“Isuro dagiti Salmo ni Jesucristo,” Binulan a Mensahe iti Friend , Agosto 2022
“Isuro dagiti Salmo ni Jesucristo”
Binulan a Mensahe iti Friend , Agosto 2022
Isuro dagiti Salmo ni Jesucristo
Dagiti panangiladawan ni Apryl Stott
Sagrado a kankanta dagiti salmo. Nagsurat dagiti tao iti Biblia kadagiti salmo a mangidaydayaw iti Dios. Adu kadagiti salmoda ti mangisuro iti maipapan ken ni Jesucristo. Adtoy ti isursuro ti sumagmamano kadagiti salmo manipud iti Biblia.
Ay-ayatek ti Apo. Isu ti batok ken ti pigsak. Agtalekakto Kenkuana. Agdaydayawakto Kenkuana.
Ti Apo isu ti Pastorko. Iturongnak kadagiti berde a karuotan. Iturongnak kadagiti natalna a danum. Diakto mabuteng.
Ti Apo ti silawko. Diakto agbuteng. Addaanakto iti tured. Papigsaennanto ti pusok.
Ay-ayatek ni Jesucristo, ket ay-ayatennak. Makapagdaydayawak Kenkuana no agsursuro ken agkantaak iti maipapan Kenkuana.
Panid ti Panagkolor
Ti Apo Isu ti Pastorko
Iklik iti ladawan nga i-download.
Panangiladawan ni Apryl Stott
Kasano ti pannakariknam iti ayat ni Jesus?
© 2022 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Friend Message, August 2022. Ilokano. 18316 864