“Ti Panagkasapulan iti Maysa a Simbaan,” Liahona, Nob. 2022.
Binulan a Mensahe ti Liahona , Nobiembre 2021
Ti Panagkasapulan iti Maysa a Simbaan
Adaw
Ita, ti mensahek ket maipapan kadagiti kasta a nasayaat ken relihioso a tattao a nagsardengen a makiraman wenno makigimong iti simbaanda. No kunak a “simbaan,” iramanko dagiti sinagoga, moske, ken dadduma pay a gunglo ti relihion. Maseknankami ta nababa unay ti dumar-ay kadagitoy amin iti intero a pagilian. …
Makatulong kadatayo ti idadar-ay ken panagaktibo iti maysa a simbaan iti panagbalintayo a nasaysayaat a tattao ken nasaysayaat nga impluensia iti biag dagiti dadduma. …
… Iti simbaan makilangentayo kadagiti nasingpet a tattao a napasnek nga agserserbi iti Dios. Ipalagip daytoy a saantayo nga agmaymaysa kadagiti aktibidadtayo a mainaig iti relihion. Kasapulantayo amin ti makilangen kadagiti dadduma, ket ti pannakilangentayo iti simbaan ti maysa kadagiti kasayaatan a mapadasantayo. …
… Dagiti miembro a saan a makimismisa ken agpannurayda laeng iti bukodda nga espiritualidad ket isinada ti bagbagida kadagitoy a napateg a kasapulan ti ebanghelio: ti bileg ken bendision ti priesthood, ti pakabuklan ti naisubli a doktrina, ken dagiti motibasion ken gundaway a maaramat dayta a doktrina. …
Mainayon iti rikna ti kappia ken rag-o babaen ti pannarabay ti Espiritu, magustuan dagiti miembro a dumardar-ay iti Simbaan dagiti bunga ti panagbiag iti ebanghelio, kas dagiti bendision ti panagtungpal iti Word of Wisdom ken ti material ken naespirituan a panagrang-ay a naikari iti panagtungpal iti linteg ti apagkapullo. …
… Ti pakabuklan ti doktrina ken dagiti makaisalakan ken makaitan-ok nga ordinansa ket adda a magun-od laeng iti naisubli a Simbaan.