ພຣະເຢຊູບັນດານລາຊະໂຣໃຫ້ເປັນຄືນມາຈາກຕາຍ

ພຣະເຢຊູກຳລັງນັ່ງຢູ່ກັບນາງມາຣີ, ນາງມາທາ, ແລະ ລາຊະໂຣ

ນາງມາຣີ ແລະ ນາງມາທາມີນ້ອງຊາຍຊື່ວ່າ ລາຊະໂຣ. ເຂົາເຈົ້າເປັນໝູ່ເພື່ອນຂອງພຣະເຢຊູຄຣິດ.

ລາຊະໂຣໄດ້ລົ້ມປ່ວຍໜັກ. ບໍ່ດົນ, ລາວກໍໄດ້ສິ້ນຊີວິດໄປ. ນາງມາຣີ ແລະ ນາງມາທາເສົ້າໂສກເສຍໃຈ. ເມື່ອພຣະເຢຊູມາເຖິງ, ພຣະອົງກໍກັນແສງນຳເຂົາເຈົ້າ.

ແລ້ວພຣະເຢຊູກໍໄດ້ອອກໄປທີ່ອຸບມຸງຂອງລາຊະໂຣກັບເຂົາເຈົ້າ. ພຣະອົງໄດ້ກ່າວວ່າ, “ລາຊະໂຣເອີຍ, ຈົ່ງອອກມາ.”

ລາຊະໂຣໄດ້ຢືນຂຶ້ນ ແລະ ຍ່າງອອກມາຈາກອຸບມຸງ. ລາວໄດ້ມີຊີວິດອີກຄັ້ງ! ເພາະພຣະເຢຊູ, ເຮົາທຸກຄົນຈະມີຊີວິດອີກເຊັ່ນກັນ!

ໜ້າລະບາຍສີກ່ຽວກັບເດັກນ້ອຍກຳລັງຖືຮູບພຣະເຢຊູ

© 2023 ໂດຍ Intellectual Reserve, Inc. ສະຫງວນລິຂະສິດທຸກປະການ. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, April 2023. Language. 19006 331