“Atamai i Aoaoga Faavae: Moronae 10:4–5—‘Ma o le Mana o le Agaga Paia E Mafai Ona Outou Iloa Ai le Moni o Mea Uma Lava,’” Tusi Lesona a Tagata o le Vasega o le Tusi a Mamona (2024)
“Atamai i Aoaoga Faavae: Moronae 10:4–5,” Tusi Lesona a Tagata o le Vasega o le Tusi a Mamona
Atamai i Aoaoga Faavae: Moronae 10:4–5
“Ma o le Mana o le Agaga Paia E Mafai Ona Outou Iloa Ai le Moni o Mea Uma Lava”
I lau suesuega o le Moronae 10:1–7, ua e aoao ai afai tatou te ole atu i le Atua ma se loto faamaoni, manatu moni, ma le faatuatua ia Keriso, e mafai ona tatou iloa e moni le Tusi a Mamona e ala i le mana o le Agaga Paia. O lenei lesona e mafai ona fesoasoani ia te oe e tauloto mau faasino o le atamai i aoaoga faavae ma le fasifuaitau autu o le mau mo le Moronae 10:4–5, faamatala le aoaoga faavae, ma faaaoga mataupu faavae o le mauaina o le malamalama faaleagaga i tulaga moni o le olaga.
Tauloto ma faamatala
Faataitai le taulotoina o lenei mau o le atamai i aoaoga faavae ma le fasifuaitau autu o le mau e ala i le taulotoina taitasi o vaega nei. A uma ona faia lenei mea, taumafai e toe fai le fasifuaitau atoa ma le mau mai le manatua. Faataitai ona toe fai ma saga fai le fasifuaitau lea ma le mau faasino i le aso atoa.
-
“Ole atu ma le loto faamaoni,
-
Ma le manatu moni i ai, ma le faatuatua ia Keriso. …
-
Ma o le mana o le Agaga Paia
-
E mafai ona outou iloa ai le moni o mea uma lava.”
-
Tali le fesili lenei.
-
O le a se mea e mafai ona fai e se tasi ia maua ai se molimau e moni le Tusi a Mamona?
-
Faataitai le faaaogaina
Faaalu ni nai minute e toe faamanatu ai mataupu faavae o le mauaina o le malamalama faaleagaga e ala i le faitauina o palakalafa 5–12 o le vaega “Mauaina o Malamalama Faaleagaga” i le Pepa Autu o le Atamai i Aoaoga Faavae (2023).
-
O le fea o mataupu faavae o le mauaina o le malamalama faaleagaga e sili ona anoa ia te oe? Aisea?
Vaai faalemafaufau i le tulaga lenei o loo tuuina i luga i le vaega o “Fesili ma Tali” o le mekasini o le Mo Le Malosi o le Autalavou . Ina ia vaai i se faataitaiga, tagai i se lomiga talu ai nei ChurchofJesusChrist.org.
-
“Sa avea au ma se tagata o le Ekalesia i le tele o lo’u olaga. Ou te taumafai e tausi poloaiga, faitau a’u tusitusiga paia, tatalo, ma alu i le Lotu. Ou te faalogo i isi tagata o faasoa mai o latou aafiaga e uiga i le iloaina e moni le Tusi a Mamona. Aisea e lei tuuina mai ai e le Atua ia te au lena ituaiga o aafiaga?”
-
Tali fesili nei.
-
O le fea le mataupu faavae o le mauaina o le malamalama faaleagaga o le a e fautuaina lenei tagata e mafaufau muamua i ai? Aisea?
-
E mafai faapefea e le aoaoga faavae o loo aoao mai i le Moronae 10:4–5 ona fesoasoani ia te oe e faaaoga mataupu faavae o le mauaina o le malamalama faaleagaga i lenei tulaga?
-
O fesili nei e mafai ona fesoasoani ia te oe e mafaufau ai pe mafai faapefea e mataupu faavae o le mauaina o le malamalama faaleagaga ona fesoasoani i se tasi i lenei tulaga.
Saili le malamalama atili e ala i punavai paia filifilia
-
O le fea upu po o fasifuaitau i le Moronae 10:4–5 o le a e uunaia lenei tagata e suesue ma malamalama atili i ai? Aisea?
-
O a nisi o punaoa mamana ua filifilia e mafai ona fesoasoani i lenei tagata ia maua ai se molimau patino i le moni o le Tusi a Mamona?
Faatino i le faatuatua
-
O le a se foliga o le faatinoina o nisi o valaaulia a Moronae mai le Moronae 10:4–5 i lenei tulaga? E faapefea ona fesootai nei mea i le faatino i le faatuatua?
Iloilo manatu faavae ma fesili faatasi ai ma se vaaiga e faavavau
-
O a ni upumoni e uiga i le Atua, le ala e fesootai mai ai o Ia i Ana fanau, ma Lona finagalo, e mafai ona fesoasoani i se tasi i lenei tulaga?
-
Tali le fesili lenei.
-
E mafai faapefea ona e faaaogaina le aoaoga faavae o loo aoao mai i le Moronae 10:4–5 e fesoasoani ai i isi fesili e le fesootai i le Tusi a Mamona?
-