« នីហ្វៃទី២ ៩:១–២៦ ៖ ‹ ដង្វាយធួនដ៏និរន្តរ៍ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
នីហ្វៃទី២ ៩:១–២៦ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
នីហ្វៃទី២ ៩:១–២៦
« ដង្វាយធួនដ៏និរន្តរ៍ »
យ៉ាកុបបានបង្រៀនពួកសាសន៍នីហ្វៃអំពីស្ថានភាពដែលមនុស្សលោកទាំងអស់ជួបប្រទះ ដោយសារការធ្លាក់របស់អ័ដាម និងអេវ៉ា ។ លោកបានថ្លែងទីបន្ទាល់ថា មានតែតាមរយៈព្រះយេស៊ូវគ្រីស្ទ និងព្រះចេស្តាប្រោសលោះរបស់ទ្រង់ប៉ុណ្ណោះដែលអាចយកឈ្នះលើសេចក្ដីស្លាប់ខាងវិញ្ញាណ និងខាងរូបកាយបាន ។ មេរៀននេះអាចជួយអ្នកមានអារម្មណ៍ដឹងគុណកាន់តែខ្លាំងចំពោះតួនាទីរបស់ព្រះយេស៊ូវគ្រីស្ទ ក្នុងការជួយយើងឲ្យយកឈ្នះលើអំពើបាប និងសេចក្តីស្លាប់ ។
ការជួយសិស្សឲ្យរៀនពឹងផ្អែកលើព្រះយេស៊ូវគ្រីស្ទ ។សិស្សត្រូវតែដឹង ហើយស្គាល់ព្រះចេស្ដាដែលព្រះអង្គសង្គ្រោះអាចប្រទានឲ្យ ដោយសារតែដង្វាយធួនរបស់ទ្រង់ ។ ហេតុដូច្នេះហើយ គ្រូបង្រៀនគួរតែជួយសិស្សរៀនស្វែងយល់ពីរបៀបពឹងផ្អែកលើព្រះយេស៊ូវគ្រីស្ទដោយផ្ទាល់ ។ ពួកគេអាចធ្វើដូច្នេះ នៅពេលពួកគេខិតខំប្រែចិត្ត ស្វែងរកការអភ័យទោស និងទុកចិត្តថាទ្រង់អាចជួយពួកគេក្នុងជីវិតប្រចាំថ្ងៃ និងបញ្ហាប្រឈមនានារបស់ពួកគេ ។
ការរៀបចំសិស្ស ៖ សូមពិចារណាអញ្ជើញសិស្សឲ្យសិក្សា នីហ្វៃទី២ ៩: ១–២៦ ។ ពួកគេអាចគូសចំណាំតាមរបៀបមួយនូវអ្វីនឹងកើតឡើងចំពោះយើងប្រសិនបើគ្មានដង្វាយធួននៃព្រះយេស៊ូវគ្រីស្ទទេ ហើយតាមរបៀបមួយផ្សេងគ្នា ពួកគេអាចគូសចំណាំនូវអ្វីដែលអាចកើតឡើងចំពោះយើង ដោយសារតែព្រះយេស៊ូវគ្រីស្ទ និងដង្វាយធួនរបស់ទ្រង់ ។
សកម្មភាពរៀនសូត្រដែលអាចមាន
ស្ថានភាពលំបាក
ដំណើររឿងខាងក្រោមមានគោលបំណង ជួយរៀបចំសិស្សឲ្យសិក្សាអំពីតួនាទីរបស់ព្រះអង្គសង្គ្រោះក្នុងការរំដោះយើងឲ្យរួចពីអំពើបាប និងសេចក្តីស្លាប់ ។
