“Nephi Sees Baby Jesus,” Friend, December 2024, 26–27.
ຂ່າວສານປະຈຳເດືອນ Friend, ເດືອນທັນວາ 2024
ນີໄຟເຫັນກຸມມານນ້ອຍເຢຊູ
ພາບປະກອບ ໂດຍ ແອນດຣູ ໂບສ໌ລີ
ລີໄຮພໍ່ຂອງນີໄຟ, ໄດ້ເຫັນພາບນິມິດກ່ຽວກັບພຣະເຢຊູຄຣິດ. ນີໄຟກໍປາດຖະໜາທີ່ຈະເຫັນພາບນິມິດນີ້ເຊັ່ນກັນ. ເພິ່ນໄດ້ອະທິຖານ ແລະ ຂໍໃຫ້ເຫັນສິ່ງທີ່ບິດາຂອງເພິ່ນໄດ້ເຫັນ.
ພຣະວິນຍານບໍລິສຸດໄດ້ສະແດງໃຫ້ນີໄຟໄດ້ເຫັນພາບນິມິດອັນດຽວກັນ. ນີໄຟໄດ້ເຫັນຍິງໜຸ່ມຄົນໜຶ່ງຊື່ ມາຣີ. ພຣະວິນຍານບໍລິສຸດໄດ້ກ່າວວ່ານາງຈະເປັນມານດາຂອງພຣະບຸດຂອງພຣະເຈົ້າ, ພຣະເຢຊູຄຣິດ.
ນີໄຟໄດ້ເຫັນກຸມມານນ້ອຍເຢຊູຢູ່ກັບນາງມາຣີ. ພຣະວິນຍານບໍລິສຸດໄດ້ກ່າວວ່າ ພຣະເຢຊູຈະສະເດັດມາສູ່ໂລກນີ້ເພື່ອຊ່ວຍເຫລືອລູກໆຂອງພຣະບິດາເທິງສະຫວັນ.
ນີໄຟໄດ້ເຫັນຊີວິດຂອງພຣະເຢຊູຄຣິດ. ເພິ່ນໄດ້ເຫັນພຣະອົງກຳລັງຮັບໃຊ້ ແລະ ສິດສອນຜູ້ຄົນ. ນີໄຟໄດ້ຮຽນຮູ້ຫລາຍສິ່ງຫລາຍຢ່າງກ່ຽວກັບພຣະຜູ້ຊ່ວຍໃຫ້ລອດ. ເຈົ້າສາມາດຮຽນຮູ້ກ່ຽວກັບພຣະອົງໄດ້ເຊັ່ນກັນໂດຍການອ່ານພຣະຄຳພີ.
ໜ້າລະບາຍສີ
ຄຣິດສະມາດແມ່ນກ່ຽວກັບພຣະເຢຊູ
ພາບປະກອບ ໂດຍ ອາດາມ ໂຄຟອດ
“ມີເດັກນ້ອຍຜູ້ໜຶ່ງໄດ້ເກີດມາໃຫ້ພວກເຮົາ, ມີລູກຊາຍຜູ້ໜຶ່ງຖືກມອບໝາຍໃຫ້ພວກເຮົາແລ້ວ” (ເອຊາຢາ 9:6).
© 2024 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, December 2024. Laotian. 19350 331