“Abraham and Sarah,” Monthly Friend Messages, February 2022
“ອັບຣາຮາມ ແລະ ນາງຊາຣາ”
ຂ່າວສານປະຈຳເດືອນ Friend, ເດືອນກຸມພາ 2022
ອັບຣາຮາມ ແລະ ນາງຊາຣາ
ຮູບພາບປະກອບ ໂດຍ ເອໂພ ສະຕ໋ອດ
ອັບຣາຮາມເປັນສາດສະດາ. ພຣະເຈົ້າໄດ້ເຮັດພັນທະສັນຍາກັບອັບຣາຮາມ ແລະ ພັນລະຍາຂອງເພິ່ນ, ນາງຊາຣາ.
ພຣະອົງໄດ້ສັນຍາວ່າຈະໃຫ້ພອນແກ່ພວກເພິ່ນ. ພຣະອົງໄດ້ບອກວ່າ ພວກເພິ່ນຈະມີລູກ. ອັບຣາຮາມ ແລະ ນາງຊາຣາສັນຍາວ່າຈະເຮັດຕາມພຣະເຈົ້າ.
ອັບຣາຮາມ ແລະ ນາງຊາຣາຮັກສາຄຳສັນຍາຂອງພວກເພິ່ນ. ແຕ່ພວກເພິ່ນກໍຍັງບໍ່ມີລູກເປັນເວລາດົນນານ. ພວກເພິ່ນກໍເຖົ້າແກ່ລົງເລື້ອຍໆ.
ໃນທີ່ສຸດ, ເມື່ອອັບຣາຮາມອາຍຸ 100 ປີ ແລະ ນາງຊາຣາອາຍຸ 90 ປີ, ພວກເພິ່ນໄດ້ມີລູກເປັນຜູ້ຊາຍ. ພວກເພິ່ນໄດ້ຕັ້ງຊື່ໃຫ້ລາວວ່າ ອີຊາກ. ພວກເພິ່ນຮູ້ວ່າພຣະເຈົ້າໄດ້ໃຫ້ພອນພວກເພິ່ນ.
ຂ້ອຍສາມາດໄວ້ວາງໃຈໃນພຣະເຈົ້າ. ບາງທີພອນຕ່າງໆບໍ່ໄດ້ມາເຖິງໃນທັນທີທັນໃດ. ແຕ່ວ່າພຣະເຈົ້າຈະຮັກສາຄຳສັນຍາຂອງພຣະອົງສະເໝີ.
ໜ້າລະບາຍສີ
ເຮົາສາມາດໄວ້ວາງໃຈໃນພຣະເຈົ້າ.
ໃຫ້ກົດຮູບເພື່ອດາວໂຫລດ.
ຮູບພາບປະກອບ ໂດຍ ເອໂພ ສະຕ໋ອດ
ພຣະບິດາເທິງສະຫວັນຊ່ວຍເຈົ້າແນວໃດ ເມື່ອເຈົ້າຮູ້ສຶກຢ້ານກົວ ຫລື ໂສກເສົ້າ?
© 2022 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, February 2022. Laotian. 18313 331