Maandelikse Vir die Krag van die Jeug-boodskap, September 2024

Bang vir Bekering?

Jessica Zoey Strong

Kerktydskrifte

Volgens President Russell M. Nelson, is dit hoekom jy nie moet wees nie.

Waarvoor is jy bang? Wipwaentjies (Rollercoasters)? Wiskundeklas? Probeer om Jesaja te verstaan?

Wat van bekering? As die gedagte aan bekering veroorsaak dat jy onder jou kombers wil wegkruip of te veel sjokolade eet, is hierdie artikel vir jou.

“Moet asseblief nie bang wees of uitstel om te bekeer nie,” het president Russell M. Nelson gesê. En met goeie rede. Hier is ʼn paar dinge wat bekering is en nie is nie, volgens President Nelson.

Illustrasies deur Corey Egbert

Bekering is: Vir elkeen.

Bekering is NIE: Net vir “slegte” mense nie.

“Het elkeen nodig om te bekeer? Die antwoord is ja.”

“Bekering word vereis van elke verantwoordbare persoon wat die ewige heerlikheid begeer. Daar is geen uitsonderings nie. … Bekering is die sleutel om te vorder.”

Bekering is: ʼn Manier om elke dag te verbeter.

Bekering is NIE: ʼn Seldsame gebeurtenis net vir “ernstige” sondes nie.

“Ervaar die versterkende krag van daaglikse bekering—om elke dag ʼn bietjie beter te doen en te wees.

“Wanneer ons kies om te bekeer, kies ons om te verander! Ons laat die Saligmaker toe om ons te verander in die beste weergawe van onsself. …

“… Die Here verwag nie volmaaktheid van ons op hierdie punt in ons ewige vordering nie. Maar Hy verwag wel van ons om al hoe meer rein te word.”

Bekering is: ʼn Manier om vrede en vreugde te voel.

Bekering is NIE: Daar om jou skaam en bang te laat voel nie.

“Bekering … is die sleutel tot geluk en gemoedsrus. …

“Wanneer ons kies om ons te bekeer, … kies ons om geestelik te groei en vreugde te ontvang—die vreugde van verlossing in [Jesus Christus].” (Sien ook Alma 36:17–23.)

Bekering is: ʼn Seëning vanaf Hemelse Vader en die Saligmaker, wat ons liefhet.

Bekering is NIE: ʼn Straf nie.

“Te veel mense beskou bekering as straf —iets wat vermy moet word, behalwe in die ernstigste omstandighede. Maar hierdie gevoel van om gepenaliseer te word, word deur Satan veroorsaak. Hy probeer om ons te keer om na Jesus Christus op te sien, wat met ope arms staan en hoop en bereid is om ons te genees, te vergewe, te suiwer, te versterk, te reinig en te heilig.”

Jy word: Benodig in die Here se Kerk.

Jy is NIE: Te ver heen om te bekeer nie.

“As jy dalk voel jy het te ver of te lank van die verbondspad afgedwaal, laat ek jou verseker dat dit nie waar is nie. Deur die Versoening van Jesus Christus, kan jou toekoms blink wees—selfs skitterend. Praat met jou ouers en jou biskop of takpresident. … Kom asseblief terug na die vreugde en veiligheid van die verbondspad. Ons het jou nodig by ons.”

Aanvaar God se Volmaakte Geskenk

Dus, is jy gereed om die Saligmaker te vertrou om jou vrees vir bekering te oorkom? Julle sal nie spyt wees nie.

President Nelson sê: “Omdat die wêreld nodig het om gered te word, en omdat ek en jy redding nodig het, het [Hemelse Vader] vir ons ʼn Saligmaker gestuur.

“… Laat ons God se volmaakte en kosbare geskenk aanvaar. Laat ons ons laste en sondes voor die Saligmaker se voete werp en die vreugde ervaar wat uit bekering en verandering kom.”

© 2024 deur Intellectual Reserve, Inc. All rights reserved. Gedruk in die VSA. Engelse goedkeuring: 6/19. Vertalingsgoedkeuring: 6/19. Vertaling van Monthly For the Strength of Youth Message, September 2024. Afrikaans. 19343 501

Notas

1. Russell M. Nelson, “The Power of Spiritual Momentum,” Apr. 2022 algemene konferensie (Liahona, Mei 2022, 98).

2. Russell M. Nelson, “We Can Do Better and Be Better,” Apr. 2019 algemene konferensie (Ensign of Liahona, Mei 2019, 67).

3. Russell M. Nelson, “The Power of Spiritual Momentum” (98).

4. Russell M. Nelson, “We Can Do Better and Be Better” (67–68).

5. Russell M. Nelson, “We Can Do Better and Be Better” (67).

6. Russell M. Nelson, “We Can Do Better and Be Better” (67).

7. Russell M. Nelson, in “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. Russell M. Nelson, Instagram, 24 Des. 2021, instagram.com/russellmnelson.