“5. Atia’e le Maufetuunai Faalemafaufau,” Fetuunaiga i le Olaga Faafaifeautalai mo Auaunaga: Tamaitusi o Punaoa (2020)
“5. Atia’e le Maufetuunai Faalemafaufau,” Fetuunaiga i le Olaga Faafaifeautalai mo Auaunaga
5. Atia’e le Maufetuuna’i Faalemafaufau
O le galuega faafaifeautalai ua tuua ai manaoga e tele i luga o tagata, ma o nei manaoga e aafia eseese lava tagata taitoatasi. O ou tomai o le a mafai ona fesoasoani ia te oe e faataunuu ai le galuega a le Atua. E mafai ona e faalagolago ia te Ia e faaatoa le eseesega i le va o ou tomai ma le mea o loo manaomia. O fautuaga o i lalo e mafai ona fesoasoani ia te oe i nisi o faafitauli. Tagai i le vaega “1. Atia’e le Maufetuunai i Taimi o le Atuatuvale” mo fautuaga faaopoopo.
A. Aoaoina o se Tofitofiga Fou
O le amataina o se tofitofiga fou e mafai ona atuatuvale ai. Ia onosai i lou supavaisa, o e tou te galulue, ma oe lava ia. Taumafai aua e te faavaivai pe le fiafia a o e aoaoina lou tofiga. E masani lava, o le a e taufuafuaina mea i totonu i ni nai aso. O ni nai motugaafa ia e fesoasoani ai ia te oe a o amataina lau galuega. Atonu e mafai ona e talanoaina nei mea ma lou taitai misiona mo auaunaga.
-
Ua uma ona e faamautu i totonu. Aoao ia e iloa fealuai. Vaa ia fai uma galuega tau pepa. Faatulaga le eria e te galue ai. Ia iloa igoa o e tou te galulue ma supavaisa.
-
Ia outou lototetele. Fai se faaiuga e galue i aso uma ia maua se uiga faaalia lelei i le galuega. Tusa lava pe e te le lava pe le o mautinoa pe o le a le mea ua faamoemoeina, filifili ia agalelei faaleuo. Ia vaavaai i le itu lelei tusa lava pe e te le fiafia i au galuega po o tagata tou te galulue. O le a fesoasoani lena mea ia te oe ia manuia O le a fesoasoani ia i latou e vagaia oe e aoao ai e faatuatuaina ma talisapaia oe.
-
Ia e auai. Ia e taunuu i le taimi mo tofiga uma, laei talafeagai ma ia e saunia e amata. Vaavaai mo auala e fesoasoani ai ma faaaofia ai oe. Ia vaai atu tagata e te naunau e taumafai mea fou ma faata’ita’i tomai fou.
-
Suesue. Afai e te mauaina ni vitio po o ni anomea lolomi e faamalamalama atu ai lau galuega, ia e suesueina ma le faaeteete. Tusi i lalo mea e te manaomia ona manatua Ia faapitoa ona e iloa ia tulafono mo le saogalemu. Ia usi foi i lalo ia tulafono e uiga i tulaga tumaoti po o le le faalauaiteleina. Aoao ia tulaga faatauaina ua faamoemoe mo le faia o lau galuega ia manuia.
-
Fai fesili. Fesili ma le faaaloalo i lou supavaisa ma e tou te galulue i soo se mea e te le malamalama ai. E mafai ona e tauaveina se tamai api e tusitusi ai ni fesili ma tali e mafai ona e toe tagai i ai mulimuli ane. Ia onosai ia i latou e aoao faamasania oe pe afai latou te le faamalamalamaina ma le manino ni mea. Taumafai e toe fai atu mea e te faalogo i ai. Fesili, “Pe ua sa’o a’u i lena mea? E i ai se isii mea?” Fesili i lou supavaisa mo ona faamoemoega mo oe. Fesili pe o le a le mea e sili ona taua i le faia lelei o lau galuega.
-
Vaavaai mo tulafono e le o tusia. E tofu falefaigaluega ma ona ala e faia ai mea. O nisi o na mea e le o tusitusia i lalo, e ui lava e taua. O na tulafono e le o tusitusia e ono aofia ai le tauliaina o ni feeseeseaiga ma le pe o fea ma le taimi e aai ai. O isi tulafono e mafai ona aofia ai pe o le a le tele o le fatufatuai e mafai ona talia ma pe o le a le mea e fai i le galuega e le mae’a a o lei uma le aso galue. Mataitu nei tulafono e le o tusitusia ma taumafai e mulimuli ai.
-
Ia e onosai ia te oe lava ia ma isi. O le a i ai ni mea sese e te faia. O se vaega lea o le aoaoina o soo se mea fou. Faatoese i isi, ma fesili pe mafai faapefea ona e faaleleia ia mea sese. Saili po o le a se mea e tatau ona e faia i le isi taimi, ma toe taumafai. Aua le nofoai ai i mea na sese---o au mea na sese po o se isi foi tagata. Aoao ma agai i luma ma se uiga faaalia lelei. O le a e aoao e fai faalelei lau galuega.
E. Tumau i le Faatulagaina o Sini ma Fuafuaga
-
Tausi se kalena po o se api fai fuafuaga. I le amataga o vaiaso taitasi, tuu au galuega fuafua i luga o lau kalena po o le api fai fuafuaga. Ia aofia ai tofitofiga o le galuega, sauniga/fonotaga faalelotu, ma isi tautinoga e pei o le faitauina o tusitusiga paia ma tatalo. Tusi i lalo igoa, taimi faatulagaina sini, ma lisi o mea e manaomia ona e faia.
