“Atamai i Aoaoga Faavae Iloiloga 5: Tauloto Mau Faasino ma Fasifuaitau Autu,” Tusi Lesona a Tagata o le Vasega o le Tusi a Mamona (2024)
“Atamai i Aoaoga Faavae Iloiloga 5,” Tusi Lesona a Tagata o le Vasega o le Tusi a Mamona
Atamai i Aoaoga Faavae Iloiloga 5
Tauloto Mau Faasino ma Fasifuaitau Autu
O le manatuaina o fuaitau o tusitusiga paia ma mea o loo aoaoina mai ai e mafai ona faamanuiaina oe i le tele o auala. E mafai ona fesoasoani lenei lesona ia te oe e tauloto ai mau faasino ma fasifuaitau autu o mau mo fuaitau o le atamai i aoaoga faavae i le Tusi a Mamona.
Manatuaina
-
O le a se mea e te lagona e faapea o le a e manatua pea? Aisea?
Na aoao mai Elder Gerrit W. Gong o le Korama a Aposetolo e Toasefululua e faapea “ua valaaulia i tatou e lo tatou Faaola ia manatua pea o Ia e pei ona Ia manatua pea i tatou” (“Ia Manatua Pea o Ia,” Liahona, Me 2016, 110).
-
Aisea e te manatu ai e finagalo le Tama Faalelagi ia tatou manatua pea Lona Alo?
-
O a nisi o auala na mafai ai ona e manatua Iesu Keriso i aso taitasi?
-
Na faapefea ona avea le manatuaina o le Faaola ma mea uma ua Ia faia o se faamanuiaga i lou olaga?
O se tasi o auala taua e mafai ona e manatua ai Iesu Keriso o le taulotoina lea o Ana aoaoga i tusitusiga paia. I lenei lesona, o le a e maua ai se avanoa e tauloto ai nisi o mau faasino o le atamai i aoaoga faavae ma fasifuaitau autu o mau o loo i ai i le siata lenei. A o e taulotoina, mafaufau loloto pe mafai faapefea e le manatuaina o nei mau ma fasifuaitau autu ona fesoasoani e te manatua atili ai Iesu Keriso i aso taitasi.
Mafaufau e faailoga nei fuaitau faatasi ai ma o latou fasifuaitau autu pe afai e te lei faia muamua.
Faafefiloi ma faafetaui
Mau Faasino |
Fasifuaitau Autu o Mau |
---|---|
Mau Faasino | Fasifuaitau Autu o Mau “O le a ou alu ma fai mea ua poloaiina e le Alii.” |
Mau Faasino | Fasifuaitau Autu o Mau “Na pa’ū Atamu ina ia i ai tagata; ma ua i ai tagata, ina ia latou maua le olioli.” |
Mau Faasino | Fasifuaitau Autu o Mau “Ua latou saoloto e filifili le saolotoga ma le ola e faavavau … pe … [o] le faatagataotauaina ma le oti.” |
Mau Faasino | Fasifuaitau Autu o Mau “Ua tutusa tagata uma i le Atua.” |
Mau Faasino | Fasifuaitau Autu o Mau O le Atua e “tuu atu i le fanauga a tagata lea fuaitau i luga o lea fuaitau, ma lea mataupu i luga o lea mataupu.” |
Mau Faasino | Fasifuaitau Autu o Mau “Ia taumamafa fiafia i afioga a Keriso; aua faauta, o afioga a Keriso o le a ta’u mai ai ia te outou mea uma e tatau ona outou faia.” |
Mau Faasino | Fasifuaitau Autu o Mau “E ao ina outou tatalo e le aunoa.” |
Mau Faasino | Fasifuaitau Autu o Mau “Pe a outou auauna atu i o outou uso a tagata, ua nao lo outou auauna atu lava lea i lo outou Atua.” |
Mau Faasino | Fasifuaitau Autu o Mau “O i latou o e e tausi i poloaiga a le Atua … e faamanuiaina i latou i mea uma.” |
Mau Faasino | Fasifuaitau Autu o Mau “[Tuu] ese le tagata natura ma [avea] ma tagata paia e ala i le togiola a Keriso le Alii.” |
Mau Faasino | Fasifuaitau Autu o Mau “Ia talitonu i le Atua; … ia talitonu ua ia te ia le poto uma.” |
Mau Faasino | Fasifuaitau Autu o Mau Ia “papatisoina i le suafa o le Alii, o se molimau … ua outou ulu atu i se feagaiga faatasi ma ia.” |
Faailoa mai ni fuaitau se fa e te lagona o le a sili ona fesoasoani e te manatua ai Iesu Keriso i le taimi nei i lou olaga, ma mafaufau pe aisea e te lagona ai faapena. Ona fai lea o le gaoioiga lenei. E mafai ona e faia se gaoioiga talitutusa e faaaoga ai le polokalama feaveai o le Atamai i Aoaoga Faavae.
-
Oti se pepa i ni fasipepa se fa e tutusa le tetelē. Mo fuaitau taitasi o le atamai i aoaoga faavae na e filifilia, ia fai mea nei:
-
Tusi le mau faasino se tasi ma ona fasifuaitau autu o loo aumai faatasi ai i luga o se fasi pepa.
-
Oti ese le fasifuaitau autu, vavae mai le mau, e pei ona i ai i le faataitaiga o loo i lalo (otiotiina i le faatusa o le “/”):
2 Nifae 26:33 / “Ua tutusa tagata uma i le Atua.”
-
-
A ua i ai loa sau seti o mau faasino e fa ma fasifuaitau autu o mau, tuu pepa i se faaputuga ma faafefiloi faatasi.
-
Taumafai e faafetaui mau faasino taitasi i lona fasifuaitau autu o mau e aunoa ma le tilotilo i soo se mea e fesoasoani ia te oe. Mafaufau e fai faalua pe faatolu. E mafai ona e faitauina le taimi mo oe lava ma taumafai e faaleleia lou saoasaoa i taimi taitasi.
-
Faateleina le faigata e ala i le otiotiina ese o fasifuaitau e pei ona i ai i faataitaiga o loo i lalo:
2 Nifae 28:30 / O le Atua e “tuu atu i le fanauga a tagata / lea fuaitau i luga o lea fuaitau, / ma lea mataupu i luga o lea mataupu.”
2 Nifae 32:3 / “Ia taumamafa fiafia i / afioga a Keriso; / aua faauta, / o afioga a Keriso / o le a ta’u mai ai ia te outou / mea uma / e tatau ona outou faia.”
-
Faafefiloi fasipepa ma taumafai e faatulaga sao. E mafai ona e filifili e faafefiloi faatasi mau faasino uma ma fasifuaitau i le taimi e tasi, pe e mafai ona e galue i le fuaitau e tasi i le taimi. Mafaufau e fai faalua pe faatolu. E mafai ona e faitauina le taimi mo oe lava ma taumafai e faaleleia lou saoasaoa i taimi taitasi.
-
Afai e lava sou taimi, filifili nisi fuaitau o le atamai i aoaoga faavae ma toe fai le faagasologa.
-
Tali mai se lua o nei fesili:
-
O a mau faasino o le atamai i aoaoga faavae ma fasifuaitau autu o mau na e taulotoina?
-
O le fea fuaitau e te lagona e sili ona aoga ia te oe i le taimi nei o lou olaga? Aisea ua faapena ai ou lagona?
-
O a ni auala e mafai ai e fuaitau na e taulai atu i ai i le asō ona fesoasoani ia te oe e manatua ai Iesu Keriso?