“Open Your Heart to the Holy Ghost,” For the Strength of Youth, Apr. 2023.
ຂ່າວສານປະຈໍາເດືອນ For the Strength of Youth, ເດືອນເມສາ 2023
ເປີດໃຈຮັບພຣະວິນຍານບໍລິສຸດ
ໃນເທດສະການບຸນອີດສະເຕີນີ້, ຂ້າພະເຈົ້າຂໍຂອບພຣະໄທພຣະບິດາເທິງສະຫວັນສຳລັບຂອງປະທານທີ່ເປັນພຣະບຸດທີ່ຮັກຂອງພຣະອົງ, ຜູ້ໄດ້ອາສາສະໝັກມາສູ່ໂລກ ເພື່ອເປັນພຣະຜູ້ໄຖ່ຂອງເຮົາ. ຂ້າພະເຈົ້າມີຄວາມກະຕັນຍູຫລາຍ ທີ່ຮູ້ວ່າ ພຣະອົງໄດ້ຊົດໃຊ້ແທນບາບຂອງເຮົາ ແລະ ໄດ້ຟື້ນຄືນພຣະຊົນແລ້ວ. ທຸກວັນ ຂ້າພະເຈົ້າໄດ້ຮັບພອນ ທີ່ຮູ້ວ່າ, ເປັນເພາະການຊົດໃຊ້ຂອງພຣະອົງ, ຂ້າພະເຈົ້າຈະຟື້ນຄືນຊີວິດ ໃນມື້ໜຶ່ງ ແລະ ມີຊີວິດຕະຫລອດການ ໃນຄອບຄົວທີ່ຮັກແພງກັນ.
ຂ້າພະເຈົ້າຮູ້ສິ່ງເຫລົ່ານັ້ນ ໂດຍ ພຽງວິທີດຽວ ທີ່ເຮົາທຸກຄົນສາມາດຮູ້ໄດ້. ພຣະວິນຍານບໍລິສຸດໄດ້ກ່າວແກ່ຄວາມຄິດ ແລະ ຈິດໃຈຂອງຂ້າພະເຈົ້າວ່າ ສິ່ງເຫລົ່ານັ້ນເປັນຄວາມຈິງ—ບໍ່ແມ່ນພຽງເທື່ອດຽວ, ແຕ່ເລື້ອຍໆ.
ເຮົາມີຄຳສັນຍາອັນລ້ຳຄ່າວ່າຈະໄດ້ຮັບພຣະວິນຍານບໍລິສຸດເປັນເພື່ອນ. ພາກສ່ວນທີ່ເຮົາຕ້ອງເຮັດແມ່ນວ່າເຮົາຈະເລືອກເປີດໃຈ ຮັບເອົາການຊີ້ນຳ ແລະ ການປອບໂຍນທາງວິນຍານຢ່າງຕໍ່ເນື່ອງຜ່ານທາງພຣະວິນຍານບໍລິສຸດຕະຫລອດຊີວິດຫລືບໍ່.
ຮູບພາບປະກອບ ໂດຍ ເອັມມະລີ ອີ ໂຈນສ໌
ການເລືອກທຳອິດ ແມ່ນຕ້ອງ ຖ່ອມຕົວ ຢູ່ຕໍ່ພຣະພັກຂອງພຣະເຈົ້າ.
ທີສອງ ແມ່ນການ ອະທິຖານດ້ວຍສັດທາ ໃນອົງພຣະເຢຊູຄຣິດເຈົ້າ.
ທີສາມ ແມ່ນການ ເຊື່ອຟັງຕາມນັ້ນ.
ແລະ ທີສີ່ ແມ່ນການ ອະທິຖານເພື່ອຈະໄດ້ຮູ້ເຖິງຄວາມຕ້ອງການ ແລະ ຮູ້ໃຈຂອງຄົນອື່ນ ແລະ ເຖິງວິທີທີ່ຈະຊ່ວຍເຂົາເຈົ້າໄດ້ ແທນພຣະຜູ້ເປັນເຈົ້າ.
ຂ້າພະເຈົ້າອະທິຖານດ້ວຍສຸດໃຈວ່າ ທ່ານຈະໄດ້ຍິນສຸລະສຽງຂອງພຣະວິນຍານ, ຊຶ່ງຖືກສົ່ງມາຫາທ່ານ ດ້ວຍຄວາມເພື່ອແຜ່. ແລະ ຂ້າພະເຈົ້າອະທິຖານວ່າ ທ່ານຈະເປີດໃຈຮັບພຣະວິນຍານສະເໝີ ເພື່ອທ່ານຈະມີຄວາມຊື່ນຊົມທີ່ມີພຣະອົງສະຖິດຢູ່ນຳເປັນເພື່ອນຕະຫລອດເວລາ.
© 2023 ໂດຍ Intellectual Reserve, Inc. ສະຫງວນລິຂະສິດທຸກປະການ. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, April 2023. Language. 19006 331