Ozi Liahona Kwa ọnwa, Septemba 2023

Inye Nlekọta maka Ndị Ahụ nọ na Mkpa

Ọ Gwọrọ Ọtụtụ ndị site n’Ọrịa Dị iche, nke si n’aka J. Kirk Richards, nke e nwere ike agaghị akọpị akọpị

Dị ka ndị otu Nzukọ nsọ Ahụ nke Jizọs Kraịst nke Ndị nsọ Ụbọchị Ikpeazụ a, anyị na-esoro nkuzi nke Onyenwe anyị ilekọta ndị ahụ nọ na mkpa. Anyị na-elekọta ndị ọzọ site n’ijere ha ozi, na-enyere ha aka ịghọ ndị nwere ndabere onwe, ma na-ekesa ihe anyị nwere.

Ọmụmaatụ nke Jịzọs Kraịst

Jizọs Kraịst hụrụ naanya, nye nkasi obi, ma kpeere ndị nọ Ya nso ekpere. Ọ “nọ na-agagharị n’eme ihe dị mma” (Ọlụ 10:38). Anyị nwere ike isoro ọmụmaatụ Ya site n’inwe ịhụnaanya, inye nkasi obi, ije ozi, na ikpe ekpere maka ndị ahụ nọ anyị nso. Anyị nwere ike ị nọ mgbe niile na-achọ ụzọ ndị esi enyere ndị ọzọ aka.

Ije ozi nlekọta

Mkpụrụokwu ahụ ije ozi nlekọta ka eji mee ihe na akwụkwọ nsọ niile na niime Nzukọ nsọ iji kọwaa otu anyị si elekọta onye na ibe ya. Ndị ji ọkwa nchụaja ka ana enye ọrụ dị ka ụmụnne ndị nwoke na-eje ozi nlekọta nye onye ọbụla ma ọ bụ ezi na ụlọ ọbụla nọ na ngalaba ukwu ma ọ bụ na ngalaba nta. Ụmụnne ndị nwanyị na-eje ozi nlekọta ka ana ekenye ọrụ nye dimkpa nwanyị ọbụla. Ụmụnne ndị nwoke na ndị nwanyị na-eje ozi nlekọta na-ahụ na ndị otu Nzukọ nsọ niile bụ ndị echetara ma na-elekọta.

Inyere Ndị ọzọ aka Nwee Ndabere Onwe

Anyị nwere ike nyere ndị otu ezi na ụlọ na ndị enyi aka nwee ndabere onwe site na-ịgba ha ume ịchọta azịza ogologo oge nye nsogbu ha. Anyị nwere ike mesịa nyere ha aka dị ka ha na-arụ ọrụ n’elu ebumnuuche ha. Chọpụtakwuo ozi gbasara ndabere onwe niime Liahona Ọgọst 2023 edide Ntọala Ozi ọma.

Ijere Ndị ọzọ ozi

E nwere ọtụtụ ụzọ anyị nwere ike i si jeere ndị ahụ nọ anyị nso ozi ma nye aka zute mkpa anụ ahụ, nke ime mmụọ, na nke uche ha. Ịmụta ihe gbasara ndị ọzọ nwere ike inyere anyị aka mara otu anyị nwere ike i si ejere ha ozi n’ụzọ kacha mma. Anyị nwekwara ike kpee ekpere maka nduzi ịmata ihe anyị nwere ike ime iji nye aka.

Ikesa Ihe Anyị Nwere

Anyị nwere ike jeere ndị ọzọ ozi site n’ikesa ihe Chineke jiworo gọzie anyị. Na-ịmaatụ, anyị nwere ike gbasaa aka na-inye onyinye obubu ọnụ ma ọ bụ nye ihe n’ego Enyem aka Maka Ọdịmma Ụmụ mmadụ nke Nzukọ nsọ. Anyị nwekwara ike jee ozi n’obodo anyị na niime ọkpụkpọ oku Nzukọ nsọ anyị.

Ọrụ niile nke Ndị ndu Nzukọ nsọ

Bishọp na-ahụ maka nlekọta nke ndị ahụ nọ na mkpa na ngalaba ukwu ya. O nwere ike were ego sitere na onyinye obubu ọnụ mee ihe iji nyere ndị otu nwere mkpa aka. Ndị ndu ndị ọzọ, tinyere ndị ndụmọdụ ya na Otu Enyem aka na otu ndịisi kworum ndị okenye, na-enyere ndị otu aka chọta akụrụngwa ndị ha nwere ike iji rụọ ọrụ iji zute mkpa ha.

Mbọ niile nke Nzukọ nsọ maka Ọdịmma Ụmụ mmadụ

Nzukọ nsọ na-enyere ndị mmadụ aka na gburugburu ụwa niile site n’ịza oku ọdụrụkụọ, prọjekets ndị dị n’obodo, na arụmarụ ndị dị ka mmiri dị ọcha na ịgba ọgwụ mgbochi. Maka ịmụtakwu, lee Dallin H. Oaks, “Inyere Ndị Ogbenye Na Ndị nọ na Mkpagbu aka,” Liahona, Nov. 2022, 6–8.

Site niime Akwụkwọ nsọ niile

“Chineke hụrụ ndị ji obi ọcha enye onyinye naanya” (2 Ndị Kọrịnt 9:7).

Anyị na-akuziri ụmụ anyị ijere ndị ahụ nọ na mkpa ozi (lee Mozaya 4:15–16).

Anyị na-akasi ndị ọzọ obi ma nyere ha aka buo ibu arụ ha (lee Mozaya 18: 8–9).

Okwu ndị a Ga-echeta

Ọkpụkpọ oku: otu oke na ọrụ a kpọrọ aha iji jee ozi na Nzụkọ nsọ. Ndị ndu Nzukọ nsọ n’achọ mkpakemmụọ ịmata onye Onyenwe anyị ga-achọ ka ha kpọọ oku.

Onyinye Obubu ọnụ: ego anyị na-enye Nzukọ nsọ mgbe anyị buru ọnụ, opeka mpe ihe ruru ọnụ ego anyị gaara emefu niihe oriri n’oge ibu ọnụ ahụ.

Ndabere onwe: inwe ike ilekọta mkpa nke onwe anyị na nke ndị ezi na ụlọ anyị.

Chọpụtakwuo

Ọ bụrụ na i nwere ajụjụ ndị gbasara ilekọta ndị ahụ nọ na mkpa, i nwere ike ikwuru ụmụnne nwoke ma ọ bụ ụmụnne nwanyị n’ejere gị ozi nlekọta, ndị ndu ngalaba ukwu ma ọ bụ ngalaba nta gị, ma ọ bụ ndị mgbasa ozi ọma. I nwekwara ike chọta okwu niile nke ọgbakọ zuru ọha nwere isiokwu a na akụrụngwa ndị ọzọ dị niime Ọba akwụkwọ Ozi ọma (na ChurchofJesusChrist.org ma ọ bụ niime mobile app).

© 2023 site n’aka Intellectual Reserve, Inc. Ikike niile ka edokwara. Ebipụtara na USA. Nkwado n’asụsụ Bekee: 6/19. Nkwado ntụgharị asụsụ: 6/19. Ntụgharị asụsụ nke Ozi Liahona Kwa Ọnwa, Septemba 2023. Language. 19047 593