ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

ការរំឭកចំណេះចំណានខាងគោលលទ្ធិទី ៣

« ការរំឭកចំណេះចំណានខាងគោលលទ្ធិទី ៣ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« ការរំឭកចំណេះចំណានខាងគោលលទ្ធិទី ៣ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

ការរំឭកចំណេះចំណានខាងគោលលទ្ធិទី ៣

ស្វែងយល់ និងពន្យល់

ការយល់អំពីវគ្គបទគម្ពីរជាក់លាក់ និងការអាចពន្យល់ពីសេចក្តីពិតដែលវាបង្រៀន គឺជាចំណុចស្នូលនៃការសម្រេចបាននូវចំណេះចំណានខាងគោលលទ្ធិ ។ គោលបំណងនៃមេរៀននេះគឺដើម្បីជួយបង្កើនការយល់ដឹងរបស់អ្នក និងអនុញ្ញាតឲ្យអ្នកអនុវត្តតាមការពន្យល់ពីគោលលទ្ធិដែលបានបង្រៀននៅក្នុងវគ្គចំណេះចំណានខាងគោលលទ្ធិព្រះគម្ពីរមរមនមួយចំនួន ។

សូមស្វែងយល់បន្ថែមអំពីសិស្សរបស់អ្នក ។សូមស្វែងរកឱកាសដើម្បីស្គាល់សិស្ស ។ ការសង្កេត និងសំណួរស្មោះត្រង់ អាចជួយអ្នកស្វែងយល់បន្ថែមអំពីអ្វីដែលសំខាន់សម្រាប់សិស្សម្នាក់ៗ ។ នៅពេលអ្នកយល់កាន់តែច្បាស់អំពីសិស្សរបស់អ្នក នោះព្រះវិញ្ញាណបរិសុទ្ធអាចជួយអ្នកផ្តោតលើការបង្រៀនរបស់អ្នកតាមតម្រូវការរបស់ពួកគេ ។

ការរៀបចំសិស្ស ៖ សូមអញ្ជើញសិស្សឲ្យជ្រើសរើសវគ្គចំណេះចំណានខាងគោលលទ្ធិនៃព្រះគម្ពីរមរមនមួយ ដែលមានន័យសម្រាប់ពួកគេ ហើយរៀបចំដើម្បីចែកចាយជាមួយថ្នាក់រៀន អំពីមូលហេតុដែលវគ្គបទគម្ពីរនេះមានអត្ថន័យ ។

សកម្មភាពរៀនសូត្រដែលអាចមាន

មេរៀនវគ្គចំណេះចំណានខាងគោលលទ្ធិ អាចចាំបាច់ត្រូវបង្រៀនជំនួសឲ្យមេរៀនរំឭកនេះបាន ។ សូមមើលតារាងកាលវិភាគល្បឿនដែលនាយកតំបន់ ឬអ្នកសម្របសម្រួលប្រចាំភូមិភាគផ្តល់ឲ្យដើម្បីធានាឲ្យបានថា មេរៀនវគ្គបទគម្ពីរចំណេះចំណានខាងគោលលទ្ធិនីមួយៗនឹងត្រូវបានបង្រៀននៅពេលដែលថ្នាក់សិក្ខាសាលាកំពុងសិក្សា ។

ការយល់អំពីវគ្គបទគម្ពីរចំណេះចំណានខាងគោលលទ្ធិ

មេរៀននេះអាចបត់បែនទៅតាមតម្រូវការសិស្សក្នុងថ្នាក់ ។ ឧទាហរណ៍ ៖ វាអាចមានប្រយោជន៍ក្នុងការពិនិត្យមើលតែវគ្គបទគម្ពីរដែលសិស្សបានសិក្សាកន្លងមកក្នុងឆ្នាំនេះ ។

សូមពិចារណាអញ្ជើញសិស្សរៀបរាប់ឈ្មោះឯកសារយោងចំណេះចំណានខាងគោលលទ្ធិនៃព្រះគម្ពីរមរមនទាំង ១២ ដំបូងឲ្យអស់ពីលទ្ធភាពរបស់ពួកគេ ។ សូមសរសេរឯកសារយោងបទគម្ពីរទាំងនេះនៅលើក្ដារខៀន តាមដែលវាបានរៀបរាប់ ។ សូមបង្ហាញតារាងខាងក្រោមដើម្បីជួយតាមតម្រូវការ ។ បន្ទាប់មក សូមសួរសំណួរដូចខាងក្រោមនេះ ។

