Rebyo 20 sa Doktrinal nga Kahanas

Pagsag-ulo

batan-ong babaye nga nagtuon sa mga kasulatan

Kini nga leksiyon makahatag kanimo og oportunidad sa pagsag-ulo sa mga pakisayran sa doktrinal nga kahanas ug sa mahinungdanon nga hugpong sa mga pulong sa kasulatan niini ug gani sa pagsag-ulo sa tibuok mga tudling.

Makasunod kita sa ehemplo sa Manluluwas pinaagi sa pagsag-ulo sa mga kasulatan

ang Manluluwas

• Unsa ang pipila ka mga paagi nga kita makasunod sa ehemplo ni Jesukristo?

Usa ka paagi nga kita makasunod sa ehemplo ni Jesukristo mao ang pagsag-ulo sa mga kasulatan. Ang Manluluwas migamit og gisag-ulo nga mga kasulatan sa pagbuntog sa tentasyon (tan-awa sa Mateo 4:1–11) ug sa pagtudlo sa uban (tan-awa sa Lucas 24:27; 3 Nephi 22).

• Unsa ang pipila ka mga sitwasyon diin ang nasag-ulo nga mga kasulatan mahimong makatabang?

Sa imong pagsag-ulo sa mga tudling sa kasulatan sa doktrinal nga kahanas o sa mga mahinungdanon nga hugpong sa mga pulong sa kasulatan, hinumdomi nga ikaw nagsunod sa panig-ingnan ni Jesukristo.

Doktrinal nga Kahanas sa Basahon ni Mormon: Alma–Moroni

Manwal sa Magtutudlo sa Basahon ni Mormon (2024)

Pakisayran sa Kasulatan	Mahinungdanon nga Hugpong sa mga Pulong sa Kasulatan
Pakisayran sa Kasulatan Alma 7:11–13	Mahinungdanon nga Hugpong sa mga Pulong sa Kasulatan “Ug siya magpadayon, mag-antos sa mga sakit ug mga kasakit ug mga pagtintal sa matag matang.”
Pakisayran sa Kasulatan Alma 34:9–10	Mahinungdanon nga Hugpong sa mga Pulong sa Kasulatan “Kinahanglan gayod nga adunay pag-ula nga pagahimoon, … usa ka walay kinutoban ug walay kataposan nga sakripisyo.”
Pakisayran sa Kasulatan Alma 39:9	Mahinungdanon nga Hugpong sa mga Pulong sa Kasulatan “Ayaw na pagsunod sa mga tinguha nga daotan sa imong mga mata.”
Pakisayran sa Kasulatan Alma 41:10	Mahinungdanon nga Hugpong sa mga Pulong sa Kasulatan “Ang pagkadaotan dili mahitabo nga kalipay.”
Pakisayran sa Kasulatan Helaman 5:12	Mahinungdanon nga Hugpong sa mga Pulong sa Kasulatan “Diha sa lig-on nga sukaranan sa atong Manunubos … nga kamo kinahanglan gayod motukod sa inyong tukoranan.”
Pakisayran sa Kasulatan 3 Nephi 11:10–11	Mahinungdanon nga Hugpong sa mga Pulong sa Kasulatan “Ako mituman sa kabubut-on sa Amahan sa tanan nga mga butang gikan sa sinugdanan.”
Pakisayran sa Kasulatan 3 Nephi 12:48	Mahinungdanon nga Hugpong sa mga Pulong sa Kasulatan “[Pagmahingpit] sama nga Ako ingon, o ang inyong Amahan kinsa anaa sa langit hingpit.”
Pakisayran sa Kasulatan 3 Nephi 27:20	Mahinungdanon nga Hugpong sa mga Pulong sa Kasulatan “Duol ngari kanako ug magpabunyag … aron kamo mahimo nga pagasantoson pinaagi sa pagdawat sa Espiritu Santo.”
Pakisayran sa Kasulatan Ether 12:6	Mahinungdanon nga Hugpong sa mga Pulong sa Kasulatan “Kamo dili makadawat og saksi hangtod human sa pagsulay sa inyong hugot nga pagtuo.”
Pakisayran sa Kasulatan Ether 12:27	Mahinungdanon nga Hugpong sa mga Pulong sa Kasulatan “Kon ang mga tawo moduol ngari kanako … niana Ako mohimo sa mahuyang nga mga butang nga mahimo nga malig-on ngadto kanila.”
Pakisayran sa Kasulatan Moroni 7:45–48	Mahinungdanon nga Hugpong sa mga Pulong sa Kasulatan “Ang gugma nga putli mao ang tiunay nga gugma ni Kristo.”
Pakisayran sa Kasulatan Moroni 10:4–5	Mahinungdanon nga Hugpong sa mga Pulong sa Kasulatan “Mangutana sa kinasingkasing, uban sa tinuod nga katuyoan nga may hugot nga pagtuo kang Kristo … [ug] pinaagi sa gahom sa Espiritu Santo kamo mahimo nga masayod sa kamatuoran sa tanan nga mga butang.”

