ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

បុព្វកថានៃព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា

« បុព្វកថានៃព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា »ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« បុព្វកថា »ព្រះគម្ពីរមរមន សៀវភៅសិក្សាសម្រាប់គ្រូបង្រៀន

បុព្វកថាព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា

គោលបំណងនៃថ្នាក់សិក្ខាសាលា និងថ្នាក់វិទ្យាស្ថានសាសនា គឺដើម្បីជួយយុវវ័យ និងយុវមជ្ឈិមវ័យឲ្យពង្រឹងការប្រែចិត្តជឿរបស់ពួកគេទៅលើព្រះយេស៊ូវគ្រីស្ទ និងដំណឹងល្អដែលបានស្ដារឡើងវិញរបស់ទ្រង់ ដើម្បីមានភាពស័ក្តិសមទទួលពរជ័យទាំងឡាយនៃព្រះវិហារបរិសុទ្ធ និងរៀបចំខ្លួនពួកគេ ក្រុមគ្រួសាររបស់ពួកគេ និងអ្នកដទៃទៀតដើម្បីទទួលបានជីវិតដ៏នៅអស់កល្បជានិច្ចជាមួយនឹងព្រះវរបិតារបស់ពួកគេដែលគង់នៅស្ថានសួគ៌ ។

មេរៀននេះ និងធនធានផ្សេងទៀតនៅក្នុងសៀវភៅសិក្សានេះ ត្រូវបានរៀបចំឡើងដើម្បីជួយអ្នកឲ្យសម្រេចបាននូវគោលបំណងនេះ ។ វាអាចជួយអ្នកឲ្យផ្តោតទៅលើព្រះវរបិតាសួគ៌ និងព្រះយេស៊ូវគ្រីស្ទ ហើយប្រើគោលការណ៍នៃការបង្រៀនដូចជាព្រះគ្រីស្ទ ។

ឧបករណ៍ទាំងឡាយដែលជួយអ្នកឲ្យរៀបចំខ្លួនបង្រៀន

ព្រះគម្ពីរ

មេរៀនមាននៅក្នុងសៀវភៅសិក្សានេះត្រូវការគ្រូបង្រៀនដែលមានការបំផុសគំនិតជាអ្នកដែលសិក្សាព្រះគម្ពីរជាទៀងទាត់ ហើយស្វែងរកភាពជាដៃគូនៃព្រះវិញ្ញាណបរិសុទ្ធ ។ ការសិក្សាបណ្តុំបទគម្ពីរស្របជាមួយនឹងសៀវភៅចូរមកតាមខ្ញុំ គឺជាវិធីដ៏សំខាន់មួយដើម្បីរៀបចំបង្រៀនសិស្ស ។ នៅពេលអ្នកសិក្សាព្រះគម្ពីរជាទៀងទាត់អ្នកអាចមានទំនុកចិត្តថា ព្រះវរបិតាសួគ៌នឹងបំផុសគំនិតអ្នកតាមរយៈព្រះវិញ្ញាណរបស់ទ្រង់ អំពីរបៀបបត់បែនឯកសារទាំងនេះដើម្បីបំពេញតម្រូវការសិស្សរបស់អ្នក ។

ទិដ្ឋភាពទូទៅប្រចាំសប្តាហ៍

សៀវភៅសិក្សានេះ ត្រូវបានរៀបចំឡើងស្របតាមតាមបណ្តុំបទគម្ពីរប្រចាំសប្តាហ៍នៃសៀវភៅចូរមកតាមខ្ញុំ ។ សម្រាប់បណ្តុំបទគម្ពីរប្រចាំសប្តាហ៍នីមួយៗ សៀវភៅសិក្សានេះផ្តល់នូវទិដ្ឋភាពទូទៅប្រចាំសប្តាហ៍អមដោយមេរៀនចំនួនប្រាំ ។ ទិដ្ឋភាពទូទៅប្រចាំសប្តាហ៍ផ្តល់ព័ត៌មានមេរៀន-ជាក់លាក់ដើម្បីជួយអ្នកត្រៀមខ្លួនបង្រៀនរួមមាន ៖

គោលបំណងមេរៀន
គំនិតនៃការរៀបចំសិស្ស
បញ្ជីនៃមេរៀនដែលមានប្រើវត្ថុ សំណៅចែក រូបភាព វីដេអូ ឬសម្ភារផ្សេងៗទៀតដែលប្រហែលជាត្រូវរៀបចំទុកជាមុន
យោបល់សម្រាប់ការបង្រៀនតាមសន្និសីទវីដេអូ ( ប្រសិនបើការចូលប្រើមាតិកាតាមរយៈកម្មវិធីបណ្ណាល័យដំណឹងល្អ ឬបណ្ណាល័យដំណឹងល្អនៅលើអនឡាញ នៅលើគេហទំព័រ ChurchofJesusChrist.org )

