Mau parau poro’i tā’āva’e a te Hoa, ’Ēperēra 2022

Mose ’e te māna

Fa’ahōho’araʼa nā Apryl Stott

E peropheta ’o Mose. ’Ua arata’i ’oia i te mau ta’ata o te Atua i te fenua i parauhia ra. E rave rahi mahana tō rātou haerera’a.

’Ua po’ia te mau ta’ata. ’Aita tā rātou e mā’a. Nō reira, ’ua hōro’a mai te Atua i te mā’a nō te ra’i mai. ’Ua parauhia te reira e māna.

I te mau po’ipo’i ato’a, ’ua ha’aputuputu te mau ta’ata i te māna nō te ’amu. E’ita rā te reira e vai ’āpī noa i te roara’a o te pō. Tītauhia ia rātou ’ia ha’aputuputu rahi atu ā i te mahana nō muri iho.

Tē fa’aha’amana’o nei te māna ia tātou ia Iesu Mesia. ’Ua hōro’a mai te Atua i te māna nō te fa’aora i te mau ta’ata. ’Ua tono ato’a mai ’oia ia Iesu i te fenua nei nō te fa’aora ia tātou. Tē hina’aro nei tātou ia Iesu i te mau mahana ato’a, mai tā tātou e hina’aro nei i te mā’a i te mau mahana ato’a.

E pe’e au ia Iesu. E hōro’a mai ’oia i te pūai iā’u ’e e tauturu iā’u ’ia ’ite i tōna here i te mau mahana ato’a.

E nehenehe ’outou e tai’o i te ’ā’amu nō ni’a i te māna i roto i te Exodo 16.

ʼApi fa’a’ūra’a

E hina’aro tātou ia Iesu i te mau mahana ato’a

Tāumi i ni’a i te hōho’a nō te fa’autara’a uira.

Fa’ahōho’ara’a nā Apryl Stott

Nāhea Iesu i te tauturu ia ’outou ?

© 2022 nā Intellectual Reserve, Inc. Fatura’a pāruruhia. Nene’ihia i te Fenua Marite. Parau fa’ati’a nō te reo peretāne : 6/19. Parau fa’ati’a nō te ’īritira’a : 6/19. ’Īritira’a nō Monthly Friend Message, April 2022. Tahitian. 18314 895