2 Nephi 6; 10

O Le Faapotopotoina o Isaraelu

O le tele o valoaga i tusitusiga paia e faatatau i mea e tutupu i aso e gata ai, po o aso o loo tatou ola ai i le taimi nei. Na faasoa mai e le uso o Nifae o Iakopo valoaga e uiga i o tatou aso ma le faapotopotoina o Isaraelu lea e mafai ona fesoasoani tatou te malamalama ai i la tatou matafaioi i le galuega a le Alii i aso e gata ai. O lenei lesona e mafai ona fesoasoani ia te oe e lagona ai se naunautaiga sili atu e auai faatasi ma le Alii i le faapotopotoina o Isaraelu i aso e gata ai.

Gaoioiga e Ono Mafai Ona Aoao Ai

Mea taua o loo tutupu

O vaega nei e mai se savali na faasoa mai e Peresitene Russell M. Nelson. A o e faitauina nei mea, mafaufau i ni nai autu atonu na faatatau i ai Peresitene Nelson.

• E leai se mea o tupu i le lalolagi i le taimi nei, e sili atu ona taua nai lo lena. … E leai se mea e sili atu lona taunuuga. E leai lava” (Russell M. Nelson ma Wendy W. Nelson, “Faamoemoe o Isaraelu” [faigalotu a le autalavou i le lalolagi atoa, 3 Iuni, 2018], ChurchofJesusChrist.org).

• “O le mea lenei … e tatau ona avea ma mea uma ia te oe” (Russell M. Nelson, “Hope of Israel”).

• “O le misiona lenei na auina atu i ai outou i le lalolagi” (Russell M. Nelson, “Hope of Israel”).

• O a nisi o autu e te manatu atonu na faatatau i ai Peresitene Nelson i nei faamatalaga?

Atonu na e iloaina sa faatatau Peresitene Nelson i le faapotopotoina o Isaraelu. Matamata i le “Faamoemoe o Isaraelu” mai le taimi 39:36–40:05, o loo maua i le ChurchofJesusChrist.org, pe faitau mea nei e vaai ai i le saunoaga atoa a Peresitene Nelson.

La’u autalavou pele tulagaese, na auina mai outou i le lalolagi i lenei taimi patino, lenei taimi aupito taua i le talafaasolopito o le lalolagi, e fesoasoani e faapotopoto ia Isaraelu. E leai se mea o tupu i le lalolagi i le taimi nei, e sili atu ona taua nai lo lena. E leai se mea e sili atu lona taunuuga. E matua leai lava.

O lenei faapotopotoina e tatau ona avea ma mea uma ia te oe. O le misiona lenei na auina mai ai oe i le lalolagi. (Russell M. Nelson ma Wendy W. Nelson, “ “Hope of Israel” [faigalotu a le autalavou i le lalolagi atoa, 3 Iuni, 2018], ChurchofJesusChrist.org)

• O a ni ou mafaufauga po o ni lagona e uiga i le saunoaga a Peresitene Nelson?

• O a ni fesili o ia te oe e uiga i le faapotopotoina o Isaraelu?

Mafaufau i ou manatu ma lagona e uiga i le auai i le faapotopotoina o Isaraelu, lea e aofia ai le talai atu o le talalelei ia i latou i le lalolagi i le taimi nei ma le faia o galuega o talafaasolopito o aiga ma le malumalu mo i latou ua maliliu ina ia maua e tagata uma se avanoa e o mai ai i le Tama Faalelagi ma Iesu Keriso. O le a le taua o lenei galuega ia te oe? A o e suesue i le aso, vaavaai mo aoaoga e mafai ona fesoasoani e faateleina ai lou naunautai ma le tomai e auai faatasi ma le Alii i le faapotopotoina o Isaraelu.

O aoao mai Iakopo i le faapotopotoina o Isaraelu

Na valaaulia e Nifae lona uso o Iakopo e faasoa atu se valoaga taua mai le perofeta o le Feagaiga Tuai o Isaia e uiga i le faapotopotoina o Isaraelu i aso e gata ai (tagai i le 2 Nifae 6:4–7).

