Семинар
Moзая 4:9–10: “Бурханд итгэ”

“Мозая 4:9–10: Бурханд итгэ,’” Мормоны Номын багшийн гарын авлага (2024)

“Мозая 4:9–10,” Мормоны Номын багшийн гарын авлага

Мозая 4:9–10

“Бурханд итгэ”

Зураг
Бурханы дүр төрх

Та итгэл үнэмшил тань таны үйлдэлд болон хэн болоход тань хэрхэн нөлөөлж байгаа талаар тунгаан бодохоо больсон уу? Хаан Бенжамин нүглүүдийнхээ ангижралыг хадгалахын тулд юу хийх ёстойг зааж байхдаа Бурханд итгэхийн ач холбогдлыг онцолсон. Энэ хичээл Бурханд итгэх итгэл, хайраа бэхжүүлэхэд тань тусална.

Бидний итгэлийн нөлөө

Дараах нь хүмүүсийн нэгэн цагт үнэн гэж бодож байсан худал санаанууд юм. Эдгээр итгэл үнэмшил нь тэдгээр хүний амьдралд хэрхэн нөлөөлсөн болохыг тунгаан бод

  • Дэлхий бол хавтгай.

  • Бах мэлхий таныг үүтэй болгоно.

  • Одод дэлхийг тойрон эргэдэг.

  • Худал үзэл бодолд итгэснээр ямар асуудал гарч болох вэ?

  • Таны эсвэл бусдын итгэл үнэмшил хандлага, үйлдэлд хэрхэн нөлөөлж байсан бэ?

  • Бидний юунд итгэх нь бидэнд сүнслэгээр хэрхэн нөлөөлөх вэ?

Бурханд итгэ

Хаан Бенжамин бидэнд Бурханд итгэхийн ач холбогдлыг заасан. Суралцаж эхлэхээсээ өмнө Бурханы тухай юунд итгэдэг талаараа тунгаан бод. Бурханы талаарх таны итгэл таны үйлдэлд хэрхэн нөлөөлдөг вэ? Эдгээр итгэл үнэмшлийнхээ заримыг судлах тэмдэглэлдээ бичиж, хийж байгаа зүйлдээ яагаад итгэдгээ тунгаан бод. Суралцах явцдаа өөрт төрсөн бодол, сэтгэгдлээ бичиж тэмдэглэ.

Зураг
дүрс, тэмдэглэх

  1. Дараах үйл ажиллагааг хийж гүйцэтгэ.

Дараах зургийг судлах тэмдэглэл дээрээ хуул. Тойргийн голд Бурханд итгэ, Moзая 4:9–10 гэж бич.

Зураг
санааны тойрог

Moзая 4:9–10-ыг уншаад, Бенжамин хаан хүмүүсээ Бурханд итгэхэд урьсан өөр өөр зүйлийг хайж ол. Эдгээрийг тойргийн гадна бич. Шаардлагатай бол зурган дээрээ тойрог нэмж болно.

Мозая 4:9 бол төгс эзэмших сургаалын судрын хэсэг юм.  Төгс эзэмших сургаалын судрын хэсгүүдийг дараа нь амархан олохын тулд онцгойлон тэмдэглэхийг бодож үз. Та дараагийн хичээл дээр энэ хэсэгт заасан сургаалыг асуултад эсвэл нөхцөл байдалд хэрэгжүүлэх дадлага хийх боломжтой болно.

  • Та Moзая 4:9–10 дээрх хаан Бенжамины сургаалыг нэг өгүүлбэрт хэрхэн хураангуйлах вэ? Хураангуй өгүүлбэрээ өөрийн бүтээсэн дүрслэлийн гарчиг болгон ашиглахыг бод.

Зураг
дүрс, тэмдэглэх

  1. Дараах асуултуудад хариул.

  • Хаан Бенжамины эдгээр сургаалыг ойлгож, итгэх нь таны амьдралд хэрхэн нөлөөлж болох вэ?

