1 Nīfai 6–7

Ko Hono ʻIloʻi e “Ngaahi Meʻa ʻa e ʻOtuá”

Kapau naʻe fiemaʻu ke ke hiki ha lekooti ke tauhi maʻá e ngaahi toʻutangata ʻi he kahaʻú ke nau ako mei ai, ko e hā ha meʻa te ke fakakau ai? Naʻe fakahaaʻi ʻe Nīfai ʻene fakaʻamu ʻe fakahoifua ʻene ngaahi tohí ki he ʻOtuá mo fakalotoʻi e niʻihi kehé ke muimui ʻia Sīsū Kalaisi. ʻE tokoni e lēsoni ko ʻení ke mahino kiate koe ʻa e founga ʻe lava ke tokoniʻi ai koe ʻe he ngaahi taumuʻa ʻo e Tohi ʻa Molomoná ʻi hoʻo akó pea ʻi hoʻo moʻuí.

Ko e hā ʻoku ako ai ʻa e Tohi ʻa Molomoná?

Fakakaukauloto pe ko e hā haʻo tali kapau ʻe fai atu ʻe ha taha ʻa e ngaahi fehuʻi ko ʻení kiate koe:

• ʻOku lahi ha ngaahi tohi fekauʻaki mo e tui fakalotú pea mo e hoko ko ha tokotaha lelei angé; ko e hā ʻoku totonu ai ke u lau e Tohi ʻa Molomoná? Ko e hā te ne fakahoko maʻakú? ʻOku kehe pe lelei fēfē ange ia ʻi he ngaahi tohi kehé?

Naʻe vahevahe ʻe Nīfai ʻene fakakaukaú, pe ngaahi taumuʻá, ʻi hono lekooti e meʻa naʻá ne lekooti ʻi he Tohi ʻa Molomoná. ʻE lava ke tokoni hono ʻiloʻi e ngaahi taumuʻa ko ʻení ke mahino kiate kitautolu ʻa e ʻuhinga ʻoku totonu ke tau lau ai ʻa e tohí mo e meʻa te ne lava ʻo fakahoko maʻatautolú.

Lau ʻa e 1 Nīfai 6:3–6 pea fakakaukau ke fakaʻilongaʻi e ngaahi foʻi lea pe kupuʻi lea ʻoku nau fakahaaʻi ʻa e ngaahi taumuʻa ʻa Nīfai ʻi hono tauhi ʻene lekōtí. Mahalo ʻe tokoni ke ʻiloʻi “ko e ʻOtua ʻo ʻĒpalahamé, … ʻAisaké, mo … Sēkopé” (veesi 4) ko ha huafa ia ʻo Sīsū Kalaisi.

1. Tali ‘a e fehuʻi ko ‘ení:

   • Te ke fakamatalaʻi fēfē ʻa e ʻuhinga naʻe lekooti ai ʻe Nīfai ʻa e meʻa naʻá ne lekōtí?

Fakatatau kia Nīfaí, naʻe fakataumuʻa ʻene ngaahi tohí ke fakalotoʻi kitautolu ke haʻu kia Sīsū Kalaisi pea ko e ngaahi meʻa pē ʻoku fakahōifua ki he ʻOtuá naʻe ʻi aí.

Tuku ha kiʻi taimi ke fakakaukau ai ki he meʻa kuó ke aʻusia ʻi hono lau ʻo e Tohi ʻa Molomoná.

• ʻOku tokoniʻi nai koe ʻe he Tohi ʻa Molomoná ke ʻiloʻi e ngaahi meʻa ʻoku fakahōifua ki he ʻOtuá? Kapau ko ia, ʻoku founga fēfē?

• ʻOkú ke ongoʻi nai ʻoku tokoniʻi koe ʻi hono ako e Tohi ʻa Molomoná ke ke toe ofi ange ai kia Sīsū Kalaisi pea ke fakahaofi ai koe? Ko e hā hono ʻuhingá?

• ʻE hoko fēfē hono ʻiloʻi e ngaahi meʻa ʻa e ʻOtuá pea ofi ange kia Sīsū Kalaisí ko ha tāpuaki ʻi hoʻo moʻuí?

Haʻu kia Sīsū Kalaisi pea ʻiloʻi ʻa e ngaahi meʻa ʻoku fakahōifua ki he ʻOtuá

Ko ha taukei ako folofola lelei ʻa hono kumi e ngaahi taumuʻa ʻa Nīfaí ʻi hoʻo lau e Tohi ʻa Molomoná. Te ke maʻu ʻa e faingamālie ke ʻahiʻahi fakahoko ʻeni ʻi hoʻo ako ʻa e 1 Nīfai 7.

