Ozi Kwa Ọnwa Maka Ume nke Ndị Ntoroọbịa Ọgọst 2023

Chọọ Nghọta

Nke si n’aka Okenye Ulisses Soares

Nke Kworum nke Ndị Ozi Iri na Abụọ

Ulisses Soares

Sitere na otu ozi enyere n’ọgbakọ zuru ọha na Eprel 2019.

nwanyị jị mmanụ oriọna

Ngosipụta niile sitere n’aka Emily Jones

Nzube anyị dị ka anyị na-achọ nghọta nke ozi ọma Jizọs Kraịst aghaghị ịbụ iji mụbaa okwukwe niime Chineke ma niime atụmatụ obi ụtọ Ya dị nsọ na nime Jizọs Kraịst na aja mgbaghara mmehie Ya na iji nwete ntọghata na-adịgide. Ụdị okwukwe na ntọghata nke a mụbara amụba nwere ike inyere anyị aka mee ma debe ọgbụgba ndụ anyị na Chineke, site otu a na-agba ọchịchọ anyị nwere isoro Jizọs ume ma rọpụtazie ezi mgbanwe nke ime mmụọ niime anyị. Mgbanwe nke a ga-ewetere anyị ndụ ga aka enwe obi ụtọ, dị nrụpụta ihe, ma nwee ahụike ma nyere anyị aka debe nhụnuche dị ebighị ebi.

nwaikom nta na-agụ akwụkwọ nsọ

Inwete nke a, anyị kwesịrị ịnọnyere Jizọs Kraịst site na-irukpunye onwe anyị niime akwụkwọ nsọ, na-aṅụrị ọṅụ na ha, na amụta ozizi Ya, ma na-agbalịsị ike ibi ndụ dị ka O biri. Naanị mgbe ahụ ka anyị ga-abịa mata Ya ma mata olu Ya, na-amata na dị ka anyị na-abịakwute Ya ma kwere na Ya, agụụ agaghị agụ anyị ma ọ bụ akpịrị akpọ anyị nkụ ma ọlị (lee Jọn 6:35).

nwaikom nta na-ekpe ekpere

Nke ahụ anaghị eme na mberede. Itinye onwe anyị nye nhụmiihe nke nsọpụrụchi ahụ kachasị abụghị ihe dị mfe; ọ na-achọ ịkpọku Chineke na ịmụta otu esi ewete ozi ọma nke Jizọs Kraịst n’etiti ndụ anyị.

nwainyom nta na-emetụ obi ya aka

Ana m agbara unu ama na mgbe anyị jiri uchu, obi, nkwudesi ike na obi ọcha chọọ ịghọta ozi ọma nke Jizọs Kraịst ma kuziekọrịtara onwe anyị jiri ezi nzube ma n’okpuru mmetụta nke Mmụọ ahụ, nkuzi ndị a nwere ike ịgbanwe obi niile ma kpatee ọchịchọ ibi dị ka otu eziokwu niile nke Chineke sịrị dị.

Ntọghata: Usoro nke ịgbanwe, gụnyere mgbanwe ahụ na-eme mgbe abịakwutere Kraịst ma nabata ma soro nkuzi niile na iwu nsọ niile Ya.

Irukpunye: Nke metụtara itinye aka na emume ọbụla ma ọ bụ ọrụ n’ụzọ dị omimi. Irukpunye pụtakwara irunye nime ihe dị mmiri mmiri, dị ka mmiri. Mgbe emere anyị baptizim, a na-eme anyị baptizim site na nrukpunye.

Itinye: Ịnabata ihe ma ọ bụ mata ihe na-eme.

Iji uchu: Ị jiri obi niile mee ihe n’ezi obi ma mkpebi imezu ya.

© 2023 site n’aka Intellectual Reserve, Inc. Ikike niile ka edokwara. Ebipụtara na USA. Nkwado n’asụsụ Bekee: 6/19. Nkwado ntụgharị asụsụ: 6/19. Ntụgharị asụsụ nke Ozi Maka Ume nke Ndị Ntoroọbịa Kwa Ọnwa, Ọgọst 2023. Language. 19046 593