Atamai i Aoaoga Faavae Iloiloga 8

Tauloto Mau Faasino ma Fasifuaitau Autu o Mau

O Keriso o loo aapa atu i tagata

O le manatuaina o fuaitau o mau ma mea latou te aoao mai e mafai ona fesoasoani ia te oe i le tele o auala. O lenei lesona ua faamoemoe e fesoasoani ia te oe e tauloto se mau faasino se tasi pe sili atu ma fasifuaitau autu o mau mai uluai fuaitau e 12 o le atamai i aoaoga faavae i le Tusi a Mamona.

Ata ma manatuaga

Iloilo nei ata ma mafaufau loloto pe faapefea ona e tali atu i le fesili o loo mulimuli mai.

Keriso ina ua mavae Lona Toetu

Iesu o loo aapa atu ma le alofa i se tamaitiiti

O Iesu o loo laveai i se tamai mamoe na se

• O a nisi o mea e mafai ona tatou aoaoina e uiga ia Iesu Keriso mai le vaavaai atu i nei ata?

E mafai ona fesoasoani ata ia i tatou e manatua ai mea taua na tutupu po o meamoni. I lenei lesona, o le a e maua ai se avanoa e faaaoga ai ata e fesoasoani ia te oe e tauloto ai mau faasino ma fasifuaitau autu o mau mo se fuaitau se tasi pe sili atu o le atamai i aoaoga faavae o le Tusi a Mamona.

O fuaitau muamua e 12 o le atamai i aoaoga faavae o le Tusi a Mamona o loo lisiina atu i lalo. Mafaufau e maka nei fuaitau ma a latou fasifuaitau autu o mau.

Mau Faasino	Fasifuaitau Autu o le Mau
Mau Faasino 1 Nifae 3:7	Fasifuaitau Autu o le Mau “O le a ou alu ma fai mea ua poloaiina e le Alii.”
Mau Faasino 2 Nifae 2:25	Fasifuaitau Autu o le Mau “Na pa’ū Atamu ina ia i ai tagata; ma ua i ai tagata, ina ia latou maua le olioli.”
Mau Faasino 2 Nifae 2:27	Fasifuaitau Autu o le Mau “Ua latou saoloto e filifili le saolotoga ma le ola e faavavau … pe … [o] le faatagataotauaina ma le oti.”
Mau Faasino 2 Nifae 26:33	Fasifuaitau Autu o le Mau “Ua tutusa tagata uma i le Atua.”
Mau Faasino	Fasifuaitau Autu o le Mau O le Atua e “tuu atu i le fanauga a tagata lea fuaitau i luga o lea fuaitau, ma lea mataupu i luga o lea mataupu.”
Mau Faasino 2 Nifae 32:3	Fasifuaitau Autu o le Mau “Ia taumamafa fiafia i afioga a Keriso; aua faauta, o afioga a Keriso o le a taʼu mai ai ia te outou mea uma e tatau ona outou faia.”
Mau Faasino 2 Nifae 32:8–9	Fasifuaitau Autu o le Mau “E ao ina outou tatalo e le aunoa.”
Mau Faasino Mosaea 2:17	Fasifuaitau Autu o le Mau “Pe a outou auauna atu i o outou uso a tagata, ua nao lo outou auauna atu lava lea i lo outou Atua.”
Mau Faasino	Fasifuaitau Autu o le Mau “O i latou o e e tausi i poloaiga a le Atua … e faamanuiaina i latou i mea uma.”
Mau Faasino Mosaea 3:19	Fasifuaitau Autu o le Mau “[Tuu] ese le tagata natura ma [avea] ma tagata paia e ala i le togiola a Keriso le Alii.”
Mau Faasino Mosaea 4:9	Fasifuaitau Autu o le Mau “Ia talitonu i le Atua; … ia talitonu ua ia te ia le poto uma.”
Mau Faasino	Fasifuaitau Autu o le Mau Ia “papatisoina i le suafa o le Alii, o se molimau … ua outou ulu atu i se feagaiga faatasi ma ia.”

Faafesootaiina o ata i aoaoga o le talalelei

aikona, faamaumau

1. Faamaea le gaoioiga lenei:

   Toe iloilo mau faasino nei ma taumafai e manatua a latou fasifuaitau autu o mau. Faaaoga le siata o i luga pe a manaomia. Ona, faafetaui lea o mau faasino taitasi ma le ata e sili ona faapupula atili mai ai le aoaoga i le fuaitau o le mau.

   1. 2 Nifae 26:33

   2. 2 Nifae 32:8–9

   3. Mosaea 2:17

   o se talavou o loo tatalo

   talavou o loo faia se auaunaga

   O Keriso ma tamaiti

Fatu se ata

aikona, faamaumau

2. Faamaea le gaoioiga lenei:

   Filifili se mau faasino o le atamai i aoaoga faavae ma se fasifuaitau autu o mau e te manao ia sili atu ona e manatuaina. Tusi se ata e fesoasoani ia te oe e manatua ai le fasifuaitau autu o le mau, ma ia aofia ai le mau faasino. O lau ata e mafai ona avea o se vaaiga, pe e mafai foi ona i ai ni ata eseese e faapupula ai le fasifuaitau autu o le mau. Mo se faataitaiga, o le ata lenei e mafai ona fesoasoani ia te oe e manatua ai le 2 Nifae 2:25: “Na pa’ū Atamu ina ia i ai tagata; ma ua i ai tagata, ina ia latou maua le olioli.” Afai e lava sou taimi, e mafai ona e fatuina se mea e mafai ona fesoasoani ia te oe e tauloto ai le fuaitau atoa e te filifilia.

atatusi o le fasifuaitau autu o le mau mai le 2 Nifae 2:25

aikona, faamaumau

3. I le faaaogaina o le fuaitau o le mau na e filifilia, tali ni fesili se lua o fesili nei:

   • O le a le mea ua fesoasoani lenei fuaitau e te malamalama ai e uiga ia Iesu Keriso ma Lana talalelei?

   • E ono mafai faapefea e le manatuaina o lenei fuaitau ona fesoasoani e te manatua ai pe avea atili ai e faapei o le Faaola?

   • O le a se aafiaga na maua e oe po o isi e faatatau i le aoaoga faavae i lenei mau fuaitau?