dikwalo tse di boitshepo, ga go na tsela e le nngwe e e siameng go e dira. Selo se se botlhokwa ke gore o a e dira! Poresidente Russell M. Nelson o rutile, go ikina letsatsi le letsatsi mo lefokong la Modimo go botlhokwa.”³ Go tsaya nako letsatsi le letsatsi mo dikwalong tse di boitshepo go tlaa, kwantle ga pelaelo, go thusa go aga botshelo jwa tumelo le thata.

Itikaganyetse ka bao ba ba Go Rotloetsang go Dira Molemo

Setshwantsho

Mosimane ka diatla tse di otlolotsweng

Rara wa Legodimo o batla re golagana le go aga botsalano le ba bangwe—bogolo thata ba lelwapa le ditsala. Gantsi re tlhotlhelediwa ke bao re tsayang nako le bone. Le fa e le maloko a Kereke kgotsa nnya, o tshwanetse go itikaganyetsa ka batho ba ba go thusang go tshela efangele, go tshegetsa boleng jwa Morena, le go nna motho yo o botoka. Le gone o ka thusa bao ba ba gautshwane le wena go dira sone seo. Ke ofe wa ditsala tsa gago yo o go thusang go aga motheo wa gago mo tshiamong?

Bona Boitumelo mo go Ageng Motheo wa Gago

Go na le ditsela tse dingwe tse dintsi tse o ka agang botshelo jwa gago go nna jo bo nonofileng semowa mme wa nna le boitumelo, go akaretsa go ya kerekeng le go ja sakaramente, go dira le go tshegetsa dikgolagano, le go sala morago kgakololo ya baperofeti ba ba tshedileng.

Go botlhokwa go gakologelwa gore dilo tse tsotlhe di tlhoka tiro le nako. Ka metlha go na le go aga le go ithuta mo go tshwanetsweng go dirwa, mme ga o tlhoke go go dira o le nosi. Morena o tlaa go thusa letsatsi lengwe le lengwe jaaka o leka go dira bo jotlhe jwa gago go aga botshelo jo wena le ene le ka nnang motlotlo ka jone le jo bo tlaa go tlisetsang boitumelo.

© 2021 ka Intellectual Reserve, Inc. All rights reserved. Printed in USA. Tetla ya Sekgoa: 6/19. Tetla ya thanolo: 6/19. Thanolo ya Monthly For the Strength of Youth Message, September 2021. Setswana. 17473 763