វគ្គចំណេះចំណានខាងគោលលទ្ធិទាំង ១២ ដំបូង និងឃ្លាគន្លឹះ

ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

សេចក្តីយោងបទគម្ពីរ	ឃ្លាបទគម្ពីរគន្លឹះ
សេចក្តីយោងបទគម្ពីរ នីហ្វៃទី១ ៣:៧	ឃ្លាបទគម្ពីរគន្លឹះ « ខ្ញុំនឹងទៅ ហើយធ្វើនូវអ្វីៗដែលព្រះអម្ចាស់ទ្រង់បានបញ្ជា » ។
សេចក្តីយោងបទគម្ពីរ នីហ្វៃទី២ ២:២៥	ឃ្លាបទគម្ពីរគន្លឹះ « លោកអ័ដាមបានធ្លាក់ខ្លួន ដើម្បីឲ្យមានមនុស្សលោក ហើយមានមនុស្សលោក ដើម្បីឲ្យគេអាចមានសេចក្ដីអំណរ » ។
សេចក្តីយោងបទគម្ពីរ នីហ្វៃទី២ ២:២៧	ឃ្លាបទគម្ពីរគន្លឹះ « ពួកគេមានសិទ្ធិនឹងរើសយកឥស្សរភាព និងជីវិតដ៏នៅអស់កល្បជានិច្ច … ឬ … ការជាប់ឃុំឃាំង និងការស្លាប់ » ។
សេចក្តីយោងបទគម្ពីរ នីហ្វៃទី២ ២៦:៣៣	ឃ្លាបទគម្ពីរគន្លឹះ « មនុស្សទាំងអស់ក៏ដូចគ្នានៅចំពោះព្រះដែរ » ។
សេចក្តីយោងបទគម្ពីរ នីហ្វៃទី២ ២៨:៣០	ឃ្លាបទគម្ពីរគន្លឹះ ព្រះ « នឹងប្រទានដល់កូនចៅមនុស្សមួយបន្ទាត់ម្ដងៗ មួយសិក្ខាបទម្ដងៗ » ។
សេចក្តីយោងបទគម្ពីរ នីហ្វៃទី២ ៣២:៣	ឃ្លាបទគម្ពីរគន្លឹះ « សូមទទួលទាននូវព្រះបន្ទូលទាំងឡាយនៃព្រះគ្រីស្ទ ដ្បិតមើលចុះ ព្រះបន្ទូលទាំងឡាយនៃព្រះគ្រីស្ទនឹងប្រាប់ដល់អ្នកនូវគ្រប់អ្វីទាំងអស់ ដែលអ្នកត្រូវធ្វើ » ។
សេចក្តីយោងបទគម្ពីរ នីហ្វៃទី ២ ៣២:៨–៩	ឃ្លាបទគម្ពីរគន្លឹះ « អ្នករាល់គ្នាត្រូវតែអធិស្ឋានជានិច្ច » ។
សេចក្តីយោងបទគម្ពីរ ម៉ូសាយ ២:១៧	ឃ្លាបទគម្ពីរគន្លឹះ « កាលណាអ្នករាល់គ្នានៅក្នុងការបម្រើដល់មនុស្សទូទៅ នោះអ្នករាល់គ្នាគ្រាន់តែនៅក្នុងការបម្រើដល់ព្រះរបស់អ្នកតែប៉ុណ្ណោះ » ។
សេចក្តីយោងបទគម្ពីរ ម៉ូសាយ ២:៤១	ឃ្លាបទគម្ពីរគន្លឹះ « អស់អ្នកណាដែលកាន់តាមព្រះបញ្ញត្តិទាំងឡាយនៃព្រះ … ពួកគេបានពរគ្រប់យ៉ាង » ។
សេចក្តីយោងបទគម្ពីរ ម៉ូសាយ ៣:១៩	ឃ្លាបទគម្ពីរគន្លឹះ « [ សម្រាត ] ភាពខាងសាច់ឈាមចេញ ហើយ [ ក្លាយ ] ទៅជាអ្នកបរិសុទ្ធវិញ តាមរយៈដង្វាយធួននៃព្រះគ្រីស្ទដ៏ជាព្រះអម្ចាស់ » ។
សេចក្តីយោងបទគម្ពីរ ម៉ូសាយ ៤:៩	ឃ្លាបទគម្ពីរគន្លឹះ « សូមជឿដល់ព្រះចុះ … សូមជឿថា ទ្រង់មានគ្រប់ប្រាជ្ញា » ។
សេចក្តីយោងបទគម្ពីរ ម៉ូសាយ ១៨:៨–១០	ឃ្លាបទគម្ពីរគន្លឹះ ចូរ « ទទួលបុណ្យជ្រមុជទឹកដោយនូវព្រះនាមនៃព្រះអម្ចាស់ ដើម្បីធ្វើជាសាក្សី … ថាអ្នករាល់គ្នាបានចូលក្នុងសេចក្ដីសញ្ញាជាមួយនឹងទ្រង់ » ។