A o lei faitauina lenei valoaga, e ono fesoasoani le malamalama i le uiga o le mea lenei:

• Nuuese: E pei ona faaaoga i tusitusiga paia, e tele faauigaga o Nuuese. I le valoaga a Isaia (tagai 2 Nifae 6:5–7), o se tasi o uiga o le upu Nuuese e mafai ona faasino i tagata e le o ni gafa o Isaraelu (Tagai Taiala i Tusitusiga Paia “Nuuese,” scriptures.ChurchofJesusChrist.org).

• Tagavai: “O se fu’a po o se tulaga e faapotopoto ai tagata i se lotogatasi i se faamoemoe po o se faasinomaga” (Taiala i Tusitusiga Paia, “Tagavai,” scriptures.ChurchofJesusChrist.org).

Faatasi ai ma nei faauigaga i le mafaufau, faitau le 2 Nifae 6:5–7. Lisi i lau api talaaga mo suesuega ia auiliiliga o le valoaga a Isaia e foliga mai e taua.

• O a auiliiliga na e maua mai le valoaga a Isaia e foliga e taua?

• O a fesili o loo i ai pea ia te outou e uiga i lenei valoaga?

Na faamalamalamaina uma e Nifae ma Iakopo lenei valoaga i a laua tusitusiga. Saili le malamalama atili e uiga i le valoaga a Isaia e ala i le faitauina o se tasi o seti nei o fuaiupu. E mafai foi ona fesoasoani le fefaasinoa’i o mau pe faafesootai nei fuaiupu i le 2 Nifae 6:5–7.

• 1 Nifae 22:6–12 (upu a Nifae)

• 2 Nifae 10:3–10 (upu a Iakopo)

• O le a le mea na aoao mai e Nifae po o Iakopo i nei fuaiupu na sili atu ona fesoasoani ia te oe e malamalama ai i le 2 Nifae 6:5–7? O a ni malamalamaga faaopoopo na e maua?

• O a ni mea ua fesoasoani nei aoaoga ia te oe e malamalama ai e uiga ia Iesu Keriso ma ona lagona e uiga i tagata uma?

• O le a se mea ua latou fesoasoani ai ia te oe e malamalama ai e uiga i le matafaioi e te faia e fesoasoani ai e faapotopoto Isaraelu?

O se upumoni e tasi e mafai ona tatou aoao mai le valoaga a Isaia ma le saunoaga a Peresitene Nelson mai le amataga o le lesona e faapea, i le avea ai ma tagata o le Ekalesia toefuataiina a le Faaola, ua ia i tatou se tiutetauave e auai faatasi ma le Alii i le faapotopotoina o Isaraelu i aso e gata ai.

• O le a se mea ua fesoasoani lenei upumoni ia te oe e malamalama ai e uiga i lagona o le Alii e uiga ia te oe?

• O le a se mea ua e iloa e uiga i le Faaola e faateleina ai lou manao e faapotopoto atu ia te Ia? E mafai faapefea e le faasoa atu o lenei mea i isi ona faateleina lo latou manao e faapotopoto i le Faaola?

Fai se fuafuaga e fesoasoani ai i le Alii e faapotopoto Isaraelu

Na faamatalaina e Peresitene Nelson mea e mafai ona tatou faia e fesoasoani ai e faapotopoto Isaraelu:

Soo se taimi tatou te faia ai soo se mea e fesoasoani ai i soo se tasi—po o le fea lava itu o le veli—i le osia ma le tausia o a latou feagaiga ma le Atua, ua tatou fesoasoani i le faapotopotoina o Isaraelu. (Russell M. Nelson, “Ia Faamuamua le Atua,” Liahona, Nov. 2020, 92–93)

• Faatasi ai ma le saunoaga a Peresitene Nelson i lou mafaufau, o a nisi o mea patino e mafai ona e faia e auai faatasi ai ma le Alii i le fesoasoani atu i isi ia o mai ia te Ia?

