Rebyo 14 sa Doktrinal nga Kahanas

Isag-ulo ang mga Pakisayran ug ang Mahinungdanon nga mga Hugpong sa mga Pulong sa Kasulatan

hugpong sa mga kasulatan nga adunay mga marka sa teksto

Ang paghinumdom sa mga pakisayran sa kasulatan ug unsay gitudlo niini makatabang nimo sa daghang mga paagi. Kini nga leksiyon gituyo aron sa pagtabang kanimo sa pagsag-ulo og daghan nga mga pakisayran sa kasulatan ug sa mahinungdanon nga mga hugpong sa mga pulong sa kasulatan gikan sa kataposang 12 ka tudling sa doktrinal nga kahanas diha sa Basahon ni Mormon.

Mga kaayohan sa pagsag-ulo sa mga kasulatan

• Unsa ang imong isulti sa usa ka tawo nga naghunahuna kon ngano nga maayo ang pagsag-ulo sa mga kasulatan?

Basaha ang Alma 31:5, mangita og rason nga mahimong gustohon sa usa ka tawo ang pagsag-ulo sa mga kasulatan.

• Sa unsang paagi nga ang pagsag-ulo sa mga kasulatan makatabang nimo nga magamit ang gahom sa Dios?

• Unsa ang usa ka tudling sa kasulatan nga imoha nang nasag-ulo? Sa unsang paagi nakabenepisyo ka sa pagsag-ulo sa mga tudling sa kasulatan?

Irebyo ang mosunod nga mga pakisayran sa kasulatan sa doktrinal nga kahanas ug ang mahinungdanon nga mga hugpong sa mga pulong sa kasulatan. Pagpili og tulo o upat nga gusto nimong isag-ulo.

Doktrinal nga Kahanas sa Basahon ni Mormon: Alma–Moroni

Manwal sa Magtutudlo sa Basahon ni Mormon (2024)

Pakisayran sa Kasulatan	Mahinungdanon nga Hugpong sa mga Pulong sa Kasulatan
Pakisayran sa Kasulatan Alma 7:11–13	Mahinungdanon nga Hugpong sa mga Pulong sa Kasulatan “Ug siya magpadayon, mag-antos sa mga sakit ug mga kasakit ug mga pagtintal sa matag matang.”
Pakisayran sa Kasulatan Alma 34:9–10	Mahinungdanon nga Hugpong sa mga Pulong sa Kasulatan “Kinahanglan gayod nga adunay pag-ula nga pagahimoon, … usa ka walay kinutoban ug walay kataposan nga sakripisyo.”
Pakisayran sa Kasulatan Alma 39:9	Mahinungdanon nga Hugpong sa mga Pulong sa Kasulatan “Ayaw na pagsunod sa mga tinguha nga daotan sa imong mga mata.”
Pakisayran sa Kasulatan Alma 41:10	Mahinungdanon nga Hugpong sa mga Pulong sa Kasulatan “Ang pagkadaotan dili mahitabo nga kalipay.”
Pakisayran sa Kasulatan Helaman 5:12	Mahinungdanon nga Hugpong sa mga Pulong sa Kasulatan “Diha sa lig-on nga sukaranan sa atong Manunubos … nga kamo kinahanglan gayod motukod sa inyong tukoranan.”
Pakisayran sa Kasulatan 3 Nephi 11:10–11	Mahinungdanon nga Hugpong sa mga Pulong sa Kasulatan “Ako mituman sa kabubut-on sa Amahan sa tanan nga mga butang gikan sa sinugdanan.”
Pakisayran sa Kasulatan 3 Nephi 12:48	Mahinungdanon nga Hugpong sa mga Pulong sa Kasulatan “Kamo mahimo nga hingpit sama nga Ako ingon, o ang inyong Amahan kinsa anaa sa langit hingpit.”
Pakisayran sa Kasulatan 3 Nephi 27:20	Mahinungdanon nga Hugpong sa mga Pulong sa Kasulatan “Duol ngari kanako ug magpabunyag … aron kamo mahimo nga pagasantoson pinaagi sa pagdawat sa Espiritu Santo.”
Pakisayran sa Kasulatan Ether 12:6	Mahinungdanon nga Hugpong sa mga Pulong sa Kasulatan “Kamo dili makadawat og saksi hangtod human sa pagsulay sa inyong hugot nga pagtuo.”
Pakisayran sa Kasulatan Ether 12:27	Mahinungdanon nga Hugpong sa mga Pulong sa Kasulatan “Kon ang mga tawo moduol ngari kanako … niana Ako mohimo sa mahuyang nga mga butang nga mahimo nga malig-on ngadto kanila.”
Pakisayran sa Kasulatan Moroni 7:45–48	Mahinungdanon nga Hugpong sa mga Pulong sa Kasulatan “Ang gugma nga putli mao ang tiunay nga gugma ni Kristo.”
Pakisayran sa Kasulatan Moroni 10:4–5	Mahinungdanon nga Hugpong sa mga Pulong sa Kasulatan “Mangutana sa kinasingkasing, uban sa tinuod nga katuyoan nga may hugot nga pagtuo kang Kristo … [ug] pinaagi sa gahom sa Espiritu Santo kamo mahimo nga masayod sa kamatuoran sa tanan nga mga butang.”

© 2024 by Intellectual Reserve, Inc. All rights reserved.

Pagbansay sa pagsag-ulo sa mga pakisayran sa kasulatan ug sa mahinungdanon nga mga hugpong sa mga pulong sa kasulatan nga imong gipili. Mahimo nimong gamiton ang pipila o ang tanan sa mosunod nga mga pagbansay:

1. Kon anaa kini, gamita ang feature sa flash card sa app nga Doktrinal nga Kahanas.

2. Isulat ang matag pakisayran sa kasulatan ug ang mahinungdanon nga hugpong sa mga pulong sa kasulatan, ibiling blangko ang pipila ka mga pulong. Pagbansay sa pagsulti og balik sa mahinungdanon nga hugpong sa mga pulong sa kasulatan pinaagi sa pagpuno sa nawala nga mga pulong.

3. Isulat ang unang mga letra alang sa matag pulong sa pakisayran sa kasulatan ug sa mahinungdanon nga hugpong sa mga pulong sa kasulatan. Buhata kini sa matag tudling nga gusto nimong isag-ulo. Pagbansay sa pagsag-ulo sa pakisayran sa kasulatan ug sa mahinungdanon nga hugpong sa mga pulong sa kasulatan gamit ang unang mga letra.

4. Isulat ang pakisayran ug ang mahinungdanon nga hugpong sa mga pulong sa kasulatan. Isagol ang mga pulong ug mga numero pinaagi sa paggunting sa papel ngadto sa nagbuwag nga mga pulong. Sagola ang mga pulong ug mga numero ug dayon ibalik kini sa saktong pagkahan-ay.

5. Pagpili og bisan usa ka tudling sa doktrinal nga kahanas ug tan-awa kon makasag-ulo ba ka sa tibuok tudling. Ikonsiderar ang paggamit sa feature sa pagsag-ulo diha sa app sa Doktrinal nga Kahanas o usa sa ubang mga paagi nga gilista sa ibabaw aron sa pagtabang kanimo sa pagsag-ulo.

1. Tubaga ang mosunod nga mga pangutana:

   • Hain nga mga tudling sa kasulatan ang imong gisag-ulo?

   • Ngano sa imong hunahuna nga takos man ang pagsag-ulo sa mga kasulatan?

   • Sa imong hunahuna sa unsang paagi ang pagsag-ulo sa mga kasulatan makatabang kanimo nga mahimong sumusunod ni Jesukristo?