តើវគ្គបទគម្ពីរមួយណាដែលអ្នកយល់ថា អ្នកយល់ច្បាស់លាស់បំផុត ?
តើបទពិសោធន៍អ្វីខ្លះដែលបានជួយអ្នកឲ្យយល់ពីសេចក្តីពិតនៃវគ្គបទគម្ពីរនោះ ?

ប្រសិនបើសិស្សបានបំពេញការរៀបចំសិស្សសម្រាប់មេរៀននេះហើយ សូមពិចារណាអញ្ជើញពួកគេឲ្យចែកចាយថា តើវគ្គបទគម្ពីរណាដែលមានអត្ថន័យចំពោះពួកគេ ហើយហេតុអ្វី ។ សូមពិចារណាប្រើការពិភាក្សានេះ ដើម្បីជួយសិស្សវាយតម្លៃថាតើពួកគេយល់ច្បាស់ប៉ុនណា ហើយប្រសិនបើមានវគ្គបទគម្ពីរណាដែលពួកគេចង់យល់កាន់តែច្បាស់ជាងនេះ ។

សូមជ្រើសរើសយ៉ាងហោចណាស់វគ្គបទគម្ពីរចំណេះចំណានខាងគោលលទ្ធិព្រះគម្ពីរមរមនមួយ ដែលអ្នកចង់យល់ឲ្យកាន់តែច្បាស់ ហើយបំពេញសកម្មភាពមួយក្នុងចំណោមសកម្មភាពខាងក្រោម ដើម្បីជួយអ្នកឲ្យយល់កាន់តែស៊ីជម្រៅអំពីគោលលទ្ធិដែលវាបង្រៀន ។ ប្រសិនបើអ្នកចប់លឿន សូមជ្រើសរើសវគ្គចំណេះចំណានខាងគោលលទ្ធិផ្សេងទៀត ហើយបំពេញសកម្មភាពផ្សេងទៀត ។

សូមពិចារណាបង្ហាញជម្រើសខាងក្រោមសម្រាប់សិស្សនៅពេលពួកគេសិក្សា ។ អ្នកក៏អាចពិចារណាយកវត្ថុផ្សេងៗមកថ្នាក់ដើម្បីឲ្យសិស្សប្រើសម្រាប់ជម្រើស « ការធ្វើការប្រៀបធៀប » ។ សិស្សក៏អាចមានភាពច្នៃប្រឌិត និងប្រើប្រាស់ធនធានបន្ថែមនៅក្នុងថ្នាក់រៀន ដើម្បីធ្វើការប្រៀបធៀបផងដែរ ។

សកម្មភាព ក ៖ ការមើលផ្ទាល់ភ្នែក

សូមបង្កើតរូបគំនូរ ការផ្គុំរូប រូបភាពបែបកំប្លែង សិល្បៈសព្ទ បណ្ដុំពាក្យ ឬរូបភាពតំណាងដែលអាចមើលឃើញផ្ទាល់ភ្នែកផ្សេងទៀត ដែលឆ្លុះបញ្ចាំងពីអ្វីដែលវគ្គបទគម្ពីររបស់អ្នកបង្រៀន ។