• O a ni aafiaga na e oo i ai i le fesoasoani atu i isi ia faapotopoto pe faalatalata atili atu i le Tama Faalelagi ma Iesu Keriso?

Mafaufau pe mafai faapefea ona e auai atoatoa atili ma le Alii i le faapotopotoina o Isaraelu.

Afai e te manaomia se fesoasoani e mafaufau ai i ni manatu, e mafai ona e iloiloina se tasi pe sili atu foi o punaoa nei.

1. Sa fautuaina Russell M. Nelson e Peresitene ni manatu na fautuaina mai e le autalavou o le Ekalesia i le ala e mafai ai ona latou fesoasoani e faapotopoto Isaraelu. Matamata i le “Faamoemoe o Isaraelu” mai le faailotaimi 40:29–43:38, o loo maua i le ChurchofJesusChrist.org.

2. Asiasi i le share.churchofjesuschrist.org.

3. Matamata le vitio “Aiga o loo Faapotopotoina Aiga i Itu e Lua o le veli” (3:22) i le ChurchofJesusChrist.org.

1. Faamaea mea nei:

   Fai se fuafuaga o le faatinoga mo mea e mafai ona e faia e valaaulia ai isi e faapotopoto i le Faaola po o i se isi faaupuga ia o mai ia Keriso e ala i le osia ma le tausia o feagaiga ma Ia. Ia mautinoa e aofia ai ni laasaga patino e mafai ona e faia. O le a fesoasoani lenei mea ia te oe e faatino ai i le faatuatua. O se tasi o auala e mafai ona e faia ai lenei mea o le faamaeaina lea o fuaiupu nei:

   • E oo atu i le faaiuga o le aso, o le a ou

   • O le vaega o totoe o lenei vaiaso, o le a ou

Tuu i le faitalia: O e Manao e Aoao Atili?

E faapefea ona faataunuuina le valoaga a Isaia i le 2 Nifae 6:6–7?

O se vaega o le faataunuuina o lenei valoaga, na toefuatai mai ai le talalelei i le Iunaite Setete o Amerika, o se malo o nuuese (tagai Mataupu Faavae ma Feagaiga 109:60). O le Ekalesia toefuataiina o le “tagavavi i le nuu” (2 Nifae 6:6), lea o le a faapotopoto i ai tagata mai atunuu uma i aso e gata ai (tagai 1 Nifae 22:11–12; Isaia 2:2–3; 11:12).

Ina ia aoao atili e uiga i valoaga a Isaia e uiga i se “tulaga po o se tagavai,” o le ola ae i aso e gata ai, mafaufau e suesue i “MeaFaitino mai Tusitusiga Paia: O Se Tagavai i Malo” (Ensign, Sept. 2018, 44–45).

O fea e mafai ona ou aoao atili ai e uiga i le faapotopotoina o Isaraelu?

Ina ia aoao atili e uiga i le faapotopotoina o Isaraelu, mafaufau e suesue le “12 Mea Moni e uiga i le Faapotopotoina o Isaraelu” (David A. Edwards, New Era, July 2019, 16–18).

Ae faapefea pe afai ou te taumafai e faapotopoto Isaraelu e ala i le valaauliaina o se tasi e faia se mea ae latou te teena la’u valaaulia?

Na aoao mai Elder Dieter F. Uchtdorf o le Korama a Aposetolo e Toasefululua:

Ia e malamalama e le o sau galuega le liuaina o tagata. O le matafaioi lena a le Agaga Paia. O lau matafaioi o le faasoa atu o mea o loo i totonu o lou fatu ma ola e tusa ma ou talitonuga.

O lea, aua ne’i e lotovaivai pe afai e lē taliaina vave e se tasi le feau o le talalelei. E le o se toilalo o lou lava tagata.

O le mea lena e i le va o le tagata ma le Tama Faalelagi.

O le mea a oe, o le alofa i le Atua ma e tou te tuaoi, o Lana fanau. (Dieter F. Uchtdorf, “Galuega Faafaifeautalai: Faasoaina Atu o Mea o Loo i totonu o Lou Loto,” Liahona, Me 2019, 17)