Mukenji wa ku Ngondu wa Liahona Ngondu wa Dikumi ne Umua 2022
Bumpianyi bua Didikankamika—Tshikepeshelu
Tshikepeshilu
Bu mamu wanyi mungambila pa mvua ndilakana bua dikenga dia tshintu kampanda “O, Hal, tshia bushuwa mbikola. Ke mudibi ne bua kuikala. Moyo ewu udi ditêta.”
Uvua wamba ne lutulu, nansha ne mimuemua, bualu uvua mumanya bintu bibidi. Pa kumbusha lutatu, tshidi ne mushinga mutamba buimpa tshidi kualukila kumpala kua Tatu wa mu Diûlu. Uvua mumanya ne udi mua kutshienza ku ditabuija mu Mupandishi wenda. …
Bumpianyi bua didikankamika budiyi mutushila mbuleja bimpa mu Moloni 7, mudi Molomo ukankamika muanenda Moloni ne bantu benda. …
Udi uteka Yezu Kilisto kumpala, bumudi benza kudi bonsu basua ku kumbaja dikankamika dia aba badi baluangana bua kubuela mu njila wa dîku dia ku diûlu. …
Molomo uvua utangila lutulu bu tshijadikilu tshia bukola bua ditabuija diabu. …
Nanku Molomo udi ubakankamika ubajadikila ne badi pabuipi ne kuakidila dipa dia mioyo yabu miuwula ntenta ne dinanga dilelela dia Kilisto. …
Pandi ntangila panyima, ndi mmona mpindiewu mushindu udi dipa edi dia bunangi—dinanga dilelela dia Kilisto—dikankamika, dilombola, ditua mpanda, ne dikudimuna mamu wanyi mu diluangana bua kualukila ku diûlu. …
… Mupandishi mmumanya lutatu lueba mu bitupa bialu bionsu. Mmumanya bunena bua tshiwudi mua kulua bua kukola mu ditabuija, ditekemena, ne bunangi.
Mikenji ne bipungidi bidiyi ukupesha kabiena matêta bua kunutangila to. Bidi bikala mapa adi anujula bua nuakidila mapa onsu a Nzambi ne nualukila kumpala kua Tatu wenu wa mu Diûlu ne Mukalenga, badi banunanga.