Parau poro’i tā’āva’e nō te Hoa, Tiunu 2022

Ruta ’e o Naomi

Fa’ahōho’araʼa nā Apryl Stott

’Ua haere Naomi ’e tōna ’utuāfare i te hō’ē fenua ’āpī, nō te mea tē vai ra te o’e. ’Ua fārerei rātou i te hō’ē vahine ’āpī ’o Ruta te i’oa. ’Ua fa’aipoipo Ruta i te tamaiti a Naomi.

I muri iho, ’ua pohe te tāne a Ruta. ʼUa ʼoto roa Ruta.

’Ua ’oto roa ato’a ’o Naomi. ’Aita tōna e ’utuāfare fa’ahou nō te ha’apa’o iāna. ’Ua fa’aoti ’oia e ho’i i te fenua nō reira mai ’oia.

’Ua parau Naomi ia Ruta e ho’i i roto i tōna ’utuāfare. ’Ua here rā Ruta ia Naomi. ’Ua fafau ’oia e haere nā muri ia Naomi ’e ’ia ha’apa’o iāna.

E mea veve ’o Ruta ’e ’o Naomi. Nō reira, ’ua rave itoito Ruta i te ’ohipa nō te ’imi i te mā’a nā rāua.

I te hō’ē mahana, ’ua ’ite te hō’ē ta’ata ’o Boaza te i’oa ia Ruta i te ’ohira’a i te mau huero e toe ra i roto i te hō’ē o tāna mau fa’a’apu.

E ta’ata maita’i ’o Boaza ’Ua parau ’oia i tāna mau rave ’ohipa ’ia vaiiho atu i te mā’a hau nā Ruta.

I muri a’e, ’ua fa’aipoipo Ruta ’ia Boaza. ’Ua fānau rāua i te hō’ē ’aiū tamāroa. ’Ua tauturu Naomi i te ha’apa’ora’a i te ’aiū.

E nehenehe au e tauturu i te aupurura’a ia vetahi ’ē. E nehenehe au e fa’a’ite i te maita’i i te feiā i roto i te fifi.

E nehenehe ’outou e tai’o i teie ’ā’amu i roto i te Ruta 1–4.

ʼApi fa’a’ūra’a

E nehenehe au e aupuru ia vetahi ’ē

Tāumi i ni’a i te hōho’a nō te fa’auta uira.

Fa’ahōho’ara’a nā Apryl Stott

’O vai tē nehenehe e tauturu ?

© 2022 nā Intellectual Reserve, Inc. Fatura’a pāruruhia. Nene’ihia i te Fenua Marite. Parau fa’ati’a nō te reo peretāne : 6/19. Parau fa’ati’a nō te ’īritira’a : 6/19. ’Īritira’a nō Monthly Friend Message, June 2022. Tahitian. 18315 895