“Isi Dɛn Tsie No?,” Ma Mbabun Enya Ahoɔdzen, Ebɔw 2022
Bosoom bosoom Ma Mbabun Enya Ahoɔdzen Amandzɛɛbɔ, Ebɔw 2022
Isi Dɛn Tsie No?
Fi Ebɔbira 2020 wiadze mfɛndzanan ehyiadzi kasa kor bi mu.
Oksana Grivina yɛɛ nsaano mfonyin horow no
Ofi mber to mber asomdwee akwankyerɛ a yenya fi Sunsum Krɔnkrɔn hɔ kã ho no, Nyankopɔn dze tum ma hɛn mu kor biara awerɛhyɛmu dɛ Onyim hɛn na ɔdɔ hɛn. Afei, wɔ hɛn nkodzen ber mu no, Agyenkwa no dze sũahu yinom san ba hɛn adwen mu.
Dwen woara w’abrabɔ ho. Sũahu ahorow yinom botum aba wɔ mber tsitsir wɔ hɛn abrabɔ mu, anaa wɔ annyɛ a ahyɛse no ɔbɛyɛ dɛ ɔnnyɛ adze tsitsir bi. Sunsum mu mber mapã a okenyan yinom ba mber ahorow na akwan horow mu, a ɔyɛ ankorankor dze ma hɛn mu kor biara.
Joseph Smith kyerɛkyerɛɛ mu dɛ ɔtɔfabi a yenya “mpofirmu adwenkyerɛ kakra’’ na ofi ber to ber no nyimdzee krɔngyenn na ɔba.1
President Dallin H. Oaks, riyi banyin nokwafo bi a ɔgyee to mu dɛ onnyaa sũahu a ɔtse dɛm bi da ano no, tuu fo dɛ, “Ebia enya wo mpaabɔ ne nyiano da a ɔnnyɛ kor pɛr, naaso edze w’enyidado etsim sɛnkyerɛdze bi a ɔsõ kɛse anaa ndze bi a ɔgyegye dodow do ma edwen dɛ innyaa nyiano biara.’’2
Ɔnnkyɛree na yɛtsee President Russell M. Nelson a ɔkãa dɛ: “Moto nsa frɛ hom dɛ hom ndwen nkɔ bun mu na wɔntaa ndwen asɛmbisa tsitsir yi ho: Isi dɛn tsie No? Mesan so to nsa frɛ hom dɛ hom ntu anamɔn mfa ntsie No yie na wɔntaa nyɛ.’’3
© 2022 odzi wɔ Intellectual Reserve, Inc. All rights reserved. Wotsintsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly For the Strength of Youth Message, March 2022ne nkyerɛasee. Fante. 18296 502