ቦታዎች ከቅዱሳት መጻሕፍት

ጌተሰማኔ

በእኛ ፋንታ የአዳኙ ስቃይ ስለጀመረበት ቦታ ይበልጥ ተማሩ።

የወይራ ዛፍ ቁጥቋጦ

የት ነው ያለው?

ከኢየሩሳሌም በስተ ምሥራቅ ባለው የደብረ ዘይት ቁልቁለት (በሥዕሉ ላይ በስተቀኝ፣ ትልቅ ዛፍ ካለበት)።

የጥንቷ ኢየሩሳሌም ካርታ

የኢየሩሳሌም ካርታ ምሳሌ በጂም ማድሰን

እዚያ ምን ነበር?

የወይራ ዛፎች ቁጥቋጦ እና ምናልባትም ከወይራዎቹ ዘይት ለማውጣት የሚጠቅም መጭመቂያ።

የወይራ ዘይት መጭመቂያ

እዚህ ምን ተፈጠረ?

ከመጨረሻው እራት በኋላ፣ ኢየሱስ ክርስቶስ ከአስራ አንዱ ሃዋሪያቶች ጋር ወደ ጌቴሰማኔ ሄደ። ከዚያም ጴጥሮስንና ያቆብን ዩሐንስንም ከእርሱ ጋር ወሰዶ ሊጸልይ ወጣ።

“ሊደነግጥም ሊተክዝም ጀመረና” እንዲህ ሲል ተናገረ ፦ ”ነፍሴ እስከሞት ድረስ እጅግ አዘነች” (ማርቆስ 14: 33-34)።

እንዲህ ሲል ጸለየ “አባ አባት ሆይ ሁሉ ይቻልሃል ይህችን ጽዋ ከእኔ ውሰድ፤ ነገር ግን አንተ የምትወደው ግን እኔ የምወደው አይሁን።

“ከሰማይም መጥቶ የሚያበረታ መልአክ ታየው።

“በፍርሃትም ሲጣጣር አጽንቶ ይጸልይ ነበር፣ ወዙም በምድር ለይ እንደሚወርድ የደም ነጠብጣብ ነበር” (ሉቃስ 22:42-44)።

ከዚህ ከአዳኙ ከባድ ስቃይ በኋላ፣ በይሁዳ አሳልፎ ተሰጠ እና በአይሁድ መኮንኖች እና በሮማውያን ወታደሮች ታሰረ።

አውቃችኋል?

ይህ በደብረ ዘይት ተራራ ላይ ያለው የአትክልት ስፍራ ኢየሱስ ብዙ ጊዜ የሚሄድበት ቦታ ነበር (ሉቃስ 22፡39፣ ዩሃንስ 18:2።

“በአራማይክ ጌተሰማኔ ማለት ‘የወይራ ዘይት’ መጭመቂያ ማለት ነው። ”¹

ወይራ በወይራ ዘይት መጭመቂያ ሲጨመቅ የሚወጣው ዘይት እንደ ደም ቀይ ነው።

በአዳኙ ጊዜ፣ የወይራ ዘይትን ማምረት በተቻለ መጠን ብዙ ዘይት ለማውጣት በእያንዳንዱ ደረጃ ግፊትን የመጨመር ሂደት ነበር፡-

1. በትልቅ ድንጋይ የወይራ ፍሬን ፍጩ።

2. የተፈጨውን የወይራ ፍሬ በቅርጫት ውስጥ አስቀምጡ እንዲሁም ቅርጫቶቹን አንዳቸውን በሌላው ላይ ደርቡ።

3. በተደራረቡት ቅርጫቶች ላይ አንድ ትልቅ ምሰሶ ወይም ጣውላ አድርጉ።

4. ከመሰሶው አንደኛው ጫፍ ላይ ድንጋዮችን አያይዙ። ²

የወይራ ዘይት በጥንት ጊዜ ለመብራት፣ ለምግብ ዘይት፣ ለምግብ፣ ለሳሙና፣ ለሃይማኖታዊ ሥርዓቶች እና ቁስሎችን ለማከም የሚያገለግል ቅባት ነበር።

ክርስቶስ ከመምጣቱ ከብዙ አመት በፊት አንድ መልዓክ ለንጉስ ቢኒያም ስለክርስቶስ የጌቴሰማኔ ስቃይ እንዲ ሲል ነገረው፦ “ጭንቀቱ እጅግ ታላቅ ሆኖ፣ ደሙም ከእያንዳንዱ የሰውነቱ ቀዳዳ ይፈሳል” (ሞዛያ 3፡7)።

አዳኙ ሰለ እኛ የተቀበለው ስቃይ፣ በጌተሰማኔ እና በሞተበት በመስቀሉ ላይ ያሳለፈውን ስቃይ ያጠቃልላል። ሁሉንም ሐጢያቶቻችንን፣ ቁስሎቻችንን፣ መከራዎቻችንን፣ ፈተናዎቻችንን፣ የጤና ህመማችንን እና ድክመቶቻችንን በራሱ ላይ ወሰደ (አልማ 7:11-12ን ተመልከቱ)።

ኢየሱስ ክርስቶስ በጌተሰማኒ

ጌተሰማኔ፣ በማይክል. ማልም

ጌተሰማኔን አስታውሱ

“የሚያበራ ዘይት ለመስጠት እንደተጨመቀው የወይራ አካል ፣ አዳኙም እንደዚያው እንደሆነ አስታውሱ። ከእያንዳንዱ የሰውነት ቀዳዳ የአዳኛችን የሕይወት ደም ወጥቷል። … የደስታ ጽዋችሁ ሞልቶ ሲፈስ፣ ይህ እንዲሆን ያስቻለውን የእርሱን የምሬት ጽዋ አስታውሱ። እናም ከባድ ፈተናዎች ሲደርሱባችሁ ጌተሰማኔን አስታውሱ።

ፕሬዚዳንት ራስል ኤም ኔልሰን “ለምን ይሄ ቅዱስ መሬት?” ኢንዛይን፣ ህዳር 1989 (እ.አ.አ)፣ 18።

© 2023 Intellectual Reserve, Inc. All rights reserved። በዩ.ኤስ.ኤ ውስጥ የታተመ። እንግሊዘኛ የተፈቀደበት፦ 6/19። ትርጉም የተፈቀደበት፦ 6/19። የ ለወጣቶች ጥንካሬ ወርሃዊ መልዕክት፣ ሰኔ 2023 (እ.አ.አ) ትርጉም። Language. 19026 506

ማስታወሻዎች

1. የቅዱሳት መጻህፍት መመሪያ፣ “ጌተሰማኔ።”

2. ዲ ቶድ ክሪስቶፈርሰን፣ የጥቅምት 2018 (እ.አ.አ) አጠቃላይ ጉባኤ፣ (ኤንዛይን ወይም ሊያሆና፣ ህዳር 2016 (እ.አ.አ)፣ 50)