“The Suffering Savior,” For the Strength of Youth, Apr. 2022.
ຂ່າວສານປະຈໍາເດືອນ For the Strength of Youth, ເດືອນເມສາ 2022
ພຣະຜູ້ຊ່ວຍໃຫ້ລອດທີ່ຮັບທຸກທໍລະມານ
ຫລາຍຮ້ອຍປີ ກ່ອນພຣະເຢຊູຄຣິດສະເດັດມາ, ເອຊາຢາໄດ້ເຫັນລ່ວງໜ້າເຖິງຄວາມທຸກທໍລະມານຂອງພຣະອົງເພື່ອບາບຂອງເຮົາ.
ດູໝິ່ນປະໝາດ ແລະ ປະຖິ້ມ
ເມື່ອພຣະເຢຊູຄຣິດສະເດັດມາຍັງໂລກນີ້, ມີຜູ້ຄົນຈຳນວນໜຶ່ງທີ່ເຊື່ອໃນພຣະອົງ, ແຕ່ວ່າສ່ວນຫລາຍແມ່ນບໍ່ເຊື່ອ. ພວກເຂົາຍັງດູຖູກພຣະອົງ, ແລະ ຫລາຍຄົນໄດ້ກຽດຊັງພຣະອົງ. ໃນທີ່ສຸດ, ຜູ້ຄົນໄດ້ເລືອກໃຫ້ພຣະອົງຖືກທໍລະມານ ແລະ ຖືກຂ້າ. (ເບິ່ງ 1 ນີໄຟ 19:9.)
ທ່ານທົນຕໍ່ຄວາມທຸກທີ່ເປັນຂອງພວກເຮົາ
ພຣະເຢຊູຄຣິດໄດ້ຮັບເອົາຄວາມເຈັບປວດ, ຄວາມເຈັບໄຂ້, ແລະ ຄວາມອ່ອນແອຂອງເຮົາໄປທັງໝົດ. ພຣະອົງໄດ້ກະທຳສິ່ງນີ້ ເພື່ອວ່າພຣະອົງຈະມີຄວາມເມດຕາຕໍ່ເຮົາ ແລະ ຮູ້ວ່າຈະຊ່ວຍເຫລືອເຮົາໄດ້ແນວໃດ. (ເບິ່ງ ແອວມາ 7:11–13.)
ຍ້ອນການບາບຂອງພວກເຮົານັ້ນ ທ່ານຈຶ່ງໄດ້ຮັບບາດເຈັບ
ພຣະເຢຊູຄຣິດໄດ້ຮັບທຸກທໍລະມານເພື່ອບາບຂອງເຮົາ. ພຣະອົງກະທຳສິ່ງນີ້ ເພື່ອວ່າເຮົາຈະສາມາດໄດ້ຮັບການໃຫ້ອະໄພຖ້າເຮົາກັບໃຈ. (ເບິ່ງ ຄຳສອນ ແລະ ພັນທະສັນຍາ 18:11; 19:15–19.)
ດີປົກກະຕິຍ້ອນການຕົບຕີທີ່ທ່ານໄດ້ຮັບເອົາ
“ຮອຍຖືກຕົບຕີຂອງພຣະອົງ” ຄືບາດແຜຂອງພຣະອົງ. ສິ່ງເຫລົ່ານີ້ຢັ້ງຢືນເຖິງຄວາມທຸກທໍລະມານທັງໝົດທີ່ພຣະອົງໄດ້ອົດທົນເພື່ອເຮົາ, ລວມທັງການຫລັ່ງໂລຫິດຂອງພຣະອົງ ແລະ ການສິ້ນພຣະຊົນຂອງພຣະອົງ. ຍ້ອນວ່າພຣະເຢຊູຄຣິດໄດ້ຮັບທຸກທໍລະມານເພື່ອເຮົາ, ເຮົາຈຶ່ງສາມາດຫາຍດີອີກຄັ້ງ. ການເສຍສະລະຂອງພຣະອົງເຮັດໃຫ້ເປັນໄປໄດ້ວ່າ ເຮົາຈະໄດ້ຮັບການໃຫ້ອະໄພແກ່ຄວາມຜິດບາບຂອງເຮົາ. ເມື່ອເຮົາກັບໃຈ ແລະ ພະຍາຍາມຮັກສາພັນທະສັນຍາຂອງເຮົາ, ພຣະອົງຈະປິ່ນປົວເຮົາ ແລະ ປ່ຽນແປງເຮົາ. (ເບິ່ງ ໂມໄຊຢາ 3:7–11; ຫລັກແຫ່ງຄວາມເຊື່ອ 1:3.)
© 2022 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, April 2022. Laotian. 18314 331