Seminary
Helaman 14: Mga Timailhan sa Manluluwas

“Helaman 14: Mga Timailhan sa Manluluwas,” Manwal sa Magtutudlo sa Basahon ni Mormon (2024)

“Helaman 14,” Manwal sa Magtutudlo sa Basahon ni Mormon

Helaman 14

Timailhan sa Manluluwas

Imahe
batan-ong lalaki nga nagtuon sa mga kasulatan

Ang Langitnong Amahan nagpadala og mga propeta sa pagtabang sa Iyang mga anak nga motuo sa Iyang Hinigugmanga Anak, sama sa dihang Iyang gisugo si Samuel ang Lamanite sa pagpanagna ngadto sa mga Nephite. Isip kabahin sa iyang mga panagna, siya misulti sa mga timailhan nga mopahibalo sa pagkatawo ug pagkamatay ni Jesukristo. Kini nga leksiyon makatabang kanimo nga mapalig-on ang imong pagtuo diha ni Jesukristo samtang imong masabtan ang mga timailhan nga gihatag kanato sa Dios.

Mga Pahibalo

Paghunahuna og mga panghitabo sa imong kinabuhi nga importante kaayo nga kini imong ipahibalo daan ngadto sa imong mga higala ug pamilya. Sa daghang mga kultura, ang mga pormal nga pahibalo sa gradwasyon, kaminyoon, mahinungdanong mga adlaw nga natawhan, ug uban pang mga hitabo una nang gihimo ug gipadalang daan mga semana o bulan pa.

  • Unsa ang pipila ka mga rason nga ang mga tawo ipadala kini nga mga pahibalo sa wala pa ang adlaw sa panghitabo?

  • Unsa ang pipila ka mga hitabo nga gipili sa Langitnong Amahan nga ipahibalo daan pinaagi sa Iyang mga propeta? Ngano kaha sa imong hunahuna nga importante kaayo ang maong mga panghitabo nga mahibaloan?

Pinaagi sa mga panagna ni Samuel ang Lamanite, ang Dios mipahibalo ngadto sa mga Nephite sa mahinungdanong umaabot nga mga panghitabo ug sa mga timailhan nga nag-uban niini.

Basaha ang Helaman 14:12, mangita sa mga rason nga ang Dios nagsugo ni Samuel sa pagpanagna niini nga mga timailhan.

Usa ka kamatuoran nga atong makat-onan mao nga ang pagkahibalo sa mga ilhanan nga gihatag sa Dios makapamatuod sa atong pagtuo kang Jesukristo.

Unsa sa imong hunahuna ang epekto kanimo sa pagsaksi sa mga timailhan nga gihatag ni Samuel sa pagpahibalo sa pagkatawo ug pagkamatay ni Jesukristo? Pamalandongi kon unsang mga timailhan o kasinatian ang gihatag sa Dios kanimo aron pamatud-an ang imong pagtuo sa Manluluwas. Kini mahimong maglakip og mga timailhan nga nag-una sa Ikaduhang Pag-anhi sa Manluluwas.

Mga timailhan sa pagkatawo ug pagkamatay sa Manluluwas

Imahe
icon, rekord

  1. Kompletoha ang mosunod:

    Gamit ang mosunod nga mga panagna, paghimo og mga pahibalo alang sa mga Nephite sa adlaw sa pagkatawo ug pagkamatay sa Manluluwas. Paningkamot nga makuha ang kahinam sa pagkatawo sa Manluluwas ug ang gibug-aton sa Iyang pagkamatay. Apila usab kon nganong ang mga tawo kinahanglan mangandam alang niining umaabot nga mga panghitabo.

Pamalandongi ang mosunod nga mga pangutana:

  • Ngano sa imong hunahuna nga ang mga timailhan nga naglambigit sa kahayag ug kangitngit nagpahibalo sa pagkatawo ug kamatayon sa Manluluwas?

