Klumech er a bek el buil Liahona, Ongeuid el buil 2022

Omerek er a Ebangkelio er a Jesus Kristo

ngeask el redil loba chedaol el llechukl el kled er a ochil

Sel bo domtab aikel klengeltengat el dengai leng kid el chedal tial Ikelesia er a Jesus Kristo er a Uriul-klebesei el Santo, eng soad el omerek ra ebangkelio lobengterir tireke el betikrarengud el chad. Ng sebeched el omerek er a klaumerang er kid ra klemerang lokiu a tekinged me a omerelled. Ng sebeched el meluluuch el melai a uldasu el mo medengei el kmo ng techang me a ngera tekoi a bo dolekoi.

Jesus a megedecheduch el mora diak lungil chad

Mo beltikelreng el mora rebebil

A klou a ututelel el teletelel a domerek er a ebangkelio a oubeltikelreng el mora rebebil. Sel dochotii a beltikelreng el mora rebebil lokiu a okesiul a omerellel a Kristo, e kid a omerek er a ebangkelio er a Jesus Kristo—el bebil er a taem diak a tekoi el medung. E sel rebebil bo el lodengei el kmo kede meral ngarngii a rengud el mengetkmokl er tir, eng mo sebecherir el mo remenges a uldesued el kirel a ebangkelio. (Mesa Gary E. Stevenson, “Love, Share, Invite,” Liahona, May 2022, 84–87.)

Omerek ra beot el rolel

Ng sebeched el lomerek e ouchais aike el ngii a betikrarengud el kirel a ebangkelio. Sel doruul er tiang er a bek el sils er a klengar rekid, eng diak debo demetitur er ngii. Ng sebeched lochotii, louchais er a telungalek me a resechelid el kmo ngera doruul sel Sandei. A lechub ng sebeched el dirrek el louchais er tir er a tmolech el deleuiil el domelchesuar er ngii sel dolngeseu er a rebebil. (Mesa Dieter F. Uchtdorf, “Missionary Work: Sharing What Is in Your Heart,”Liahona, May 2019, 15–18.)

Siotai er a rebebil el mo Obengked

Ng sebeched el siotai er a rebebil el mo mesuub a betok el kirel a ebangkelio. Ng sebeched lochotii, sel de siotai er tir el mera ongdibel er a Ikelesia a lechub eng omilil, menguiu er a Babier er a Mormon, omes a Video el kirel a Ikelesia, ma lechub temesterir a remisionari. Aika el techall a sebechel ngusuterir el mo melchesuar er a Chedaol Reng e mo sorir el mesuub a betok.

teru el meklou el redil dengchokl e chadecheduch

Oker el kirel a Teletael el bla bo Lechau

A urirul a resechelid me a rebebil er kid a lengara ongdibel er a ikelesia malechub eng omesuub lobengterir a remisionari, ng sebeched loker er tir kmo te uangerang? A bebil er a osisecheklel a ebangkelio a locha dirrekak a tal renges, meng sebeched el longer a aikel nger er tir. Ng sebeched el lochotii a beltikelreng me a ukerreu el mora omerelir el mei er a Kristo.

Mdechell Aikel Loumerang

Kede menguul e mengelemes a klaumerang er a rebebil, e dirrek el kede melasm el mengaisisois aikel di mla klaumerang lolab. Ng sebeched lochotii, a sechelid el mla metik a ongelaod er a Biblia a sebechel dirrek el mo metik a ongelaod er a osisechakl el mengai er a Babier er a Mormon.

rengeask el redil longeseu er a chuodel mechas el mo imuul er a rael

Olngeseu er a Rebeches el Chedal a Ikelesia

Sel rechad e mo chedal a Ikelesia, e ng sebeched el olngeseu el melisiich a klaumerang er tir. Ng sebeched el mo sechelirir, onger a ker er tir, e dirrek el olengeseu sel ngai a ngerachel. Ng sebeched el melisiich a rengrir el melemolem loltirakl er a Jesus Kristo e mesuub er a Ebangkelio er Ngii.

teru el elder misionari ma sechal el lomes er a dengua

Omesiou el Full-Time Mision

A tara rolel a domerek er a ebangkelio er a bek el sils, a rechedal a Ikelesia a sebecherir el mokedong el mo mesiou el full-time misionari. A lsekum te keltmokl, a rengeask el sechal a sebecherir el mo mesiou sel bol teruich ma eiai a rekrir. Rengeask el redil me a re meklou el chad a sebecherir el dirrek el mo mesiou. Sebechem el metik a information el ngar ChurchofJesusChrist.org/callings/missionary.

Ngara Chedaol Llechukl

Jesus Kristo milekoi er a Remesiungel el mo omerek er a ebangkelio el mora rokui el chad (mesa Markus 16:15).

Tirkel mokedong el mo mesiou a kirir el loba rokui el “reng, klemat, uldasu, me a klisiich” (mesa Doctrine and Covenants 4).

Ekid a monguu sel kot klou el deurreng sel kid a ngusuterir a rebebil el mora ebangkelio (mesa Doctrine and Covenants 18:15–16).

Bebil er a Ngesou el ngara Online

“Ng mekera sebechek el merous er a Babier er a Mormon lobengekel a sechelik?” “Ng mekera sechelik bol lodengelterir a remisionari?” Aika me a lmuut el bebil ra ker me a nger a ngara ChurchofJesusChrist.org/share.

A Gospel Library (el ngaraChurchofJesusChrist.org ma lechub mobile app) ngarngii a kalektion ra ngesou, uldimukel er a basic beliefs. Ngiltii “Sharing the Gospel” a mui el omsodel el kirel a ngerang me a mekerang a domerek.

A mui el omsodel el kirel melisiich er a rebeches el chedal a ikelesia, mesa Gospel Library under “Handbooks and Callings” and then “Ward or Branch Callings.”

Lmuut el mo Medengei a Betok

A lsekum eng ngarngii a kerim el kirel a omerek ra ebangkelio, eng sebechem el mengedecheduch er tikrel mesiou el rodam me a rodos, remerredel er a ward a lechub eng branch er kau, malechub a remisionari.

© 2023 mla er a Intellectual Reserve, Inc. Urrekodel a rokui el klisichel. Milluches er a USA. Kengei er a English: 6/19. Kengei er a Oidel: 6/19. Oidel ra Bek el buil, Klumech ra Liahona, Ongeuid el buil 2023. Language. 19045 881