សូមសញ្ជឹងគិតពីរបៀបដែលអ្នកនឹងឆ្លើយតបចំពោះកាលៈទេសៈខាងក្រោម ៖
នៅថ្ងៃទី ៥ ខែ សីហា ឆ្នាំ ២០១០ អ្នករុករករ៉ែជនជាតិឈីលី ៣៣ នាក់ត្រូវបានជាប់នៅក្នុងរូងភ្នំដ៏ធំមួយ បន្ទាប់ពីថ្មនៅខាងក្នុងអណ្តូងរ៉ែបានដួលរលំ ។ ពួកគេត្រូវបានឃាត់ឲ្យនៅតំបន់សុវត្ថិភាពតូចមួយ និងនៅផ្នែកអណ្តូងរ៉ែនៅក្រោមដែលដួលរលំនោះ ដែលមានជម្រៅ ២៣០០ ហ្វីត ( ៧០០ ម៉ែត្រ ) នៅខាងក្នុងផែនដី ។
ស្ថានភាពគួរឲ្យក្រៀមក្រំណាស់ ។ ពួកគេត្រូវបានបែកចេញពីផ្ទះ និងក្រុមគ្រួសារដោយថ្មដែលមិនអាចរើបានជិតកន្លះម៉ាយល៍ ហើយពួកគេមានអាហារផ្គត់ផ្គង់ និងទឹកបន្តិចបន្តួច ។ ទោះបីជាពួកគេមានឧបករណ៍ និងចំណេះដឹងក៏ដោយ តែដោយសារអស្ថិរភាពនៃអណ្តូងរ៉ែ នោះពួកគេមិនអាចជួយសង្គ្រោះខ្លួនឯងបានទេ ។ ឱកាសតែមួយគត់របស់ពួកគេគឺត្រូវឲ្យរកឃើញ និងជួយសង្គ្រោះ ។ ( ខូននី ហ្គៅឌីង « Seeking Rescue » Ensign ខែ មិថុនា ឆ្នាំ ២០១៥ ទំព័រ ៦៣ )
-
ប្រសិនបើអ្នកធ្លាប់ស្ថិតក្នុងស្ថានភាពបែបនេះ តើអ្នកអាចមានគំនិត ឬអារម្មណ៍បែបណា ?
-
តើមានអ្វីខ្លះដែលយើងត្រូវសង្គ្រោះពីការដែលយើងមិនអាចយកឈ្នះដោយខ្លួនឯង ?
ដោយសារការធ្លាក់របស់អ័ដាម និងអេវ៉ា យើងម្នាក់ៗនឹងជួបសេចក្តីស្លាប់ខាងរូបកាយ និងខាងវិញ្ញាណ ។ សេចក្តីស្លាប់ខាងវិញ្ញាណសំដៅទៅលើការបែកចេញពីព្រះដែលយើងដកពិសោធ ដែលជាលទ្ធផលនៃអំពើបាប ។
សូមអាន នីហ្វៃទី២ ៩:១០ ដោយរកមើលអ្វីដែលយ៉ាកុបប្រៀបធៀបសេចក្តីស្លាប់ខាងរូបកាយ និងខាងវិញ្ញាណ ។
-
ហេតុអ្វីអ្នកគិតថាយ៉ាកុប ពិពណ៌នាអំពីសេចក្ដីស្លាប់ ( សេចក្ដីស្លាប់ខាងរូបកាយ ) និងឋាននរក ( សេចក្ដីស្លាប់ខាងវិញ្ញាណដែលកើតចេញពីអំពើបាបដែលមិនបានប្រែចិត្ត ) ជា « វិរូបដ៏គួរស្ញែងខ្លាច » ?