  • Sa unsa nga paagi kaha nga ang pagkakita niini nga mga timailhan nagkompirmar sa pagtuo sa mga Nephite sa Manluluwas?

Mga Timailhan sa Ikaduhang Pag-anhi

Imahe
ang Ikaduhang Pag-anhi

Sama nga ang Langitnong Amahan migamit og mga timailhan sa pag-andam sa karaang mga Nephite alang sa pag-abot sa Iyang Anak, Siya naggamit og mga timailhan sa atong panahon aron sa pagtabang kanato sa pagpangandam alang sa Ikaduhang Pag-anhi sa Iyang Anak.

Aron matabangan ka nga mahimong pamilyar o mahinumdom sa pipila ka mga timailhan sa wala pa ang Ikaduhang Pag-anhi, basaha ang mosunod nga mga tudling sa kasulatan ug ipares kini sa paghulagway sa timailhan. Kon gusto nimong tun-an ang dugang pa nga mga timailhan, tan-awa ang “Mga Timailhan sa mga Panahon” diha sa Giya ngadto sa mga Kasulatan (scriptures.ChurchofJesusChrist.org).

Ang eksaktong mga tubag anaa sa kataposan sa leksiyon.

  1. 1 Nephi 14:14

  1. Ang mga tawo gikan sa tanang nasod maghugop ngadto sa templo sa Dios

  1. 2 Nephi 3:6, 11, 15

  1. Usa ka kaliwat ni Joseph sa Ehipto (Joseph Smith) modala sa pulong sa Dios (ang Basahon ni Mormon)

  1. Isaias 2:2–3

  1. Ang ebanghelyo isangyaw ngadto sa tibuok kalibotan

  1. Mateo 24:14

  1. Ang katawhan sa Ginoo makaplagan sa tibuok yuta ug mapanalanginan sa gahom sa Dios

  1. 2 Timoteo 3:1–7

  1. Ang mga tawo mahimong hakog ug makasasala ug mobiya sa Dios

  1. Tubaga ang bisan og duha sa mosunod nga mga pangutana:

    • Sa unsang paagi nimo nakita nga natuman ang pipila ka mga timailhan sa Ikaduhang Pag-anhi sa Manluluwas?

    Sa dili pa motubag sa mosunod nga pangutana, pamalandongi kon sa unsang paagi ang imong pagtuo sa Manluluwas naapektohan pinaagi sa gipahiuli nga Simbahan ni Jesukristo, ni Propeta Joseph Smith, sa Basahon ni Mormon, sa misyonaryo nga buhat, ug sa mga templo.

    • Sa unsa nga paagi nga ang katumanan niini nga mga timailhan nagpamatuod sa imong hugot nga pagtuo diha sa Manluluwas?

    • Sumala sa Helaman 14:13, 28–29, nganong importante man kaayo nga motuo kita kang Kristo?

    • Sa unsang mga paagi nga ang imong pagtuo kang Jesukristo usa ka panalangin diha kanimo?

Sa imong pagtuon sa 3 Nephi 1–10 sa umaabot nga mga leksiyon, imong mabasa ang katumanan sa mga timailhan nga gihatag ni Samuel sa pagkatawo ug pagkamatay sa Manluluwas. Ang mga tawo sa panahon ni Samuel nga mituo sa mga panagna ug nag-andam alang sa pag-anhi ni Kristo adunay lahi kaayo nga mga kasinatian gikan niadtong wala.

Sa imong journal sa pagtuon, pagsulat mahitungod sa imong pagtuo sa Manluluwas ug sa mga kasinatian nga nagdala kanimo ngadto niini. Mahimo usab nimong ilakip kon unsaon nimo sa pagpalig-on niana nga pagtuo (pananglitan, pinaagi sa pagpadayon sa pagtuon sa Basahon ni Mormon o pinaagi sa pagtambong sa templo).

Mga tubag sa pagpares nga kalihokan: 1-d, 2-b, 3-a, 4-c, 5-e

Iprinta