© 2024 by Intellectual Reserve, Inc. All rights reserved.

Hunahunaa ang kaugalingon nimong mga kahimtang. Rebyoha ang tsart sa mga tudling sa doktrinal nga kahanas ug pagpili og usa (o pipila ka mahinungdanon nga hugpong sa mga hugpong sa kasulatan) nga paminaw nimo labing makatabang kanimo nga sag-ulohon karon. Ikonsiderar ang paggamit sa usa sa mosunod nga mga teknik (o sa pagsag-ulo nga mga feature sa Doktrinal nga Kahanas nga app) aron sa pagtabang kanimo sa pagsag-ulo sa tudling (o mga hugpong sa mga pulong) nga imong napili.

• Isulat kini: Pagtakda og timer alang sa usa ka makataronganong gidugayon sa panahon (pananglitan, 30 kasegundo). Pagsulat og daghan sa tudling kutob sa imong mahimo nga wala magtan-aw sa mga kasulatan o tsart. Itakda pag-usab ang timer ug pagsulat og dugang. Balika hangtod nga masulat na nimo ang tibuok nga tudling sa kasulatan. Mahimo nimong sulayan pag-usab ang kalihokan aron mahibaloan kon mahimo nimo kining isulat sa mas paspas nga oras.

• Unang mga letra: Isulat diha sa imong journal sa pagtoun ang tibuok pakisayran ug ang tudling nga imong napili. Tupad niini, isulat ang unang letra sa matag pulong. Basaha ang kompleto nga tudling sa pipila ka higayon. Dayon taboni ang tudling ug sulayi nga gamiton lamang ang unang mga letra aron isulti ang pakisayran ug ang tudling (ablihan ang tibuok tudling kon gikinahanglan). Buhata kini sa pipila ka higayon hangtod nga masulti nimo ang tudling gikan sa memorya.

• Hugpong sa hugpong [Phrase by phrase]: Una, bahina ang pakisayran ug ang tudling ngadto sa pipila ka gagmay nga mga hugpong sa mga pulong. Dayon sag-uloha ang unang hugpong sa mga pulong sa tudling pinaagi sa pagsulti oa balik niini o sa pagsulat niini sa pipila ka higayon. Dayon buhata ang sama gihapon sa ikaduhang hugpong sa mga pulong. Balika kini nga proseso hangtod nga imong masag-ulo ang tibuok nga pakisayran ug ang tudling.

Rebyoha

1. Kompletoha ang mosunod:

   Pagsulat og mubo nga sulat ngadto sa imong magtutudlo. Ilakip ang mosunod:

   • Ang tudling sa kasulatan o ang mahinungdanon nga hugpong sa mga pulong sa kasulatan nga imong gipaningkamotan sa pagsag-ulo ug hain nga mga paagi sa pagsag-ulo ang imong gigamit

   • Mga kahimtang nga imong giatubang karon o atubangon sa umaabot diin ang pagsag-ulo niini nga tudling o mahinungdanon nga hugpong sa mga pulong makatabang

   • Ang imong mga hunahuna kon sa unsang paagi ang pagsag-ulo sa mga kasulatan makatabang kanimo sa pagsunod sa ehemplo ni Jesukristo

Pangita og mga kahigayonan sa kanunay nga pagsulti og balik sa nasag-ulo nga pakisayran ug sa tudling sa kasulatan (o sa mahinungdanon nga hugpong sa mga pulong).