Ubutumwa Ngarukakwezi bwa Ku bw’Imbaraga z’Urubyiruko Mata 2022

Umukiza Urimo Kubabara

Imyaka ibihumbi mbere yuko Yesu Kristo aza, Yesaya yabonye ukubabazwa Kwe ku bw’ibyaha byacu.

Yesaya 53:3–5.

3 Yarasuzugurwaga ndetse akangwa n’abantu; yari umunyamibabaro, wamenyereye intimba: yasuzugurwaga nk’umuntu abandi bima amaso; yarasuzugurwaga, natwe ntitumwubahe.

4 Ni ukuri intimba zacu ni zo yishyizeho, imibabaro yacu ni yo yikoreye: ariko twebweho twamutekereje nk’uwakubiswe n’Imana agacumitwa na Yo, agahetamishwa n’imibabaro.

5 Nyamara ibicumuro byacu ni byo yacumitiwe, yashenjaguriwe gukiranirwa kwacu: igihano kiduhesha amahoro cyari kuri we; kandi imibyimba ye ni yo adukirisha.

yarasuzugurwaga ndetse akangwa

Ubwo Yesu Kristo yaje ku isi, abantu bamwe baramwemeye, ariko abenshi ntibabikora. Baranamusuzuguye, ndetse benshi baramwangaga. Amaherezo, abantu bahisemo gutuma atotezwa ndetse aricwa. (Reba 1 Nefi 19:9.

Yishyizeho intimba zacu

Yesu Kristo yishyizeho ububabare, indwara, n’intege nke byacu byose. Ibi yabikoze kugira ngo atugirire imbabazi ndetse abone uko yadufasha. (Reba Aluma 7:11-13.

ibicumuro byacu ni byo yacumitiwe

Yesu Kristo yababarijwe ibyaha byacu Ibi yabikoze kugira ngo dushobore kubabarirwa uko twihana. (Reba Inyigisho n’Ibihango 18:11; 19:15-19.)

mu mibyimba ye ni ho dukirira

“Imibyimba Ye” ni ibikomere Bye. Ibi bihagarariye ukubabazwa Kwe kose yaciyemo ku bwacu, harimo kumena amaraso Ye n’urupfu Rwe. Kubera ko Yesu Kristo yababajwe ku bwacu, dushobora kongera kuba bazima. Igitambo cye gituma kubabarirwa ibyaha byacu bishoboka. Uko twihana ndetse tugerageza kubahiriza ibihango byacu, aradukiza ndetse akaduhindura. (Reba Mosaya 3:7–11; Ingingo z’Ukwizera 1:3.)

© 2022 na Intellectual Reserve, Inc. All rights reserved. Cyacapiwe muri Leta Zunze Ubumwe z’Amerika. Ukwemerwa mu Cyongereza: 6/19. Ukwemerwa k’ubusemuzi: 6/19. Ubusemuzi bwa Monthly For the Strength of Youth Message, April 2022. Kinyarwanda. 18314 716