Addiction Recovery Program

Giya aron Maayo ug Maulian Gikan sa Pagkaadik

Giandam sa
LDS Family Services

Gimantala sa
Ang Simbahan ni Jesukristo sa mga Santos sa Ulahing mga Adlaw
Dakbayan sa Salt Lake, Utah

Ang Addiction Recovery Program sa LDS Family Services mipahiangay sa orihinal nga Dose ka mga Lakang sa Alcoholics Anonymous World Services, Inc. ngadto sa estraktura sa mga doktrina, baruganan, ug gituohan sa Ang Simbahan ni Jesukristo sa mga Santos sa Ulahing mga Adlaw. Ang orihinal nga Dose ka mga Lakang gilista sa ubos, ug ang Dose ka mga Lakang nga gigamit niini nga programa makita sa pahina “00” [iv].

Ang Dose ka mga Lakang giusab sa pag-imprinta ug gipahiangay uban sa pagtugot sa Alcoholics Anonymous World Services, Inc. (A.A.W.S.) Ang pagtugot nga moimprinta pag-usab ug mopahiangay sa Dose ka mga Lakang wala magpasabut nga ang A.A.W.S. miribyu o miaprubar sa sulod niini nga publikasyon, o nga ang A.A.W.S. miuyon sa mga panglantaw nga gipahayag dinhi. Ang A.A. usa ka programa aron maayo gikan sa pagkapalahubog lamang—ang paggamit sa Dose ka mga Lakang kalabut sa mga programa ug mga kalihokan nga gisunod sa A.A., apan nagtubag sa ubang mga problema, o sa bisan unsang dili pang-A.A. nga konteksto, wala magpasabut og lahi niini. Dugang pa, samtang ang A.A. usa ka espiritwal nga programa, ang A.A. dili relihiyuso nga programa. Sa ingon, ang A.A. dili konektado o kaabin sa bisan unsang sekta, denominasyon o sa piho nga relihiyusong tinuohan.

Ang Dose ka mga Lakang sa Alcoholics Anonymous

Kami miangkon nga wala kami gahum batok sa alkohol—nga lisud na idumala ang among kinabuhi.
Mituo nga usa ka Gahum nga labaw pa kay sa among kaugalingon ang makapabalik kanamo ngadto sa maayong pangisip.
Mihimo og desisyon nga isalig ang among kabubut-on ug ang among kinabuhi ngadto sa pag-alima sa Dios sumala sa among pagsabut Kaniya.
Mihimo og masuhiron ug walay kahadlok nga moral nga pag-imbentaryo sa among kaugalingon.
Miangkon ngadto sa Dios, sa among kaugalingon, ug sa laing tawo kon unsa ang tukma nga matang sa among mga kasaypanan.
Hingpit nga andam nga tangtangon sa Dios kining tanan nga mga depekto sa kinaiya.
Mapainubsanong mihangyo Kaniya sa pagtangtang sa among mga kakulangan.
Mihimo og lista sa tanang tawo nga among napasakitan, ug matinguhaon nga itul-id ang mga sayop nga nabuhat ngadto kanilang tanan.
Direkta nga mitul-id sa mga sayop nga nabuhat ngadto sa mga tawo kon mahimo, gawas kon ang pagbuhat niini makapasakit kanila o sa uban.
Mipadayon sa paghimo og personal nga imbentaryo ug sa dihang kami nasayop dali nga miangkon niini.
Nagtinguha pinaagi sa pag-ampo ug pagpamalandong nga mapalambo ang tinuyo nga pagkontak sa Dios sumala sa among pagsabut Kaniya, nga mag-ampo lamang alang sa kasayuran sa Iyang kabubut-on alang kanamo ug sa gahum sa pagtuman niana.
Kay nakaangkon og usa ka espiritwal nga pagkahigmata isip resulta niini nga mga Lakang, naningkamot kami sa pagdala niini nga mensahe ngadto sa mga palahubog, ug sa paggamit niini nga mga baruganan sa tanan namong buluhaton.

Alcoholics Anonymous World Services, Inc.^®

Pagtugot sa Iningles: 6/02