Mukenji wa ku Ngondu wa Liahona Ngondu wa Dikumi ne Umua 2022
Kuambuluisha Bapela ne Bakengakanyi
Tshikepeshelu
Midimu ya diakalenga ne diambuluisha dia bukua bantu kudi binetu udi mulongesha ne muteka mu tshienzedi kudi Ekelezia wa Yezu Kilisto wa Bansantu ba Matuku a Ndekelu ne kudi tuetu bu bidimba bienda. Tshilejelu, tudi tujila biakudia dituku dia kumpala dia ngondu yonsu ne tufila bikumbanangana ne mushinga wa biakudia bibidi kabiyi bidia ku tshikongu tshietu bua kuambuluisha badi mu dijinga. Ekelezia udi wenza milambu minena bua bukua bantu ne ku midimu mikuabu pa buloba.
Nansha bidi Ekelezia wenza buludi, midimu ya diambuluisha dia bungi ya bana ba Nzambi pa buloba idi yenzeka ne bantu anyi bilongoluedi bidi kabiyi ne malanda ne Ekelezia wetu to. …
Ekelezia wa Yezu Kilisto udi udibuika mu disadila aba badi mu dijinga, ne udi kabidi udibuika mu dipetangana ne bakuabu badi mu tshienzedi etshi. …
Dibululuila dia matuku â didi dilongesha ne Mupandishi wetu, Yezu Kilisto, udi bukenka bulela budi bukenkesha muntu yonsu udi ulua pa buloba [Dilongesha ne Bipungidi 93:2]. Ku etshi, bana bonsu ba Nzambi mbakenkeshibua bua kumusadila yeya ne bakuabu mu mushindu wabu muimpa yonsu mu bula bua dimanya ne muabu monsu. …
… Babungi ba kutudi badi ne bua kumanya malu mimpa menza kudi bakuabu ne kuakankamika bualu tudi ne diba ne mushindu wa kuenza.
Ndi njadika bua Yezu Kilisto, muena bukenka ne nyuma bidi bilombola bana bonsu ba Nzambi mu diambuluisha dia bapela ne bakengeledi pa buloba.
© 2022 by Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, November 2022. Language. 18300 760