  • Эдгээр сургаалыг өнөөдөр дэлхий нийт эсэргүүцэж, үл тоомсорлож байгааг та хэрхэн харж байна вэ?

Ерөнхийлөгч Рассэлл М.Нэлсон Бурханд итгэдэггүй хүмүүст дараах зөвлөгөөг хуваалцсан.

Зураг
Ерөнхийлөгч Рассэлл М.Нэлсон

Хэрвээ Бурханд итгэдэг эсэхээ мэдэхгүй байгаа бол яг үүнээс эхэл. Хүн Бурхантай харилцдаггүй болохоор л Түүний байдаг эсэхэд эргэлздэг гэдгийг ойлго. Тиймээс Түүнтэй харилцаатай байх нөхцөл байдалд өөрийгөө байлга. … Тэрээр чамайг мэддэг эсэхийг мөн Тэрээр үнэхээр байдаг эсэхийг өөрт чинь хэлэхийг Түүнээс гуй. Чиний тухай юу мэдэрдгийг нь Түүнээс асуу. Тэгээд сонс. (Рассэлл М.Нэлсон, “Ирээд, Намайг дага,” 2019 оны 4-р сарын Ерөнхий чуулган, 110)

  • Тэнгэрлэг Эцэгт болон Есүс Христэд итгэх итгэлийг тань хүчирхэгжүүлсэн ямар туршлага танд тохиолдсон бэ?

Илүү гүнзгийрүүлэх

Бидний Бурханд итгэх итгэл, найдвараа бэхжүүлэх нэг арга бол бусдын сүнслэгээр нөлөөлсөн сургаал, туршлагаас суралцах явдал юм (Bible Dictionary, “Faith”-ийг үзнэ үү). Бурханд итгэх итгэлээ сайжруулахад туслах дараах гурван үйл ажиллагааны дор хаяж нэгийг нь сонго.

  • Дуулал: Бурханы мөн чанар, зан чанарын талаар заасан эсвэл Түүнд итгэх итгэлийг тань хүчирхэгжүүлж чадах үг, хэллэг, шүлгийг эсвэл бүтэн дууллыг дууллын номоос хай.

  • Судрын бусад түүх: Бусад хүн бидний Тэнгэрлэг Эцэгийн тухай эсвэл Түүний Хүү Есүс Христийн талаарх өөрсдийн итгэл үнэмшлийг гэрчилсэн түүхүүдийг судраас олж, судал. Aлма 26:16, 35–37; 34:8–10; Сургаал ба Гэрээ 76:22–24-р судруудыг судлах судрын хэсгийн жишээнд оруулж болно.

  • Ерөнхий чуулган: Сүүлийн үеийн Ерөнхий чуулганы үгсийг ашиглан, Тэнгэрлэг Эцэг, Есүс Христ хоёрын тухай зааж, Тэдэнд итгэх итгэлийг хүчирхэгжүүлсэн үг, хэллэг, түүх, түүхийг хайж ол. (“Тэнгэрлэг Эцэг,” “Бурхан Тэргүүтэн,” “Есүс Христ” зэрэг сэдвээр Ерөнхий чуулганы үгсийг хайж үзэх талаар бод.)

Зураг
дүрс, тэмдэглэх

  1. Бурханы талаарх таны ойлголтыг нэмэгдүүлсэн эсвэл Түүнд итгэх итгэлийг тань хүчирхэгжүүлсэн ямар үйлдэл хийснээ хуваалц.

Таны дараагийн алхам

Та Бурханд хүчтэй итгэдэг эсвэл юунд итгэж байгаагаа тодорхойлохыг хичээж байгаа эсэхээс үл хамааран Бурханд итгэх итгэл, хайраа хүчирхэгжүүлэхийн тулд бидний хүн нэг бүр хийж чадах зүйл бий. Бурханыг илүү сайн мэдэхийн тулд таны хийх дараагийн алхам юу болохыг эргэцүүлэн бодох цаг гарга. Төрсөн мэдрэмж, сэтгэгдлээ судлах тэмдэглэлдээ бичиж тэмдэглэ.

Хэвлэх