Ti Templo iti Kirtland

Imbaga ti Dios ken ni Joseph Smith a mangbangon iti maysa a templo. Ipakita ti maysa a paltiing no anianto ti langa daytoy. Agbalinto a maysa a balay ti Dios.

Nagtrabaho a sangkamaysa dagiti Santo a tumulong a mangbangon iti templo. Nangbangon dagiti lallaki iti nangangato a pader. Nagaramid dagiti babbai iti kurtina ken karpet. Timmulong dagiti ubbing a nangitugot kadagiti ramit ken danum kadagiti trabahador.

Idi nalpas ti templo, simrek dagiti Santo iti uneg. Nagkantada iti maysa a himno ken nagpukkaw iti “Hosanna!” Nangisao ni Joseph iti kararag a mangidaton (mangbendision) iti templo.

Ni Jesucristo a mangsarsarungkar iti Templo iti Kirtland

Kalpasan ti maysa a lawas, sinarungkaran ni Jesucristo da Joseph Smith ken Oliver Cowdery iti templo. Kinuna ni Jesus nga inawatna ti templo kas balayna.

Iti agdama adda dagiti templo iti intero a lubong! Maysa a nasantuan a lugar ti tunggal templo. Maysa nga aldaw sumrekakto iti uneg ket agaramidak kadagiti kari iti Dios.

maysa nga ubing a mangibingbinglay iti kopia ti Friend iti sabali — I-klik iti ladawan tapno i-download.