Փնտրեք ըմբռնում

Երեց Ուլիսես Սոարես

Տասներկու Առաքյալների Քվորումից

Հարմարեցված է 2019 թ․ ապրիլի գերագույն համաժողովի ելույթից։

Հիսուս Քրիստոսի ավետարանն ուսուցանելու և սովորելու մեր նպատակը պետք է լինի՝ մեծացնել Աստծո, Նրա երջանկության աստվածային ծրագրի, Հիսուս Քրիստոսի և Նրա քավիչ զոհաբերության հանդեպ հավատքը և հասնել տևական դարձի։ Նման մեծ հավատքը և դարձը կօգնեն մեզ կապել և պահել ուխտերն Աստծո հետ, դրանով իսկ ամրացնելով Հիսուսին հետևելու մեր ցանկությունը և առաջացնելով հոգևոր իրական վերափոխում մեր մեջ։ Այդ վերափոխման արդյունքում մենք կլինենք ավելի երջանիկ, ավելի արդյունավետ, կունենանք առողջ կյանք, և այն կօգնի մեզ պահպանել հավերժական հեռանկար։

Դրան հասնելու համար, մենք պետք է մնանք Հիսուս Քրիստոսում՝ ընկղմվելով սուրբ գրությունների մեջ, ուրախանալով դրանցով, սովորելով Նրա վարդապետությունը և ձգտելով ապրել այնպես, ինչպես Նա ապրեց: Միայն այդ ժամանակ մենք կճանաչենք Նրան՝ Հիսուս Քրիստոսին, ու կճանաչենք Նրա ձայնը, իմանալով, որ երբ գանք դեպի Նա և հավատանք Նրան, մենք երբեք չենք սովի կամ ծարավի (տես Հովհաննես 6.35):

Դա պատահականորեն տեղի չի ունենում։ Աստվածային ամենավեհ ազդեցություններին ենթարկվելը հեշտ բան չէ։ Դա պահանջում է օգնություն խնդրել Աստծուց և սովորել, թե Հիսուս Քրիստոսի ավետարանն ինչպես դարձնել մեր կյանքի առանցքը։

Եթե մենք ջերմեռանդորեն, ի սրտե, հաստատապես և անկեղծորեն ձգտենք սովորել Հիսուս Քրիստոսի ավետարանը և ուսուցանենք այն միմյանց անկեղծ նպատակով և Հոգու ազդեցությամբ, այդ ուսմունքները կարող են վերափոխել մեր սրտերը և ոգեշնչել մեզ ապրել Աստծո ճշմարտությունների համաձայն։

Դարձ. Փոխվելու ընթացքը, ներառյալ փոփոխությունը, որը տեղի է ունենում, երբ գալիս ենք դեպի Քրիստոսը և ընդունում ու հետևում Նրա ուսմունքներին և պատվիրաններին:

Ընկղմվել. Խորապես ներգրավված լինել որևէ գործի կամ առաջադրանքի մեջ: Ընկղմվել նաև նշանակում է խորասուզվել հեղուկի մեջ, ինչպես օրինակ ջրի մեջ: Երբ մենք մկրտվում ենք, մենք մկրտվում ենք ընկղմումով:

Ենթարկվել. Ընկալունակ կամ տեղյակ լինել ինչ որ բանի:

Ջերմեռանդորեն. Ինչ որ բան անել լրջորեն անկեղծ և ուժեղ վճռականությամբ:

© 2023 by Intellectual Reserve, Inc. All rights reserved. Տպագրված է ԱՄՆ-ում։ Անգլերենի հաստատումը. 6/19։ Թարգմանության հաստատումը. 6/19։ Monthly For the Strength of Youth Message, August 2023 -ի թարգմանությունը։ Language. 19046 201