“Mfungulie Roho Mtakatifu Moyo Wako,” Kwa Ajili ya Nguvu kwa Vijana, Apr. 2023.
Ujumbe wa kila Mwezi wa Kwa Ajili ya Nguvu kwa Vijana, Aprili 2023
Mfungulie Roho Mtakatifu Moyo Wako
Kutoka kwenye hotuba ya mkutano mkuu wa Aprili 2018.
Katika msimu huu wa Pasaka, ninamshukuru Baba yetu wa Mbinguni kwa Zawadi ya Mwanawe Mpendwa, ambaye alikuja kwa hiari duniani kuwa Mkombozi wetu. Nina shukrani kujua kwamba alifanya upatanisho kwa ajili ya dhambi zetu na kufufuka katika ufufuko. Kila siku ninabarikwa kujua kwamba, kwa sababu ya Upatanisho Wake, siku moja ninaweza kufufuka na kuishi milele katika familia yenye upendo.
Ninajua vitu hivyo kwa njia pekee ambayo kila mmoja wetu anaweza kujua. Roho Mtakatifu amezungumza akilini mwangu na moyoni mwangu kwamba ni vya kweli—si mara moja tu bali kila mara.
Tuna ahadi ya thamani sana ya Roho Mtakatifu kama mwenzi. Jukumu letu ni kuchagua kufungua mioyo yetu ili tupokee maelekezo na faraja endelevu ya kiroho kupitia Roho Mtakatifu katika maisha yote.
Vielelezo na Emily E. Jones
Uchaguzi wa kwanza ni kuwa mnyenyekevu mbele za Mungu.
Wa pili ni kusali kwa imani kupitia Bwana Yesu Kristo.
Wa tatu ni kutii kwa usahihi.
Na wa nne ni kusali ili kujua mahitaji na mioyo ya wengine na jinsi ya kuwasaidia kwa niaba ya Bwana.
Ninasali kwa moyo wangu wote kwamba mtaisikia sauti ya Roho, ambayo inatumwa kwenu kwa ukarimu. Na ninasali kwamba utaufungua moyo wako daima ili umpokee Roho kwamba uweze kuwa na shangwe ya kuwa na Roho pamoja nawe kama mwenzi wako daima.
© 2023 na Intellectual Reserve, Inc. Haki zote zimehifadhiwa. Limepigwa chapa Marekani. Idhini ya Kingereza: 6/19. Idhini ya kutafsiri: 6/19. Tafsiri ya Monthly For the Strength of Youth Message, April 2023. Language. 19006 743