សូមគិតថាតើជីវិតនេះនឹងទៅជាយ៉ាងណា ប្រសិនបើយើងមិនបានសង្គ្រោះពីសេចក្តីស្លាប់ខាងរូបកាយ និងខាងវិញ្ញាណទេនោះ ។ សូមពិចារណាពីរបៀបដែលអ្នកអាចទាក់ទងទៅនរណាម្នាក់ អំពីសេចក្តីត្រូវការខ្លាំងបំផុតរបស់យើងដើម្បីរកអង្គប្រោសលោះ ដើម្បីសង្គ្រោះយើងពីសេចក្តីស្លាប់ខាងរូបកាយ និងខាងវិញ្ញាណ ។ នៅពេលអ្នកបន្តសិក្សា សូមសញ្ជឹងគិតពីអារម្មណ៍របស់អ្នកចំពោះព្រះយេស៊ូវគ្រីស្ទ ដែលជួយយើងយកឈ្នះលើលក្ខខណ្ឌទាំងនេះ តាមរយៈដង្វាយធួនរបស់ទ្រង់ ។
យ៉ាកុបបង្រៀនអំពីតួនាទីរបស់ព្រះអង្គសង្គ្រោះក្នុងការរំដោះយើងពីអំពើបាប និងសេចក្តីស្លាប់
សូមពិចារណាអំពីរបៀបមួយដ៏ល្អបំផុតដើម្បីឲ្យសិស្សសិក្សាខគម្ពីរ និងបំពេញតារាងខាងក្រោមតើត្រូវធ្វើវាជាថ្នាក់ទាំងមូល ជាក្រុម ឬរៀងៗខ្លួន ។ វាអាចមានប្រយោជន៍ក្នុងការប្រើវិធីសាស្រ្តទាំងនេះបញ្ចូលគ្នា ។ វាក៏អាចមានប្រយោជន៍សម្រាប់អ្នកក្នុងការបំពេញតារាងផ្ទាល់ខ្លួនរបស់អ្នកមុនពេលចូលរៀនដែរ ដើម្បីឲ្យអ្នកអាចត្រៀមខ្លួនផ្តល់ជំនួយ និងការយល់ដឹងដល់សិស្សនៅពេលពួកគេសិក្សា ។
សូមបង្កើតតារាងដែលមានចំណងជើងដូចខាងក្រោមនៅក្នុងសៀវភៅកំណត់ហេតុការសិក្សារបស់អ្នក ។ សូមសិក្សាខគម្ពីរដែលមាននៅក្នុងជួរឈរនីមួយៗ ហើយកត់ត្រាការយល់ដឹងរបស់អ្នកនៅក្នុងតារាងរបស់អ្នក ។ សូមបន្តបន្ថែមការយល់ដឹងទៅក្នុងតារាងរបស់អ្នកពេញទាំងមេរៀន ។
|
ប្រសិនបើគ្មានព្រះអង្គសង្រ្គោះទេ … ( នីហ្វៃទី២ ៩:៧–៩ ) |
ដោយសារតែមានព្រះអង្គសង្គ្រោះ … ( នីហ្វៃទី២ ៩:១០–១៣ ) |
|---|---|
អ្នកក៏ប្រហែលជាចង់មើល « Why We Need a Savior » ( ២:១៥ ) ដែលមាននៅលើគេហទំព័រ ChurchofJesusChrist.org ។ សូមពិចារណាបន្ថែមការយល់ដឹងបន្ថែមរបស់អ្នកទៅក្នុងតារាងរបស់អ្នក ។
Why We Need a Savior
What would life be like without a Savior? There would be no joy, no forgiveness, no hope for the future. This Christmas, learn more about the hope, peace and happiness our Savior Jesus Christ can bring into our lives at christmas.mormon.org.
បន្ទាប់ពីសិស្សមានពេលវេលាសិក្សាគ្រប់គ្រាន់ហើយ សូមធ្វើការពិភាក្សាអំពីអ្វីដែលពួកគេបានរៀន ។ សូមពិចារណាសួរសំណួរដូចតទៅនេះជាផ្នែកមួយនៃការពិភាក្សារបស់អ្នក ៖
-
តើអ្នកមានគំនិត ឬអារម្មណ៍អ្វីខ្លះអំពីព្រះយេស៊ូវគ្រីស្ទ នៅពេលអ្នកសិក្សាខគម្ពីរទាំងនេះ ?
-
តើអ្នកបានរៀនអ្វីខ្លះចំពោះអ្វីដែលនឹងកើតឡើងដល់យើង ប្រសិនបើគ្មានព្រះអង្គសង្គ្រោះនោះ ?
