O Itulau Tomua o le Tusi a Mamona

O le Molimau a Iosefa Samita o le Tusi a Mamona

“Na Faaliliuina … e ala i le Meaalofa ma le Mana o le Atua”

Iosefa Samita

© 1998 David Lindsley

Na faapefea ona oo mai le Tusi a Mamona? Na faapefea ona faaliliu e Iosefa Samita mai se gagana e le mailoa i le gagana Peretania? O le lesona lenei e mafai ona fesoasoani ia te oe e malamalama atili ai ma faamatala le auala na oo mai ai le Tusi a Mamoa “e ala i le meaalofa ma le mana o le Atua” (Mataupu Faavae ma Feagaiga 135:3).

O le oo mai o le Tusi a Mamona

aikona, faamaumau

1. Toe faamanatu ata nei o loo faaalia ai mea na tutupu i le taimi o le oo mai o le Tusi a Mamona. Faatulaga i latou i le faasologa sa’o o le taimi na tutupu ai nei mea. A o e tilotilo i nei ata, mafaufau pe o le a se lagona atonu na oo ia Iosefa Samita i le taimi o nei mea taitasi na tutupu?

   O tali sa’o o loo maua i le faaiuga o le lesona.

   • A.

     Lolomiina o le uluai Tusi a Mamona

   • E.

     Faaliliuga o le Tusi a Mamona

   • I.

     Mauga o Kumora

   • O.

     Ua faaali Moronae i le taulealea o Iosefa Samita

   • U.

     O le uluai-lomiga O Le Tusi a Mamona

“E ala i le meaalofa ma le mana o le Atua”

Mafaufau i se tasi e te iloa e mafai ona manuia mai le aoao atili e uiga i le oo mai o le Tusi a Mamona. Atonu o se tasi e le o se tagata o le Ekalesia, pe atonu foi o se tagata o le Ekalesia o loo ia tauivi ma lo latou faatuatua. Faamatala faapuupuu o latou tulaga i lau api faamaumau mo suesuega ma faailoa mai pe aisea o le a aoga ai ia i latou le aoao atili e uiga i le oo mai o le Tusi a Mamona.

A o e suesue, saili mo faamaoniga o le upumoni e faapea na faaliliuina e Iosefa Samita le Tusi a Mamona i le meaalofa ma le mana o le Atua (tagai itulau autu o le Tusi a Mamona ma le Mataupu Faavae ma Feagaiga 135:3).

Na tusia e Iosefa Samita e uiga i mea na oo ia te ia i le taimi na oo mai ai le Tusi a Mamona.

Faitau le “O Le Molimau a le Perofeta o Iosefa Samita” mai itulau tomua o le Tusi a Mamona. Faailoga malamalamaaga po o auiliiliga atonu e te faasoa atu i le tagata na e mafaufau muamua i ai. Afai e mafai ona e mauaina ni tusitusiga paia faaeletonika, atonu e te manao e faalogo i le anotusi ma mulimuli i le faitauga i au tusitusiga paia.

• O a faamatalaga na e maua ua faailoa mai ai o le Tusi a Mamona na oo mai e ala i le meaalofa ma le mana o le Atua?

• Aisea e te manatu ai o Iosefa Samita na filifilia e faaliliu le Tusi a Mamona, nai lo o se tagata atamai iloga o lenei vaitaimi?

• O le a se mea na e aoaoina e uiga i le oo mai o le Tusi a Mamona lea o le a e faasoa atu i le tagata na e mafaufau i ai?