ការពិនិត្យឡើងវិញនូវទិដ្ឋភាពទូទៅប្រចាំសប្តាហ៍នៅដើមសប្តាហ៍នីមួយៗ អាចជួយអ្នកក្នុងការសម្រេចចិត្តថាតើមេរៀនណាដែលត្រូវបង្រៀន និងសម្ភារអ្វីខ្លះដែលត្រូវប្រមូល ឬរៀបចំទុកជាមុន ។

សូមស្វែងរកទិដ្ឋភាពទូទៅប្រចាំសប្តាហ៍សម្រាប់មេរៀនសប្តាហ៍ក្រោយដែលអ្នកនឹងបង្រៀន ។ តើអ្នករកឃើញព័ត៌មានអ្វីខ្លះនៅទីនេះដែលមានប្រយោជន៍សម្រាប់អ្នកដើម្បីដឹងទុកជាមុន ? តើអ្នកអាចប្រើព័ត៌មាននេះដោយរបៀបណានៅពេលអ្នករៀបចំខ្លួនបង្រៀន ?

គន្លឹះក្នុងការបង្រៀន

គន្លឹះក្នុងការបង្រៀនពន្យល់ពីការអនុវត្តការបង្រៀន និងគោលការណ៍ណែនាំ ដែលអាចជួយអ្នកឲ្យអភិវឌ្ឍក្នុងនាមជាគ្រូបង្រៀន ។ មេរៀននីមួយៗមានគន្លឹះក្នុងការបង្រៀនដែលមានបន្ទាប់ពីសេចក្ដីណែនាំពីមេរៀននោះ ។ អ្នកអាចស្វែងរកការអនុវត្តការបង្រៀន និងគោលការណ៍បន្ថែមនៅក្នុងបណ្ណាល័យនៃជំនាញការអភិវឌ្ឍគ្រូបង្រៀនដែលមាននៅលើគេហទំព័រ ChurchofJesusChrist.org. នៅពេលអ្នកមានអារម្មណ៍ថាត្រៀមខ្លួនរួចរាល់ហើយនោះ សូមព្យាយាមអនុវត្តគន្លឹះទាំងនេះនៅពេលអ្នកបង្រៀន ។ អ្នកនឹងសង្កេតឃើញសមត្ថភាពបង្រៀនរបស់អ្នកមានភាពប្រសើរឡើង ។

សូមពិនិត្យមើលគន្លឹះក្នុងការបង្រៀននៅក្នុងមេរៀនបន្ទាប់ដែលអ្នកនឹងបង្រៀន ។ តើអ្នកអាចព្យាយាមអនុវត្តតាមយោបល់នេះនៅក្នុងមេរៀននេះដោយរបៀបណា ?

សេចក្ដីណែនាំអំពីការបង្រៀន

សេចក្ដីណែនាំអំពីការបង្រៀន ត្រូវបានរៀបចំឡើងដើម្បីជួយអ្នករៀបចំខ្លួនបង្រៀន ។ សេចក្តីណែនាំទាំងនេះ អាចជួយអ្នកឲ្យចេះប្រើសកម្មភាពរៀនសូត្រដែលបានស្នើនៅក្នុងមេរៀន ។ សេចក្ដីណែនាំទាំងនេះអាចពន្យល់ពីគោលបំណងនៃសកម្មភាពមេរៀន ឬផ្តល់យោបល់អំពីរបៀបបត់បែនមាតិកាមេរៀនដើម្បីបំពេញតាមតម្រូវការរបស់សិស្សឲ្យកាន់តែប្រសើរឡើង ។ យោបល់ទាំងនេះអាចរួមបញ្ចូលវិធីសាស្រ្តផ្សេងៗសំណួរ ឬសកម្មភាពដែលជួយអ្នកឲ្យកែសម្រួលមាតិកា និងសកម្មភាពតាមការចាំបាច់ ។

សូមពិនិត្យឡើងវិញនូវសេចក្ដីណែនាំអំពីការបង្រៀនមួយចំនួននៅក្នុងមេរៀនដែលអ្នកនឹងបង្រៀនក្នុងពេលឆាប់ៗនេះ ។ តើការបត់បែនអ្វីខ្លះដែលអ្នកបានធ្វើដោយផ្អែកលើសេចក្ដីណែនាំអំពីការបង្រៀនដែលអ្នករកឃើញ ?