ʻE lava ke vahevahe e ngaahi meʻa naʻe hoko naʻe fakamatalaʻi ʻe Nīfai ʻi he 1 Nīfai 7 ki ha konga lalahi ʻe tolu. Lau e ngaahi fakamatala fakanounou ko ʻeni ʻo e konga takitaha. Fili ha taha pea toe hokohoko atu hono ako iá, ʻo kumi ha faʻahinga meʻa pē ʻoku fakahōifua ki he ʻOtuá mo tokoniʻi kitautolu ke tau haʻu kia Kalaisi.

Konga 1. 1 Nīfai 7:1–5. Naʻe toe foki ʻa Nīfai mo hono ngaahi tokouá ki Selusalema ke fakalotoʻi e fāmili ʻo ʻIsimelí ke nau kau ʻi heʻenau fononga ki he fonua ʻo e talaʻofá. Naʻe lava heni ʻa Nīfai mo hono ngaahi tokouá ke nau mali mo nau maʻu ha ngaahi fāmili.

Ko e Kau Fakataha ’a e Fāmili ‘o ’Isimelí mo e Fāmili ‘o Līhaí | 1 Nīfai 7

1 Nephi 7 | Ishmael's family joins Lehi's sons. Laman and Lemuel bind Nephi, whose faith saves him. All is forgiven, and the journey continues.

Konga 2. 1 Nīfai 7:6–18. Naʻe haʻi ʻe Leimana mo Lēmiuela ʻa Nīfai, ʻo na fakataumuʻa ke tuku ia ke ne mate ʻi he feituʻu maomaonganoá. Ka naʻe fakahaaʻi ʻe Nīfai ha tui lahi, pea naʻe fakahaofi ia ʻe he ʻEikí ʻi ha founga fakaofo.

Ko e Kau Fakataha ’a e Fāmili ‘o ’Isimelí mo e Fāmili ‘o Līhaí | 1 Nīfai 7

1 Nephi 7 | Ishmael's family joins Lehi's sons. Laman and Lemuel bind Nephi, whose faith saves him. All is forgiven, and the journey continues.

Konga 3. 1 Nīfai 7:17–22. Naʻe fakamolemoleʻi moʻoni ʻe Nīfai hono ongo taʻoketé ʻi heʻena feinga ke tāmateʻi iá, pea foki ʻa e kulupú kia Līhai mo Selaia.

Ko e Kau Fakataha ’a e Fāmili ‘o ’Isimelí mo e Fāmili ‘o Līhaí | 1 Nīfai 7

1 Nephi 7 | Ishmael's family joins Lehi's sons. Laman and Lemuel bind Nephi, whose faith saves him. All is forgiven, and the journey continues.

2. Lekooti ʻa e konga folofola naʻá ke fili ke akó, pea tali ʻa e ngaahi fehuʻi ko ʻení:

   • Ko e hā naʻá ke ako mei hoʻo akó ʻokú ke pehē ʻe fakahōifua ki he ʻOtuá mo tokoni atu ke ke haʻu kia Kalaisí?

• ‘E tokoniʻi fēfē nai koe ʻe he meʻa naʻá ke akó ʻi hoʻo moʻuí?

Fakakaukau ki hoʻo aʻusia ʻi hoʻo ako he ʻaho ní ʻi hono fakatefito hoʻo fekumí he ngaahi meʻa te ne tokoniʻi koe ke ke haʻu kia Sīsū Kalaisí pea mo fakahōifua ki he ʻOtuá.

3. Tali ‘a e fehuʻi ko ‘ení:

   • ʻE fakalakalaka fēfē hoʻo ako folofolá kapau te ke fakahoko maʻu pē hoʻo akó ʻi he founga ko ʻení?

Fili Pē: Fie Ako Lahi Ange?

Ko e hā ha ngaahi tāpuaki ʻe lava ke maʻu mei hono ako fakamātoato e Tohi ʻa Molomoná mo hono lekooti e ngaahi moʻoni ʻoku ʻi aí?

Fakakaukau ke mamata ʻi he vitiō ko ʻeni ʻoku kau ai ʻa e toʻutupu mei he fakahahake ʻo ʻIulopé ʻo fakamatalaʻi ʻenau ngaahi aʻusia ʻi hono lau ʻo e Tohi ʻa Molomoná mo lekooti e meʻa ne nau akó.

Tohi ʻa Molomoná: Ngaahi Pōpoaki mei he Langí

Naʻe poupouʻi ʻe Palesiteni Monisoni mo Palesiteni ʻAealingi e toʻu tupú ke lau e Tohi ʻa Molomoná. Ko e vahevahe ʻe he toʻu tupu mei ʻIulope Hahaké ʻa e meʻa kuo nau ako mei hono lau e Tohi ʻa Molomoná mo hono hiki ʻenau ngaahi fakakaukaú.

Ko e hā e ʻuhinga ʻoku fuʻu mahuʻinga ai e fāmilí ki he ʻEikí? Ko e hā ha meʻa makehe te u lava ʻo fai ʻi hoku fāmili ʻoʻokú he taimí ni?