Auiliiliga o faamatalaga faasolopito

Ina ua uma ona maua e Iosefa Samita papatusi, na ia faaliliuina le Tusi a Mamona e ala i le meaalofa ma le mana o le Atua. “O nisi taimi na faaliliuina ai e Iosefa e ala i le tilotilo atu i faaliliu upu [o le Urima ma le Tumema] ma faitau i le gagana Peretania ia mataitusi i luga o papatusi. E tele taimi sa ia iloa ai e sili ona faigofie le faaaoga o se maa vaai se tasi. Na te tuu le maa vaai i totonu o lona pulou, ona tuu atu lea o ona foliga i totonu o le pulou e poloka ai le malamalama, ae pulatoa atu i le maa. O le malamalama mai le maa o le a susulu i le pogisa, ma faaalia ai upu na faalau mai e Iosefa” (Au Paia: O Le Tala o le Ekalesia a Iesu Keriso o le Au Paia o Aso e Gata Ai, vol. 1, O Le Tagavai o le Upumoni, vol. 1, 1815–1846 [2018], 61). Ina ia aoao atili e uiga i le maa vaai ma le faaliliuga o le Tusi a Mamona, tagai i le Gospel Topics Essay “Book of Mormon Translation.”

Afai e maua, matamata i le “Days of Harmonny” mai le faailotaimi 5:44 i le 9:24, lea e mafai ona maua i le ChurchofJesusChrist.org.

Faitau le saunoaga lenei mai ia Peresitene Dallin H. Oaks o le Au Peresitene Sili: E mafai foi ona e maimoa i le vitio “Faafeagai o Mea Uma” i le ChurchofJesusChrist.org mai le faailotaimi 8:18 i le 9:24.

Peresitene Dallin H. Oaks

Ina ua maea ona faaliliuina e Iosefa Samita le Tusi a Mamona, sa ao pea ona ia sailia se tagata e lolomiina. Sa lei faigofie lenei mea. O le lavelave o nei pepa uumi o tusiga ma le tau o le lolomiina ma le tuufaatasiga o le faitau afe o kopi sa taufaamatau. Sa muamua talanoa atu Iosefa ia E. B. Grandin, o se tagata lomitusi i Palamaira, o le na le taliaina. Ona ia saili atu lea i se isi tagata lomitusi i Palamaira lava, lea foi na ia teena o ia. Sa ia malaga atu i Rochester, 25 maila (40 km) le mamao, ma talanoa atu i le tagata lomitusi sili ona lauiloa i Niu Ioka i sisifo, lea foi na ia teena o ia. Sa naunau le isi tagata lomitusi i Rochester, ae sa i ai ni tulaga sa mafua ai ona le taliaina lenei avanoa.

Sa tuanai ni vaiaso, ma masalo sa matua le mautonu Iosefa i mea faafeagai i le faataunuuina o lona valaauga faalelagi. Sa lei faafaigofieina e le Alii, ae sa Ia saunia le auala ina ia mafai ai. O le taumafaiga lona lima a Iosefa, o lana talosaga lona lua lea i le lomitusi Palamaira o Grandin lea sa faamanuiaina. (Dallin H. Oaks, “Faafeagai o Mea Uma,” Liahona, Me 2016, 116)

aikona, faamaumau

2. Tali fesili nei:

   • E faapefea e nei faamatalaga auiliili faasolopito ona uunaia ou lagona patino e uiga i le Tusi a Mamona?

   • O le a se mea o aoao mai ia te oe e le oo mai o le Tusi a Mamona e uiga i le Tama Faalelagi ma Iesu Keriso?

Faamatalaina o le oo mai o le Tusi a Mamona

aikona, faamaumau

3. Faamaea mea nei:

   Mafaufau i le tagata sa e mafaufau muamua i ai e mafai ona manuia mai le iloaina atili e uiga i le ala na oo mai ai le Tusi a Mamona. Tusi se aotelega puupuu mo ia. Ia aofia ai auiliiliga e mafai ona fesoasoani e tali ai fesili atonu o loo ia te ia. Faasoa atu mea ua aoao mai e nei mea na tutupu e uiga i le Tama Faalelagi ma Iesu Keriso. Mafaufau e faaaofia ai lau lava molimau patino e uiga i le Tusi a Mamona ma le ala na faaliliuina ai e ala i le meaalofa ma le mana o le Atua.

O le faasologa sao o ata i le amataga o le O, I, E, A, U.

Tuu i le Faitalia: O e Manao e Aoao Atili?