ការរៀបចំសិស្ស

រាល់មេរៀននីមួយៗរួមមានយោបល់សម្រាប់ការជួយសិស្សឲ្យរៀបចំគំនិតនិងដួងចិត្តរបស់ពួកគេសម្រាប់បទពិសោធន៍សិក្សា ។ ទិដ្ឋភាពទូទៅប្រចាំសប្តាហ៍នីមួយៗមានរាយបញ្ជីនៃគំនិតរៀបចំរបស់សិស្សសម្រាប់មេរៀនទាំងប្រាំក្នុងសប្តាហ៍នោះ ។ អ្នកអាចពិនិត្យមើលគំនិតទាំងនេះនៅដើមសប្តាហ៍ ហើយសម្រេចចិត្តប្រកបដោយការអធិស្ឋានថាតើគំនិតមួយណាដែលអាចជួយសិស្សរបស់អ្នកបានល្អបំផុត ។ អ្នកមិនចាំបាច់ប្រើគ្រប់យោបល់អំពីការរៀបចំរបស់សិស្សនោះទេ ។ អ្នកអាចបត់បែនវា ឬបង្កើតគំនិតផ្ទាល់ខ្លួនរបស់អ្នក ។ យោបល់ទាំងនេះត្រូវបានរៀបចំឡើងដើម្បីផ្តល់ឲ្យសិស្សនូវបទពិសោធន៍សិក្សាមួយថ្ងៃមុន ឬច្រើនជាងនេះ ។

សូមពិនិត្យមើលផ្នែករៀបចំសិស្សនៅក្នុងមេរៀនបន្ទាប់របស់អ្នក ហើយពិចារណាថាតើអ្នកនឹងប្រើវា បត់បែនវា ឬមិនប្រើការរៀបចំសិស្សដែលបានផ្តល់ជាយោបល់នោះទេ ។ ប្រសិនបើអ្នកសម្រេចចិត្តអញ្ជើញសិស្សរបស់អ្នកឲ្យរៀបចំតើអ្នកនឹងចែកចាយគំនិតរៀបចំនេះជាមួយពួកគេដោយរបៀបណា ? អ្នកអាចចែកចាយវាដោយផ្ទាល់មាត់ ឬបង្ហាញវានៅចុងបញ្ចប់នៃមេរៀនមុន ឬផ្ញើវាតាមរយៈអ៊ីមែល ឬកម្មវិធីផ្ញើសារប្រសិនបើសមរម្យ ។

សកម្មភាពរៀនសូត្រដែលអាចមាន

មេរៀនផ្នែកនេះរួមបញ្ចូលទាំងរបៀបដែលអ្នកអាចទទួលបានបទពិសោធន៍នៃការរៀនសូត្រ ។ អ្នកមិនតម្រូវឲ្យប្រើសកម្មភាពការរៀនសូត្រដែលបានផ្តល់ជូននេះទាំងអស់ នៅក្នុងមេរៀនដែលអ្នកបង្រៀននោះទេ ។ ដើម្បីឲ្យសិស្សរបស់អ្នកមានបទពិសោធន៍ល្អបំផុតដែលអាចធ្វើទៅបានអ្នកគួរតែប្រើមាតិកានៅក្នុងផ្នែកនេះធ្វើជាការណែនាំជាជាងជាអត្ថបទ ។ ប្រសិនបើអ្នកទើបតែចាប់ផ្តើមធ្វើជាគ្រូបង្រៀនថ្នាក់សិក្ខាសាលា វាអាចជាការល្អបំផុតក្នុងការចាប់ផ្តើមដោយធ្វើតាមសកម្មភាពការរៀនសូត្រដែលបានផ្តល់ជូនឲ្យបានដិតដល់ ។ នៅពេលអ្នកអភិវឌ្ឍក្នុងនាមជាគ្រូបង្រៀន នោះអ្នកនឹងដុសខាត់សមត្ថភាពរបស់អ្នកក្នុងការបត់បែនមាតិកានៃសៀវភៅសិក្សានេះ ដើម្បីបំពេញតាមតម្រូវការរបស់សិស្សរបស់អ្នកឲ្យបានល្អបំផុត ។

