“Nej Mloog Nws Hais Li Cas?,” Ntxiv Dag Zog rau cov Tub Hluas Ntxhais Hluas, Peb Hlis Ntuj 2022.
Zaj Lus hauv phau Ntxiv Dag Zog rau cov Tub Hluas Ntxhais Hluas Txhua Hli, Peb Hlis Ntuj 2022
Nej Mloog Nws Hais Li Cas?
Nrog rau thaum tus Vaj Ntsuj Plig Dawb Huv coj peb, tej lub sij hawm, Vajtswv siv Nws lub hwj chim qhia rau peb txhua tus tias Nws paub peb thiab hlub peb. Ces, thaum twg peb raug tej teeb meem, tus Cawm Seej ua rau peb nco txog tej lub sij hawm zoo li no.
Cia li xav txog nej lub neej. Tej zaum tej no yuav los rau peb thaum lub sij hawm tseem ceeb hauv peb lub neej los yog peb xav tias tej ntawd tsis tseem ceeb thaum xub thawj. Tej lub sij hawm uas txhawb peb sab ntsuj plig no los rau yus tej lub sij hawm txawv thiab nyias txais los ntawm nyias txoj kev.
Joseph Smith tau piav hais tias tej lub sij hawm peb txais “tswv yim uas tshwm los kiag” thiab tej lub sij hawm peb txais “kev txawj ntse dawb huv.”1
Thaum ib tug txiv neej hais tias tsis muaj ib zaug uas nws tau hnov tus ntsuj plig li ntawd, Thawj Tswj Hwm Dallin H. Oaks tau teb hais tias, “Tej zaum Vajtswv twb teb koj tej lus thov ntau zaus, tiam sis koj tsom ntsoov rau ib lub cim loj los yog ib lub suab nrov ua rau koj xav tias Nws tsis tau teb koj.”2
Tsis ntev tas los peb tau hnov Thawj Tswj Hwm Russell M. Nelson hais tias: “Kuv caw nej xav xav ntau zaus txog cov lus nug tseem ceeb no: Nej mloog Nws hais li cas? Kuv kuj caw nej ua tej yam kom nej thiaj yuav mloog tau Nws zoo ntxiv thiab mloog Nws ntau ntxiv.”3
© 2022 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, March 2022. Hmong. 18296 295