ʻOku fakamatala e folofolá ki he fiemaʻu ke mali e ngaahi foha ʻo Līhaí kae lava ke nau maʻu ha fānau ʻi he fonua ʻo e talaʻofá, pea ʻoku tau ako mei he kau palōfita ʻo onopōní ko e fāmilí ko e uho ia ʻo e palani ʻa e ʻEikí ke fakahoko hotau ikuʻanga taʻengatá. ʻE ala tokoni atu e ngaahi maʻuʻanga tokoni ko ʻení ke mahino lelei ange kiate koe ʻa e mahuʻinga ʻo e fāmilí mo e ivi tākiekina ʻe lava ke maʻu ʻe he fāmilí.

• “Ko e Fāmilí: Ko ha Fanongonongo ki Māmani,” ChurchofJesusChrist.org

• Julie B. Beck, “Akoʻi ʻa e Tokāteline ʻo e Fāmilí,” Liahona, Māʻasi 2011, 32–37

• Ngaahi Tefito ʻo e Ongoongoleleí, “Fāmilí,” topics.ChurchofJesusChrist.org

  Shining Forth in the Family

  Members around the world testify that youth can have a powerful influence on their families.

ʻE founga fēfē haʻaku fakamolemoleʻi e niʻihi kehé?

Naʻe akoʻi ʻe ʻEletā Sefilī R. Hōlani ʻo e Kōlomu ʻo e Kau ʻAposetolo ʻe Toko Hongofulu Mā Uá ʻa e meʻá ni:

Naʻe akoʻi ʻe Kalaisi ʻi he kuonga ʻo e Fuakava Foʻoú “Mou fakamolemole, pea ʻe fakamolemolea ʻakimoutolu” [Luke 6:37]. Pea ʻi hotau kuongá: “Ko au, ko e ʻEikí, te u fakamolemoleʻi ʻa ia ʻoku ou loto ke fakamolemoleʻí, ka ʻoku ʻekeʻi meiate kimoutolu ʻa hoʻomou fakamolemoleʻi ʻa e kakai kotoa pē” [Tokāteline mo e Ngaahi Fuakava 64:10]. Ka neongo ia, ʻoku mahuʻinga ke fakatokangaʻi ʻe hamou niʻihi ʻoku fuʻu moʻui loto mamahí ʻa e meʻa naʻe ʻikai ke Ne folofola ʻakí. Naʻe ʻikai ke Ne pehē, “Oku ʻikai ngofua ke mou ongoʻi ʻa e mamahi moʻoní pe loto mamahi moʻoní, ʻi he ngaahi aʻusia fakamamahi mei he nima ʻo ha taha.” Pe naʻá Ne pehē, “Koeʻuhí ke lava ʻo fakamolemoleʻi kakato kimoutolú, kuo pau ke mou toe foki ki ha ngaahi tūkunga ʻoku ʻikai lelei pe tuʻunga ngaohikovia, pe maumau.” Kae naʻa mo e ngaahi maumau-fono kovi taha ʻe ala hokó, te tau toki lava pē ʻo hao hake mei heʻetau mamahí ʻi ha taimi te tau fokotuʻu ai hotau vaʻé ʻi he hala ki he fakamoʻui moʻoní. Ko e halá ko e fakamolemole ʻa ia naʻe foua ʻe Sīsū ʻo Nāsaletí, ʻa ia ʻokú Ne ui mai kiate kitautolu takitaha, “Haʻu, ʻo muimui ʻiate au” [Luke 18:22]. (Jeffrey R. Holland, “Ko e Ngāue ʻo e Fakaleleí,” Liahona, Nōvema 2018, 78–79)

Lolotonga e hoko ʻa ʻEletā Leli J. ʻIko Hoki ko ha mēmipa ʻo e Kau Fitungofulú, naʻá ne vahevahe ʻo pehē:

Kāinga, ʻoku ʻi ai ʻapē ha kakai ʻi heʻetau moʻuí kuo nau fakamamahiʻi kitautolu? ʻOku tau kukuta nai e meʻa ʻoku hangē ʻoku fakatonuhiaʻi kakato ai kitautolu ke tāufehiʻa mo e ʻitá? ʻOku tau tuku ʻapē ʻa e hīkisiá ke ne taʻofi kitautolu mei hono fakamolemoleʻi pea tukuangé? ʻOku ou fakaafeʻi kotoa kitautolu ke tau fakamolemoleʻi kakato pea tuku ke fai mei loto ʻa e fakamoʻuí. Pea tatau ai pē kapau ʻoku ʻikai hoko ʻa e fakamolemolé he ʻahó ni, ʻiloʻi ko e taimi ʻoku tau fakaʻamua ai ia mo ngāueʻí, ʻe hoko—ʻo hangē pē ko ʻene faifai pea hoko kiate aú. (Larry J. Echo Hawk, “Hange ko e Fakamolemole ʻe Kalaisi ʻa Kimoutolú, Ke Pehē pē ʻa Kimoutolu,” Liahona, Mē 2018, 16)