Ալմա 42, Մաս 2

«Ողորմածություն ստանում է ապաշխարողը»

Որպեսզի օգնի իր որդի Կորիանթոնին ապաշխարել, Ալման ուսուցանում էր Աստծո արդարության և ողորմածության մասին, և ինչպես է, որ «բացի անկեղծորեն ապաշխարողից, ոչ մեկը չի փրկվում» (Ալմա 42.24)։ Երբ մենք հասկանում ենք Երկնային Հոր ողորմածության ծրագիրը, մենք հակված ենք ապաշխարելու։ Այս դասը կարող է օգնել ձեզ հասկանալ, թե ինչպես է Հիսուս Քրիստոսի Քավությունը հնարավորություն տալիս ձեզ ստանալ Երկնային Հոր ծրագրում խոստացված ողորմածությունը։

Օրենքը նախատեսում է պատիժ

• Ո՞ր հանգամանքներում է անհրաժեշտ արդարությունը։ Իսկ ողորմածությո՞ւնը։

Մենք օրհնված ենք, քանի որ Երկնային Հայրը և արդար է, և ողորմած։ Երկնային Հոր ծրագրի շնորհիվ մենք բոլորս հետ ենք բերվելու Աստծո ներկայությանը, որպեսզի դատվենք (տես Ալմա 42.23)։ Իր մեղսավոր վիճակում Կորիանթոնը պատրաստ չէր դատաստանին։ Ալման հույս ուներ, որ ուսուցանելով Երկնային Հոր ծրագրի մասին, կմղեր Կորիանթոնին ապաշխարել ու ծառայել Աստծուն։ Ալմա 42 գլուխն ուսումնասիրելիս փնտրեք, թե ինչ էր ուսուցանում Ալման Կորիանթոնին այն մասին, թե ինչ պետք է նա անի՝ Աստծո ողորմածությունը ստանալու համար։

Օրենքները Երկնային Հոր ծրագրի էական մասն են կազմում ճիշտ այնպես, ինչպես որ կարևոր դեր են կատարում հասարակության մեջ։

Կարդացեք Ալմա 42.17–21 հատվածները և փնտրեք Երկնային Հոր ծրագրի օրենքի նպատակները (տես նաև 2 Նեփի 2.13)։

• Ի՞նչ սովորեցիք Երկնային Հոր ծրագրի օրենքի մասին։

Սուրբ գրությունների ուսումնասիրության ձեր օրագրում այսպիսի մի կշեռք նկարեք։

Կշեռքն անվանեք «արդարություն»։

Արդարության օրենքի համաձայն մենք ստանում են մեր գործողությունների հետևանքները։ Մենք ստանում ենք օրհնություններ, երբ օրենքը խախտելիս հնազանդվում ենք օրենքին ու պատժին։

Կշեռքի մի կողմն անվանեք «օրենքի խախտում», մյուս կողմը՝ «մեղսավորի կրած պատիժը»։

Եթե խախտում ենք օրենքը, խախտվում է կշեռքը հավասարակշռությունը։ Արդարությունը պահանջում է, որ կշեռքը հավասարակշռված լինի։ Վճարը (կամ պատիժը) պահանջվում է կշեռքը հավասարակշռելու համար (տես Ալմա 42.22)։

• Ի՞նչ տեղի կունենար մեզ հետ, եթե արդարության կշեռքը միայն մեր պատժով հավասարակշռվեր։

Մեղքի պատիժը հոգևոր մահն է՝ «կտրված լինելով Տիրոջ ներկայությունից» (Ալմա 42.11)։

Ողորմածություն ստանում են ապաշխարողները

Քանի որ Աստված «կատարյալ, արդար Աստված և նաև ողորմած Աստված» է (Ալմա 42.15), Նա ծրագիր է պատրաստել, որպեսզի կարողանանք ողորմածություն ստանալ, երբ մեղք ենք գործում։

Կարդացեք Ալմա 42.15, 22–25 հատվածները և փնտրեք, թե ինչ է տրամադրում Երկնային Հոր ծրագիրը արդարության կշեռքը հավասարակշռելու համար։

Արդարության կշեռքի նկարում խաչ քաշեք մեղսավոր բառի վրա կամ ջնջեք այն և փոխարինեք Փրկիչ բառով։

1. Պատասխանեք հետևյալ հարցերին.

   • Ձեր բառերով ինչպե՞ս կբացատրեք արդարության կշեռքի գծապատկերը։

   • Ի՞նչ է արել Հիսուս Քրիստոսը, որպեսզի ողորմածություն շնորհվի (տես Վարդապետություն և Ուխտեր 19.16–19)։

   • Ի՞նչ է պահանջվում մեզնից՝ Փրկչի ողորմածությունը ստանալու համար (տես Ալմա 12.32–34, 34.15–16)։

Սկզբունքներից մեկը, որ սովորում ենք, այն է, որ եթե մենք իրապես ապաշխարող ենք, Փրկչի Քավությամբ ողորմածություն ենք ստանում։

Ապաշխարող նշանակում է լինել խոնարհ և վշտանալ մեղքի պատճառով (տես Բ Կորնթացիս 7.10, 2 Նեփի 2.7, Մոսիա 4.10)

2. Պատասխանեք հետևյալ հարցին.