-
Aua nei na ona e faalagolago i ou manatuaga. Siaki lau kalena po o le api fai fuafuaga i le gasologa o le aso. Mo mea taua e tatau ona e faia, faapipii ni faamanatu i luga o le faitotoa, i luga o le pusaaisa, po o autafa o lou moega. Seti ia faamanatu i luga o lau telefoni.
-
Tuu mea uma e te manaomia i le isi aso i se nofoaga patino. Fai le mea lea ae e te lei moe. Ona le mafai lea ona galo ia te oe se mea taua. Tuu au mea taua i le mea e tasi. Ona le maimaua ai lea o sou taimi e sue ai.
-
Fesili atu mo se fesoasoani mo le manatuaina o mea. Pe a e manaomia ona manatua se mea e le o se vaega o mea masani e te fai, fesili i isi e fesoasoani ia e manatuaina. E mafai ona e faapea atu, “Ou te iloa o le ituaiga mea lenei e ono galo ia te au. E mafai ona e faamanatu mai pe a galo ia te au?”
-
Taulai i au mea o loo fai. Pe a e matauina ua faalavelaveina oe mai se gaoioiga faafaifeautalai, toe liliu lau gauai i lau galuega. Ia faia soo lenei mea i le tele e te manaomia ai.
-
Filifili au sini. Ona e aoga ia te oe, ia maioio au sini i faavasegaga taitasi o i lalo. Fai se fuafuaga o mea o le a e fai. Faaopopo lau fuafuaga i lau kalena po o le api fai fuafuaga i vaiaso taitasi.
-
O sini faaletino e pei o faamalositino, atiina ae o amio masani o le ‘ai soifua maloloina ma le moe, tauiga o lou potu po o le mea e te galue ai, puleaina o tupe, fesoasoani i le aiga, po o le taalo i taaloga.
-
O sini faalelagona e pei o le faaavanoa o se taimi mo se malologa po o le tomanatu, manatunatu loloto, tusia o lagona po o aafiaga, fai o se malologa po o le faaalu o se taimi i le natura.
-
O sini faaleagafesootai e pei o le faia o mea ma uo ma aiga, auai i gaoioiga a le au talavou nofofua matutua, fesoasoani i isi, galue i le talafaasolopito o le aiga, faatalanoaina o tagata o auaiga e uiga i o latou soifuaga, po o le aoaoina ma le faata’ita’ia o tomai faaleagafesootai.
-
O sini faalemafaufau o le a avea ai oe o se auauna sili atu a le Alii, e pei o le ave o ni vasega, aoaoina o se gagana po o se mea faimusika, faitautusi, sueina o ituaiga o galuega e fiafia i ai, po o le atiina a’e o tomai faigaluega.
-
O sini faaleagaga e pei o le tatalo atili ma le faamaoni, suesueina auiliili o tusitusiga paia, gaoioi i uunaiga faaleagaga, auai i lau uarota po o le paranesi, alu i le malumalu, po o le auauna atu i isi i fafo atu o tofitofiga o lau misiona.
-
-
Liliu atu lou aso i le Alii. Fai le mea e te mafaia e faatulaga ai ou taii ma faaaoga lelei. Ona oo lea i le amataga o lou aso, liliu atu le aso i le Alii. Ole atu i le Alii e fai ia mafai e mea uma ona galulue faatasi mo lou lelei. I le gasologa o le aso, ia fetuutuunai ma tali atu i le Agaga.
I. Faatoilaloina o le Lagona o le Le Gafatia
-
Faatumau lou sane o le agamalie pe a e faia se mea sese. Faatoese mo le mea na sese ona e faia ona toe taumafai lea. Manatua o le naunau e faatoese o se faailoga o le maufetuunai ma le malosiaga.
-
Saili le malosiaga o i se vaivaiga. O nisi taimi o le i ai o se vaivaiga e fesoasoani ia i tatou e atia’e ai malosiaga e pei o le agaalofa ma le loto malamalama. O le taumafaimalosi e faatoilalo se vaivaiga e mafai ona aoao ai i tatou ia onosai, lotomaualalo ma faalagolago i le Alii. O nisi taimi o se vaivaiga e pei o le faalavelaveina gofie e i ai le malosiaga e o faatasi ai. Atonu e te matauina mea e misi e isi tagata. Vaavaai mo malosiaga e ono maua mai ou vaivaiga.
-
Galue i ou vaivaiga. Galue i se vaivaiga se tasi i le taimi ina ia aua ai nei lofituina oe. Ia maua mai ni aitia mai isi. Tatalo mo se taitaiga ma se fesoasoani. Fai se fuafuaga mo faatoilaloina o ou vaivaiga. Mafaufau i mea faalavefau atonu lua te feto’ai, ma mafaufau pe faapefea ona e taulimaina. Faataitai. Fetuunai lau fuafuaga pe a manaomia ai. Ia onosai.
-
Toetaulai lau gauai i lau misiona patino. Pe e te lagonaina le lotoleaga i tomai o se isi tagata? Tuu lou malosi i le atiaeina o ou malosiaga ma saofaga atu i le galuega. O lau misiona lenei.