Ang Lamharon nga mga Hangaway

Mga tawo nga nagalubong sang ila mga armas sa buho

Ang katawhan nga gintudloan ni Amon kag iya mga utod luyag nga sundon si Jesucristo. Ginlubong nila ang ila mga armas kag nagpromisa sa Dios nga indi na gid sila makig-away liwat.

Isa ka grupo sang lamharon nga mga lalaki ang nagapakadto sa balay sa diin ang mas may edad nga mga hamtong nagaistoryahanay

Pero sa indi madugay kinahanglan nila protektahan ang ila mga pamilya. Ang mga amay nga naglubong sang ila mga armas indi gusto nga gub-on ang ila promisa sa Dios. Gani ang ila mga anak nga lalaki naghanda nga mag-away bulos sa ila. Gintawag sila nga duha ka libo ka lamharon nga mga hangaway. Ang lamharon buot silingon “bataon.”

Lamharon nga lalaki nga nagapangamuyo upod sa iya iloy samtang ang iban nga lamharon nga mga lalaki nagatipon nga may mga armas

Ang lamharon nga mga hangaway wala pa gid nakaaway sa giyera antes. Pero ang ila mga iloy nagbulig handa sa ila kag nagtudlo sa ila nga magsalig sa Dios.

Si Helaman nga nagapanguna sa lamharon nga mga hangaway sa pagmartsa; isa ka pamatan-on nagabulig sa isa pa ka pilason nga pamatan-on nga maglakat

Ginpili nila si Helaman nga mangin ila lider. Maisog sila, kag ginbuligan sila sang Dios. Tanan sila pilason, pero ginbuligan nila ang isa kag isa. Ginbaton sang Dios ang ila pagtuo, kag tanan sila buhi!

Ginakoloran nga pahina sang Libro ni Mormon nga mga tawo nga nagagwa sa mga pahina sang bukas nga libro

© 2024 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly Friend Message, August 2024. Hiligaynon. 19290 861