“Jesus Showed Us the Way,” Friend, August 2023, 4–5.
ຂ່າວສານປະຈຳເດືອນ Friend, ເດືອນສິງຫາ 2023
ພຣະເຢຊູໄດ້ສະແດງທາງນັ້ນແກ່ເຮົາ
ພາບປະກອບ ໂດຍ ແດນ ເບີ
ພຣະເຢຊູຄຣິດເປັນພຣະບຸດຂອງພຣະບິດາເທິງສະຫວັນ. ພຣະອົງໄດ້ສະເດັດມາສູ່ແຜ່ນດິນໂລກ ເພື່ອສະແດງໃຫ້ເຮົາເຫັນເຖິງວິທີທີ່ເຮົາຈະສາມາດກັບຄືນໄປຫາພຣະບິດາເທິງສະຫວັນໄດ້ໃນມື້ໃດມື້ໜຶ່ງ. ພຣະເຢຊູໄດ້ຮັບບັບຕິສະມາ. ພຣະອົງໄດ້ສິດສອນວ່າ ເຮົາກໍຄວນຮັບບັບຕິສະມາເຊັ່ນກັນ.
ພຣະເຢຊູໄດ້ສະແດງໃຫ້ເຮົາເຫັນເຖິງວິທີການດຳລົງຊີວິດ. ພຣະອົງຊົງຮັກ ແລະ ຊ່ວຍເຫລືອທຸກຄົນ. ພຣະອົງຕ້ອງການໃຫ້ເຮົາຕິດຕາມພຣະອົງ.
ພຣະເຢຊູໄດ້ຮູ້ສຶກເຖິງຄວາມເຈັບປວດທັງໝົດຂອງເຮົາ ແລະ ໄດ້ທົນທຸກທໍລະມານເພື່ອການບາບຂອງເຮົາ. ແລ້ວພຣະອົງກໍໄດ້ສິ້ນພຣະຊົນເພື່ອເຮົາ. ນີ້ເອີ້ນວ່າ ການຊົດໃຊ້ຂອງພຣະເຢຊູຄຣິດ. ພຣະອົງໄດ້ຟື້ນຄືນພຣະຊົນ. ນັ້ນໝາຍຄວາມວ່າ ພຣະອົງຊົງພຣະຊົນຢູ່ທຸກມື້ນີ້! ເພາະພຣະເຢຊູຄຣິດ, ເຮົາຈະມີຊີວິດອີກຄັ້ງຫລັງຈາກທີ່ເຮົາຕາຍເຊັ່ນກັນ.
ພຣະເຢຊູໄດ້ເຮັດສິ່ງທັງໝົດເຫລົ່ານີ້ເພື່ອເຮົາ ເພາະພຣະອົງຊົງຮັກເຮົາ. ເພາະພຣະອົງ, ເຮົາຈະສາມາດໃຊ້ຊີວິດຢູ່ກັບພຣະບິດາເທິງສະຫວັນ ແລະ ຄອບຄົວຂອງເຮົາໄດ້ໃນມື້ໃດມື້ໜຶ່ງ.
ເຮົາສາມາດຕິດຕາມພຣະເຢຊູໄດ້ໂດຍການຮັບບັບຕິສະມາ. ເຮົາຍັງສາມາດຕິດຕາມພຣະອົງໄດ້ທຸກມື້ ເມື່ອເຮົາຮັກ ແລະ ຊ່ວຍເຫລືອຄົນອື່ນ ແລະ ຮັກສາພຣະບັນຍັດຂອງພຣະອົງ.
© 2023 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, August 2023. Language. 19046 331