“The Name of His Church,” For the Strength of Youth, Oct. 2021.
ຂ່າວສານປະຈໍາເດືອນ ສຳລັບຄວາມເຂັ້ມແຂງຂອງຊາວໜຸ່ມ, ເດືອນຕຸລາ 2021
ຊື່ຂອງສາດສະໜາຈັກຂອງພຣະອົງ
ມີຄວາມໝາຍຢູ່ເບື້ອງຫລັງຊື່ທີ່ພຣະເຢຊູຄຣິດໄດ້ປະທານໃຫ້ສາດສະໜາຈັກຂອງພຣະອົງ.
ສາດສະໜາຈັກຂອງເຮົາ
ສາດສະໜາຈັກ—ກຸ່ມຄົນທີ່ເຊື່ອໃນສິ່ງດຽວກັນ ແລະ ນະມັດສະການນຳກັນ. ສາດສະໜາຈັກນີ້ເປັນຂອງພຣະເຢຊູຄຣິດ. ພຣະອົງເປັນຜູ້ເລີ່ມມັນ. ພຣະອົງເປັນຜູ້ນຳພາມັນ. ມັນເປັນຂອງພຣະອົງ.
ຖືກເອີ້ນ
ພຣະເຢຊູຄຣິດໄດ້ບອກພວກເຮົາວ່າ ພຣະອົງຢາກໃຫ້ຜູ້ຄົນຂອງພຣະອົງເອີ້ນສາດສະໜາຈັກຂອງພຣະອົງວ່າຢ່າງໃດ. ສະນັ້ນ ເຮົາຄວນເອີ້ນມັນວ່າຢ່າງນັ້ນ—ແລະ ເຮົາຄວນຂໍຢ່າງສຸພາບ ໃຫ້ຄົນອື່ນເອີ້ນມັນວ່າແນວນັ້ນ. ຊື່ນີ້ມາຈາກພຣະເຢຊູຄຣິດ.
ຍຸກສຸດທ້າຍ
ຍຸກສຸດທ້າຍ—ວັນເວລາທີ່ເຮົາກຳລັງມີຊີວິດຢູ່; ເວລາກ່ອນການສະເດັດມາຄັ້ງທີສອງຂອງພຣະເຢຊູຄຣິດ. ພຣະເຢຊູຄຣິດໄດ້ນຳເອົາສາດສະໜາຈັກຂອງພຣະອົງກັບຄືນມາຍັງແຜ່ນດິນໂລກເປັນເທື່ອສຸດທ້າຍ. ມັນຈະຊ່ວຍກຽມໂລກໃຫ້ພ້ອມສຳລັບການສະເດັດມາຄັ້ງທີສອງຂອງພຣະອົງ.
ສາດສະໜາຈັກຂອງພຣະເຢຊູຄຣິດ
(ເບິ່ງ “ສາດສະໜາຈັກຂອງເຮົາ.”) ນີ້ແມ່ນສ່ວນທຳອິດຂອງຊື່ທີ່ພຣະຜູ້ຊ່ວຍໃຫ້ລອດໄດ້ປະທານໃຫ້ສາດສະໜາຈັກຂອງພຣະອົງ. ພຣະອົງເອີ້ນມັນວ່າ “ສາດສະໜາຈັກ” ເພາະວ່າພຣະອົງເປັນຜູ້ຈັດຕັ້ັງມັນ. ແລະ ພຣະອົງໄດ້ໃສ່ຊື່ຂອງພຣະອົງໄວ້ໃນນັ້ນ.
ຍຸກສຸດທ້າຍ
(ເບິ່ງ “ຍຸກສຸດທ້າຍ.”) ນີ້ແມ່ນສ່ວນຕໍ່ໄປຂອງຊື່ສາດສະໜາຈັກ. ມັນພຽງແຕ່ສະແດງໃຫ້ເຫັນວ່າ ນີ້ແມ່ນສາດສະໜາຈັກທີ່ພຣະອົງໄດ້ນຳມາໃນຍຸກສະໄໝນີ້, ບໍ່ແມ່ນສາດສະໜາຈັກທີ່ພຣະອົງໄດ້ເລີ່ມໃນຍຸກສະໄໝກ່ອນ.
ໄພ່ພົນ
ໄພ່ພົນ—ຄຳນີ້ໝາຍຄວາມວ່າ “ຄົນທີ່ບໍລິສຸດ.” ນີ້ແມ່ນສ່ວນສຸດທ້າຍຂອງຊື່ສາດສະໜາຈັກ. ມັນເວົ້າເຖິງສະມາຊິກຂອງສາດສະໜາຈັກ. ພຣະເຢຊູຄຣິດສາມາດເຮັດໃຫ້ພວກເຮົາສະອາດ ແລະ ບໍລິສຸດໄດ້. ແລະ ພຣະອົງປະທານພຣະວິນຍານບໍລິສຸດໃຫ້ແກ່ພວກເຮົາ ເພື່ອເຮັດໃຫ້ພວກເຮົາເຂັ້ມແຂງຂຶ້ນ ໃນຂະນະທີ່ພວກເຮົາພະຍາຍາມທີ່ຈະເຮັດຕາມສິ່ງທີ່ພຣະອົງໄດ້ບັນຊາ. ຖ້າພວກເຮົາມີສັດທາໃນພຣະອົງ ແລະ ພະຍາຍາມຕໍ່ໄປ, ພຣະອົງຈະເຮັດໃຫ້ພວກເຮົາບໍລິສຸດ. ພຣະອົງເຮັດໃຫ້ພວກເຮົາເປັນໄພ່ພົນ.
© 2021 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, October 2021. Laotian. 17474 331