Na faapefea ona faaliliu e Iosefa Samita le Tusi a Mamona?

Na aoao mai Elder Ulisses Soares o le Korama a Aposetolo e Toasefululua:

Elder Ulisses Soares

O le faagasologa o le faaliliuga o le Tusi a Mamona o se vavega foi. O lenei faamaumauga paia anamua sa le’i “faaliliuina” i se auala masani lea e faaliliuina ai e tagata popoto anotusi anamua i le aoaoina lea o se gagana anamua. E ao ona tatou tagai atili atu i le faagasologa e faapei o se “faaaliga” faatasi ma le fesoasoani o meafaigaluega faaletino na aumai e le Alii, nai lo e ese mai i le “faaliliuga” e se tasi ua i ai le malamalama o gagana. Na tautino mai e Iosefa Samita e faapea e ala i le mana o le Atua, na ia faaliliuina ai le Tusi a Mamona mai [tusitusiga o ata vane anamua], le malamalama lea sa le iloa e le lalolagi, ae na ia tu ai na o ia i lea mea ofoofogia na tupu, o se talavou e le’i a’oga, e faafetaia’ia le poto faalelalolagi ma le valea faateleina o le seneturi e sefuluvalu, i se faaaliga fou.” O le fesoasoani a le Alii i le faaliliuga o papatusi—po o faaaliga, i se faaupuga faigofie—e matua manino foi pe a mafaufau i le taimi puupuu faavavega na faaaluina e Iosefa Samita e faaliliu ai. (Ulisses Soares, “O Le Oo Mai o le Tusi a Mamona,” Liahona, Me 2020, 33)

O loo tuuina mai e le The Gospel Topics Essay “Book of Mormon Translation” se malamalamaaga faaopoopo:

Ema Samita

Sa faamatala mai e le faletua o Iosefa o Ema e faapea sa “masani ona ia tusitusi i lea aso ma lea aso” i se tamai laulau i lo latou fale i Haramoni, Penisilevania. Sa ia faamatalaina Iosefa “o nofonofo ma ona foliga ua ufitia i lona pulou, ma le maa i totonu, ma faalau atu i lea itula ma lea itula e aunoa ma se mea i lo ma va.” E tusa ai ma le faamatalaga a Ema, o papatusi “e tele ina taatitia i luga o le laulau e aunoa ma se taumafaiga e nana, ua afifi i se ie laulau laitiiti.” Ina ua fesiligia pe na faalau mai e Iosefa mai le Tusi Paia pe mai se tusiga sa ia saunia muamua, sa faafitia e Ema na mea: “Sa lei i ai ia te ia ni tusitusiga po o se tusi e faitau mai ai.” Sa tau atu e Ema i lana tama o Iosefa Samita III, “O le Tusi a Mamona o se tusi moni paia—e le o ia te au sina masalosalo itiiti i ai. Ua faamalieina a’u e faapea e leai se tagata e mafai ona ia faalauina atu ia tusitusiga o faamaumauga sei vagana sa musuia o ia; aua, i le taimi na fai ai [au] ma ana tusiupu, e faalau mai e lou tamā ia te au mai lea itula i lea itula; ma pe a toe foi mai i le maea ai o se taumafataga, pe uma foi se mea sa faalavelaveina ai, e toe amata tonu lava i le mea sa gata ai, e aunoa ma se vaai i le faamaumauga pe faitau atu foi ia te ia se vaega.” (Gospel Topics Essays, “Book of Mormon Translation,” topics.ChurchofJesusChrist.org)

Maimoa le “Seer Stone” (3:47), lea e mafai ona maua i le ChurchofJesusChrist.org, e aoao atili ai e uiga i lenei faagasologa faavavega.

Na faapefea ona faaliliuina le Tusi a Mamona i gagana eseese?

Faitau le tusiga “Translations of the Book of Mormon” (history.ChurchofJesusChrist.org) e aoao atili ai e uiga i le faaliliuga o le Tusi a Mamona i le tele o gagana.