“Maysa a Pagsilawan iti Sakatayo,” Para iti Pigsa dagiti Agtutubo, Ago. 2022.
Binulan a Mensahe ti Para iti Pigsa dagiti Agtutubo , Agosto 2022
Maysa a Pagsilawan iti Sakatayo
Maysa a gagangay a banag para kadagiti nagkauna nga Israelita ti makaisuro kadatayo no kasano nga iwanwannatayo ti Apo.
Dagiti Kinapudno
Kadagiti panawen ti Daan a Tulag, nagusar dagiti tao kadagiti pagsilawan a lana tapno mangted lawag kadakuada iti kasipngetan. Kaaduan kadagitoy a pagsilawan ti addaan iti kangrunaan a tampok:
-
Maysa a damili a malukong a pagkargaan iti lana ti olibo; kadawyan a bassit nga umdas a maiggaman iti palad ti ima ti maysa a tao
-
Maysa a pobelo ti lino a masilawan kalpasan a naagsepna ti lana
-
Maysa a spout wenno nozzle a pangtengngel iti pubelo
Dagiti simple a pagsilawan a lana nga addaan iti maysa laeng a pobelo ti mangted iti lawag iti sumagmamano laeng a kadapan iti aglawlawda. No mausar bayat ti pannagna nga aglawlaw, umdas laeng ti lawagda tapno makitam ti maysa nga addang nga umun-una ngem iti bagim tapno makapaglikmutka a siaannad iti kasipngetan.
Ania ti Masursurotayo
Naaramat nga addaan pammalubos. Mangiturong, Naraniag a Silaw, ni Simon Dewey. Pammadayaw ti altusfineart.com © 2022.
Mabalin a silaw ti balikas ti Apo iti dalantayo iti sipnget ken pannakatikaw a manglikmut kadatayo iti lubong.
Kiniddaw ti Apo kadatayo a saantayo nga abbongan ti silawtayo no di ketdi itugottayo ti silaw ti ebanghelio tapno makita daytoy dagiti dadduma (kitaen iti Mateo 5:14–16).
Adda kadatayo a mangsigurado a mapno dagiti pagsilawantayo iti lana (kitaen iti Mateo 25:1–13) Aramidentayo daytoy babaen ti panagkararag, panagadal iti nasantuan a kasuratan, panagserbi, panangsurot iti propeta, ken dadduma pay nga aramid ti pammati ken debosion (kitaen iti Spencer W. Kimball, Faith Precedes the Miracle [1972], 256).
No aramatentayo ti pammati, ti Apo no dadduma silawanna ti danatayo nga umdas laeng tapno makaaramidtayo iti maysa pay nga addang (kitaen iti Boyd K. Packer, “The Candle of the Lord,” Ensign, Ene. 1983, 54).
© 2022 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, August 2022. Ilokano. 18316 864