ທ່ານໄດ້ຍິນພຣະອົງໃນວິທີໃດ?

ໂດຍ ແອວເດີ ນຽວ ແອວ ແອນເດີເຊັນ

ແຫ່ງກຸ່ມອັກຄະສາວົກສິບສອງ

ຈາກ ຄໍາປາໄສຂອງກອງປະຊຸມໃຫຍ່ສາມັນ ເດືອນເມສາ 2020.

ພ້ອມກັບການຊີ້ນຳດ້ວຍຄວາມສະຫງົບ ທີ່ເຮົາໄດ້ຮັບຈາກພຣະວິນຍານບໍລິສຸດ, ເປັນບາງຄັ້ງ, ພຣະເຈົ້າໃຫ້ເຮົາແຕ່ລະຄົນແນ່ໃຈໄດ້ຢ່າງມີພະລັງ ແລະ ເປັນສ່ວນຕົວວ່າ ພຣະອົງຮູ້ຈັກເຮົາ ແລະ ຮັກເຮົາ. ແລ້ວ, ໃນຊ່ວງເວລາອັນຫຍຸ້ງຍາກຂອງເຮົາ, ພຣະຜູ້ຊ່ວຍໃຫ້ລອດໄດ້ນຳປະສົບການເຫລົ່ານີ້ກັບຄືນເຂົ້າສູ່ຈິດໃຈຂອງເຮົາ.

ໃຫ້ຄິດກ່ຽວກັບຊີວິດຂອງທ່ານເອງ. ປະສົບການເຫລົ່ານີ້ອາດເກີດຂຶ້ນໃນເວລາທີ່ສຳຄັນໃນຊີວິດຂອງເຮົາ ຫລື ໃນສິ່ງທີ່ ຕອນທຳອິດ ເບິ່ງຄືວ່າບໍ່ມີເຫດຜົນ. ຊ່ວງເວລາທາງວິນຍານທີ່ມີພະລັງເຫລົ່ານີ້ ເກີດຂຶ້ນໃນເວລາ ແລະ ວິທີທີ່ແຕກຕ່າງກັນ, ສຳລັບເຮົາ ແຕ່ລະຄົນໂດຍສະເພາະ.

ໂຈເຊັບ ສະມິດ ໄດ້ອະທິບາຍວ່າ ບາງເທື່ອເຮົາ “ອາດຄິດຂຶ້ນໄດ້ທັນທີ” ແລະ ບາງເວລາ ຄວາມຮູ້ອັນບໍລິສຸດໄດ້ຫລັ່ງໄຫລມາ.¹

ປະທານດາລິນ ເອັຈ ໂອກສ໌, ໃນການເວົ້າຕອບຜູ້ຊາຍຄົນໜຶ່ງທີ່ຈິງໃຈ ແຕ່ບໍ່ເຄີຍມີປະສົບການເຊັ່ນນີ້, ໄດ້ແນະນຳວ່າ, “ບາງທີຄຳອະທິຖານຂອງເຈົ້າໄດ້ຮັບຄຳຕອບຫລາຍເທື່ອແລ້ວ, ແຕ່ເຈົ້າມີຄວາມຄາດໝາຍສູງ ຢາກເຫັນເຄື່ອງໝາຍອັນຍິ່ງໃຫຍ່ ຫລື ຢາກໄດ້ຍິນສຽງດັງໆ ຈົນວ່າເຈົ້າຄິດວ່າຕົວເອງບໍ່ໄດ້ຮັບຄຳຕອບ.”²

ເມື່ອບໍ່ດົນມານີ້ ເຮົາໄດ້ຍິນຈາກປະທານຣະໂຊ ເອັມ ແນວສັນ ກ່າວວ່າ: “ຂ້າພະເຈົ້າຂໍເຊື້ອເຊີນທ່ານໃຫ້ຄິດຢ່າງເລິກເຊິ່ງ ແລະ ເລື້ອຍໆ ກ່ຽວກັບຄຳຖາມທີ່ສຳຄັນນີ້: ທ່ານ ໄດ້ຍິນພຣະອົງໃນວິທີໃດ? ຂ້າພະເຈົ້າຂໍເຊື້ອເຊີນທ່ານຄືກັນ ໃຫ້ຮັບຟັງພຣະອົງໃຫ້ດີ ແລະ ເລື້ອຍໆກວ່າເກົ່າ.”³

© 2022 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, March 2022. Laotian. 18296 331