-
តើអ្នកបានរៀនអ្វីខ្លះអំពីអ្វីដែលព្រះអង្គសង្គ្រោះធ្វើឲ្យអាចកើតឡើងដោយសារដង្វាយធួនរបស់ទ្រង់ ?
សេចក្តីពិតមួយដែលសង្ខេបការបង្រៀនរបស់យ៉ាកុប នៅក្នុងខគម្ពីរដែលអ្នកបានសិក្សាគឺថា តាមរយៈដង្វាយធួនរបស់ទ្រង់ ព្រះយេស៊ូវគ្រីស្ទជួយយើងយកឈ្នះលើអំពើបាប និងសេចក្តីស្លាប់ ។
-
តើការយល់ដឹងពីសេចក្ដីពិតនេះអាចមានឥទ្ធិពលយ៉ាងណាលើជីវិតរបស់អ្នក ?
សូមពិចារណាចែកចាយឧទាហរណ៍ផ្ទាល់ខ្លួនមួយ មុននឹងឲ្យសិស្សចែកចាយចម្លើយរបស់ពួកគេចំពោះសំណួរខាងក្រោម ។
វាក៏អាចមានប្រយោជន៍ផងដែរក្នុងការបង្ហាញវីដេអូមួយក្នុងចំណោមវីដេអូទាំងនេះនៅក្នុង « វិចារណកថា និងព័ត៌មានសាច់រឿង » នៅក្រោមចំណងជើងថា « How can the knowledge of Jesus Christ’s victory over sin and death impact our lives? »
-
តើនៅពេលណាដែលចំណេះដឹងអំពីជ័យជម្នះរបស់ព្រះយេស៊ូវគ្រីស្ទលើអំពើបាប និងសេចក្តីស្លាប់មានអត្ថន័យបំផុតសម្រាប់អ្នក ?
ការជ្រើសរើសទទួលយកការសង្គ្រោះ
សូមរំឭកពីដំណើររឿងរបស់អ្នកជីករ៉ែជនជាតិឈីលីកាលពីដើមមេរៀននេះ ។ នៅពេលអ្នករៀនអំពីដំណើររឿងទាំងអស់របស់ពួកគេ សូមគិតអំពីភាពស្រដៀងគ្នារវាងបទពិសោធន៍របស់ពួកគេ និងការសង្គ្រោះរបស់យើងពីសេចក្តីស្លាប់ខាងរូបកាយ និងខាងវិញ្ញាណ ។
សូមពិចារណាបង្ហាញកថាខណ្ឌខាងក្រោម ហើយហៅសិស្សម្នាក់ឲ្យអានវាឲ្យឮៗ ។
ជាងពីរសប្តាហ៍បន្ទាប់ពីអ្នករុករករ៉ែបានជាប់ក្នុងរូងនោះ អ្នកជួយសង្គ្រោះបានរកឃើញវិធីមួយដើម្បីផ្តល់អាហារ ទឹក និងគ្រឿងផ្គត់ផ្គង់ដល់ពួកគេ ។ ជិតពីរខែក្រោយមក ទើបក្រុមអ្នកជួយសង្គ្រោះអាចបង្កើតរន្ធធំល្មម ដើម្បីទម្លាក់ទូរតូចមួយដែលអាចជួយសង្គ្រោះអ្នករុករករ៉ែម្តងៗមួយ ។ អ្នករុករករ៉ែម្នាក់ៗបានចូលទៅក្នុងទូរនោះ ហើយសម្រេចទុកចិត្តតាមផែនការជួយសង្គ្រោះ និងឲ្យពួកអ្នកជួយសង្រ្គោះមកសង្រ្គោះ ។ បន្ទាប់ពីជាប់ក្នុងរូងអស់រយៈពេល ៦៩ ថ្ងៃ អ្នករុករករ៉ែម្នាក់ៗត្រូវបានជួយសង្គ្រោះ ( សូមមើល ខូននី ហ្កៅឌីង « Seeking Rescue » Ensign ខែ មិថុនា ឆ្នាំ ២០១៥ ទំព័រ ៦៣–៦៥ ) ។
-
តើអ្នកឃើញភាពស្រដៀងគ្នាអ្វីខ្លះរវាងដំណើររឿងនេះ និងព្រះអង្គសង្គ្រោះដែលសង្គ្រោះយើងពីអំពើបាប និងសេចក្តីស្លាប់ ?