   • Ըստ ձեզ՝ ինչո՞ւ են միայն իրապես ապաշխարողները փրկվում։

Պատկերացրեք, որ դուք Կորիանթոնն եք և դեռ չեք ապաշխարել ձեր բոլոր մեղքերի համար։ Կարդացեք Ալմա 42.26–30 հատվածները և փնտրեք բառեր կամ արտահայտություններ, որոնք կմղեն ձեզ ապաշխարության։

• Ո՞ր բառերը կամ արտահայտությունները կմղեն ձեզ ապաշխարության։ Ինչո՞ւ։

Երկնային Հոր ծրագրի (տես Ալմա 40–42) մասին ուսուցանելուց հետո Ալման Կորիանթոնին հիշեցրեց, որ նա «կանչված [է] Աստծու կողմից՝ քարոզելու խոսքը», որպեսզի «հոգիներ բերի ապաշխարության» (Ալմա 42.31)։ Կորիանթոնը ապաշխարեց իր մեղքերի համար և ի կատար ածեց իր կոչումը (տես Ալմա 49.30)։

Մտածեք ապաշխարելու անհրաժեշտության և այն մասին, թե ինչպես կարող եք իրապես ապաշխարող լինել։ Հիշեք, որ Երկնային Հայրը կների ձեզ, երբ ապաշխարեք (տես Մոսիա 26.30, Եսայիա 1.18)։

3. Կատարեք հետևյալը․

   Գրեք երեք կամ չորս նախադասություն՝ բացատրելով Հիսուս Քրիստոսի Քավության դերը Երկնային Հոր ծրագրում։ Ներառեք արդարության և ողորմածության դերերը և ինչ պետք է անենք մենք՝ ողորմածություն ստանալու համար։ Գրի առեք ձեր բոլոր այն զգացումները, որոնք կցանկանաք արտահայտել Փրկչի հանդեպ։

Ընտրովի. ցանկանո՞ւմ եք ավելին իմանալ

Ի՞նչ է նշանակում լինել իրապես ապաշխարող:

Տասներկու Առաքյալների Քվորումից երեց Դ. Թոդ Քրիստոֆերսոնն ուսուցանել է.

Իրապես ապաշխարողների թվին դասվելու համար հնազանդության ոչ կանոնավոր գործողությունները բավարար չեն։ Մենք պետք է ճիշտ ձևով մտնենք ուխտի մեջ և հետևողականորեն պահենք ուխտերն այնքան, մինչև Խոստումի Սուրբ Հոգին հաստատի փրկության մեր ակնկալիքը (տես Վ&Ու 132.7, 19): (Դ. Թոդ Քրիստոֆերսոն, «Արդարացում և սրբացում», Ensign, հունիս 2001 թ․, 24)

Կարո՞ղ եմ վճարել իմ մեղքերի համար և փրկվել

Յոթանասունից երեց Բրյուս Ս․ Հեյֆենը բացատրել է.

Ողորմածությունը և ապաշխարությունը վերականգնում են, այլ ոչ թե պատժում։ Փրկիչը խնդրում է մեզ ապաշխարել ոչ միայն արդարության դիմաց մեր պարտքը հատուցելու համար, այլև մղելու մեզ անձնական զարգացման, որը կմաքրի մեր էությունը։ «Բնական մարդը» մշտապես կմնա որպես Աստծո թշնամի՝ նույնիսկ իր մեղքերի համար վճարելուց հետո՝ այնքան ժամանակ, մինչև նույնպես «դառնա սուրբ, Տեր Քրիստոսի քավությամբ» (Մոսիա 3.19): (Բրուս Ս. Հեյֆեն, «Մոխրի գեղեցկությունը», Ensign, ապրիլ, 1990 թ․, 9)

Ի՞նչ է առաջարկում Հիսուս Քրիստոսը՝ որպես մեր Միջնորդ

Տասներկու Առաքյալների Քվորումից երեց Դ. Թոդ Քրիստոֆերսոնն ուսուցանել է.

Քանի որ Փրկիչը վճարել է մեր մեղքերի համար և բավարարել է արդարության պահանջը մեզ համար, մենք դառնում ենք ոչ թե արդարության, այլ Նրա պարտապանները։ Հետևաբար, մենք պետք է համապատասխանենք այն պայմաններին, որոնք Նա սահմանել է ներման և մաքրման համար: Հակառակ դեպքում Նա հետ է վերցնում Իր առաջարկած միջնորդությունը, և մենք արդարության պահանջների հետ մնում ենք մենակ՝ առանց մաքրվելու միջոցների։ Մարդը պետք է ընտրի Քրիստոսին՝ ստանալու համար այն, ինչ Քրիստոսն առաջարկում է։ (Դ. Թոդ Քրիստոֆերսոն, «Արդարացում և սրբացում», Ensign, հունիս 2001 թ․, 23)

Ի՞նչ կապ կա Աստծո սիրո և Նրա օրենքի միջև։

Առաջին Նախագահությունից նախագահ Դալլին Հ. Օուքսն ուսուցանել է.

Աստծո սերը չի փոխարինում Նրա օրենքներին և Նրա պատվիրաններին, և Աստծո օրենքների ու պատվիրանների ազդեցությունը չի նվազեցնում Նրա սիրո նպատակը և ազդեցությունը։ …

Որոշ մարդիկ գնահատում են Աստծո սերը, որովհետև հույս ունեն, որ Նրա սերն այնքան մեծ ու այնքան անվերապահ է, որ գթասրտորեն կարդարացնի այն, որ իրենք չեն հնազանդվում Նրա օրենքներին։ Ի հակադրություն դրա՝ նրանք, ովքեր հասկանում են Աստծո ծրագիրը Իր զավակների համար, գիտեն, որ Աստծո օրենքներն անփոփոխ են, ինչը Իր զավակների հանդեպ Նրա սիրո մեկ այլ մեծ ապացույց է։ Ողորմածությունը չի կարող կողոպտել արդարությանը, և ողորմածություն ստանում են «նրանք, ովքեր պահել են ուխտը և հետևել են պատվիրանին» (Վ&Ու 54.6): (Դալլին Հ. Օուքս, «Սեր և օրենք», Լիահոնա, նոյեմբեր 2009 թ․, 26–27)