សូមចុចតំណភ្ជាប់នេះដើម្បីទទួលបានឧទាហរណ៍មួយចំនួន ៖

សកម្មភាព ខ ៖ ការចែកចាយជាមួយអ្នកដទៃ

សូមបង្កើតផែនការដើម្បីបង្រៀនវគ្គបទគម្ពីររបស់អ្នក ។ ការណ៍នេះអាចរួមបញ្ចូលសំណួរដែលអ្នកចង់សួរ ដើម្បីជួយសិស្សដែលអ្នកកំពុងបង្រៀនឲ្យយល់ពីវគ្គបទគម្ពីរនេះកាន់តែច្បាស់ ។ អ្នកក៏អាចពិចារណាបង្កើតវីដេអូដែលអ្នកឆ្លើយសំណួរដែលអ្នកបានបង្កើត ឬពន្យល់ពីអត្ថន័យនៃពាក្យ និងឃ្លាគន្លឹះ ។

សកម្មភាព គ ៖ ស្វ័យសិក្សា

សូមជ្រើសរើសពាក្យគន្លឹះមួយ ឬពីរពីវគ្គបទគម្ពីរនោះដើម្បីសិក្សា ។ សូមប្រើជំនួយការសិក្សាក្នុងព្រះគម្ពីររបស់អ្នក កម្មវិធីបណ្ណាល័យដំណឹងល្អ ឬប្រភពដែលបានតែងតាំងដោយព្រះផ្សេងទៀត ដើម្បីស្វែងយល់និយមន័យ បទគម្ពីរយោងដែលមាន ឬសេចក្តីថ្លែងការណ៍ដោយថ្នាក់ដឹកនាំសាសនាចក្រដែលធ្វើឲ្យការយល់ដឹងរបស់អ្នកកាន់តែស៊ីជម្រៅ ។ សូមកត់ត្រានូវអ្វីដែលអ្នកបានរៀន រួមទាំងអ្វីដែលរឿងទាំងនេះបង្រៀនអ្នកអំពីព្រះវរបិតាសួគ៌ និងព្រះយេស៊ូវគ្រីស្ទ ។

សកម្មភាព ឃ ៖ ការធ្វើការប្រៀបធៀប

សូមកំណត់ថាយកវត្ថុជាក់ស្តែង ឬបង្កើតវត្ថុស្រដៀងគ្នាដែលអាចតំណាងឲ្យវគ្គបទគម្ពីរ ឬពាក្យ និងឃ្លាពីវគ្គបទគម្ពីរនេះ ។ ឧទាហរណ៍ ៖ សម្រាប់ នីហ្វៃទី២ ២:២៧ អ្នកអាចកាន់សោនៅដៃម្ខាងដើម្បីបង្ហាញថាយើង « យើងមានសិទ្ធិនឹងរើសយកឥស្សរភាព និងជីវិតដ៏នៅអស់កល្បជានិច្ច » និងកូនសោមួយនៅដៃម្ខាងទៀត ដើម្បីតំណាងឲ្យ « ការជាប់ឃុំឃាំង និងការស្លាប់ » ។

បន្ទាប់ពីសិស្សមានពេលគ្រប់គ្រាន់ធ្វើសកម្មភាពសិក្សានេះហើយ សូមអញ្ជើញអ្នកស្ម័គ្រចិត្តឲ្យចែកចាយអ្វីមួយពីសកម្មភាពដែលពួកគេជ្រើសរើស ។ ពួកគេអាចចែកចាយពីរូបភាពសិល្បៈរបស់ពួកគេ សំណួរដែលពួកគេមាន ការយល់ដឹងដែលពួកគេទទួលបានពីការសិក្សារបស់ពួកគេ ឬវត្ថុដែលពួកគេប្រើសម្រាប់ការប្រៀបធៀប ។

ការចែកចាយនេះអាចធ្វើឡើងជាក្រុមតូចៗ ក្នុងថ្នាក់ទាំងមូល ឬទាំងពីរ ។ ជាផ្នែកនៃការពិភាក្សានេះ សិស្សអាចឆ្លើយសំណួរខាងក្រោមសម្រាប់ខគម្ពីរមួយ ឬច្រើនដែលពួកគេបានជ្រើសរើស ។

ហេតុអ្វីអ្នកគិតថា វាសំខាន់សម្រាប់អ្នកក្នុងការយល់ពីវគ្គបទគម្ពីរដែលអ្នកបានជ្រើសរើស ?
តើការយល់ពីវគ្គបទគម្ពីរនេះអាចជួយអ្នកបង្កើនសេចក្ដីជំនឿរបស់អ្នកលើព្រះយេស៊ូវគ្រីស្ទ ឬប្រែក្លាយកាន់តែដូចទ្រង់យ៉ាងដូចម្ដេច ?