Parau poro’i tā’āva’e nō te Hoa, ’Ātete 2024

Te mau fa’ehau taure’are’a

Fa’ahōho’ara’a nā Andrew Bosley

’Ua hina’aro te mau ta’ata tā Amona ’e tōna mau taea’e i ha’api’i ’ia pe’e ia Iesu Mesia. ’Ua huna rātou i tā rātou mau mauha’a tama’i ’e ’ua fafau i te Atua ē e’ita rātou e ’aro fa’ahou.

’Aita rā i maoro roa ’ua tītauhia ia rātou ’ia pāruru i tō rātou ’utuāfare. ’Aita te mau metua tāne tei huna i tā rātou mau mauha’a tama’i i hina’aro e ’ōfati i tā rātou fafaura’a ’e te Atua. Nō reira ’ua fa’aineine tā rātou mau tamaiti i te ’aro nō rātou. ’Ua pi’ihia rātou nā fa’ehau taure’are’a e piti tauasini. E taure’are’a ra, e mea « ’āpī » ïa.

’Aita te mau fa’ehau taure’are’a i ’aro a’enei i roto i te hō’ē tama’i nā mua atu. ’Ua tauturu rā tō rātou mau metua vahine i te fa’aineine ia rātou ’e i te ha’api’i ia rātou ’ia ti’aturi i te Atua.

’Ua mā’iti rātou ia Helamana ’ia riro ’ei fa’atere nō rātou. E mea itoito rātou, ’e ’ua tauturu te Atua ia rātou. ’Ua pēpē rātou pā’āto’a, ’ua tauturu rā rātou te tahi i te tahi. ’Ua fa’ahanahana te Atua i tō rātou fa’aro’o, ’e ’ua ora pā’āto’a mai rātou !

E nehenehe ’outou e tai’o i teie ’ā’amu i roto i te Alama 56–57.

ʼApi fa’a’ūraʼa

E nehenehe te mau pāpa’ira’a mo’a e tauturu iā’u i te mau mahana ato’a

Fa’ahōho’ara’a nā Adam Koford

E aha te ’ā’amu o te pāpa’ira’a mo’a tā ’outou e au maita’i ?

© 2024 nā Intellectual Reserve, Inc. Fatura’a pāruruhia. Nene’ihia i te Fenua Marite. Parau fa’ati’a nō te reo peretāne : 6/19. Parau fa’ati’a nō te ’īritira’a : 6/19. ’Īritira’a nō Monthly Friend Message, August 2024. Tahitian. 19290 895