-
តើអ្នកគិតយ៉ាងណា ប្រសិនបើអ្នករុករករ៉ែម្នាក់ដែលជាប់ក្នុងរូងនោះមិនព្រមចូលក្នុងទូរសង្រ្គោះនោះ ? ហេតុអ្វី ?
ខណៈដែលការរំដោះចេញពីសេចក្ដីស្លាប់ខាងរូបកាយជាអំណោយទានមួយដែលព្រះអង្គសង្គ្រោះផ្ដល់ដល់មនុស្សលោកទាំងអស់ ការរំដោះយើងពីសេចក្ដីស្លាប់ខាងវិញ្ញាណអាស្រ័យលើបំណងប្រាថ្នា និងសកម្មភាពរបស់យើងមួយផ្នែក ។
សូមពិចារណាចាត់សិស្សជាគូ ឬក្រុមតូចៗ ដើម្បីអានខគម្ពីរខាងក្រោម ហើយពិភាក្សាអំពីសំណួរដែលទាក់ទង ។
សូមអាន នីហ្វៃទី២ ៩:២១–២៤ ហើយរកមើលជម្រើសដែលយើងត្រូវធ្វើដើម្បីឲ្យព្រះអង្គសង្គ្រោះជួយយើងពីសេចក្ដីស្លាប់ខាងវិញ្ញាណ ។ សូមពិចារណាកត់ត្រាការយល់ដឹងបន្ថែមដែលអ្នកទទួលបានអំពីព្រះអង្គសង្គ្រោះនៅក្នុងជួរឈរទីពីរនៃតារាងរបស់អ្នក ។
-
តើអ្នកបានរៀនអ្វីខ្លះអំពីអ្វីដែលយើងត្រូវធ្វើថ្វាយព្រះអង្គសង្គ្រោះដើម្បីសង្គ្រោះយើងពីសេចក្ដីស្លាប់ខាងវិញ្ញាណ ?
-
ហេតុអ្វីអ្នកគិតថាយើង « មិនអាចបានសង្គ្រោះនៅក្នុងនគរនៃព្រះបានឡើយ » ប្រសិនបើយើងមិនធ្វើរឿងទាំងនេះ ?
សូមសញ្ជឹងគិតមួយភ្លែតអំពីអ្វីដែលអ្នកបានរៀននៅថ្ងៃនេះអំពីព្រះយេស៊ូវគ្រីស្ទ និងអ្វីដែលទ្រង់បានធ្វើសម្រាប់អ្នក ។ អ្នកអាចនឹងចង់កត់ត្រារាល់គំនិត ឬចំណាប់អារម្មណ៍ណាមួយដែលអ្នកមាន ឬរួមបញ្ចូលការដឹងគុណរបស់អ្នកចំពោះព្រះអង្គសង្គ្រោះដែលពេញដោយក្តីស្រឡាញ់របស់យើង ។
សូមបញ្ចប់មេរៀននេះដោយធ្វើទីបន្ទាល់របស់អ្នកអំពីព្រះយេស៊ូវគ្រីស្ទ និងដង្វាយធួនរបស់ទ្រង់ ។ សូមលើកទឹកចិត្តសិស្សឲ្យស្វែងរកពរជ័យដែលមានតែព្រះយេស៊ូវគ្រីស្ទប៉ុណ្ណោះដែលអាចប្រទានឲ្យបាន ដោយការព្យាយាមធ្វើតាមទ្រង់ពេញមួយជីវិតរបស់ពួកគេ ។