វិចារណកថា និងព័ត៌មានសាច់រឿង

មេរៀនភាគច្រើនមានផ្នែក « វិចារណកថា និងព័ត៌មានសាច់រឿង » នៅចុងបញ្ចប់នៃមេរៀននោះ ។ ផ្នែកនេះរួមបញ្ចូលព័ត៌មានបន្ថែម ដែលអាចជួយឲ្យការរៀនសូត្រកាន់តែមានភាពស៊ីជម្រៅ ។ អ្នកអាចរកឃើញចម្លើយចំពោះសំណួរដែលសិស្សសួរ ឬស្វែងរកសេចក្តីថ្លែងការណ៍ដោយថ្នាក់ដឹកនាំសាសនាចក្រ ដែលអ្នកប្រហែលជាចង់បញ្ចូលក្នុងមេរៀន ។ ផ្នែកនេះអាចប្រើបានលុះត្រាតែអ្នកចូលប្រើសៀវភៅសិក្សាសម្រាប់គ្រូបង្រៀន តាមរយៈកម្មវិធីបណ្ណាល័យដំណឹងល្អ ឬបណ្ណាល័យដំណឹងល្អអនឡាញនៅលើគេហទំព័រ ChurchofJesusChrist.org ។ ព័ត៌មានភាគច្រើននៅក្នុងផ្នែកនេះ ក៏ត្រូវបានរួមបញ្ចូលនៅក្នុងកម្មវិធីសិក្សាថ្នាក់សិក្ខាសាលាតាមអនឡាញ និងនៅក្នុងសៀវភៅសិក្សាសម្រាប់សិស្សផងដែរ ( ក្រោមចំណងជើង« ជម្រើស ៖តើចង់រៀនសូត្របន្ថែមទៀតទេ ? » ) ប្រសិនបើចូលប្រើតាមរយៈកម្មវិធីបណ្ណាល័យដំណឹងល្អ ឬបណ្ណាល័យដំណឹងល្អតាមអនឡាញ ។ « វិចារណកថា និងព័ត៌មានសាច់រឿង »មិនត្រូវបានរួមបញ្ចូលនៅក្នុងកំណែ PDF របស់សៀវភៅសិក្សាសម្រាប់គ្រូបង្រៀន ឬសិស្សនោះទេ ។

សូមមើលថាតើមេរៀនដែលអ្នកបង្រៀនបន្ទាប់រួមមាន « វិចារណកថា និងព័ត៌មានសាច់រឿង »ដែរឬទេ ។ តើមានសំណួរចម្លើយ ឬសេចក្តីថ្លែងការណ៍ណាមួយដោយថ្នាក់ដឹកនាំសាសនាចក្រ ដែលអាចមានប្រយោជន៍ក្នុងការចែកចាយជាមួយសិស្សរបស់អ្នកដែរឬទេ ?

សកម្មភាពរៀនសូត្របន្ថែម

ផ្នែកនេះក៏មានដាក់បញ្ចូលនៅចុងបញ្ចប់នៃមេរៀន ដែលមានគំនិតបន្ថែមសម្រាប់ការទទួលបានបទពិសោធន៍នៃការរៀនសូត្រផងដែរ ។ សកម្មភាពរៀនសូត្របន្ថែមត្រូវបានរួមបញ្ចូលនៅក្នុងសៀវភៅសិក្សាសម្រាប់គ្រូបង្រៀនតែប៉ុណ្ណោះ ប្រសិនបើអ្នកកំពុងចូលប្រើវាតាមរយៈកម្មវិធីបណ្ណាល័យដំណឹងល្អ ឬបណ្ណាល័យដំណឹងល្អតាមអនឡាញនៅលើគេហទំព័រ ChurchofJesusChrist.org ។ ផ្នែកនេះមិនបានដាក់បញ្ចូលនៅក្នុងកំណែ PDF នៃសៀវភៅសិក្សាសម្រាប់គ្រូបង្រៀន ឬនៅក្នុងសៀវភៅសិក្សាសម្រាប់សិស្សទេ ។

ប្រសិនបើមេរៀនបន្ទាប់របស់អ្នករួមបញ្ចូលផ្នែក« សកម្មភាពរៀនសូត្របន្ថែម »សូមពិនិត្យមើលសកម្មភាពទាំងនេះ ។ តើមានអ្វីខ្លះដែលអ្នកគិតថានឹងមានប្រយោជន៍ដើម្បីប្រើជាមួយសិស្សរបស់អ្នកបន្ថែមពីលើ ឬជំនួសសកម្មភាពរៀនសូត្រដែលមានក្នុងមេរៀនគោលនេះ ?

ចំណេះចំណានខាងគោលលទ្ធិ

អាទិភាពសំខាន់មួយសម្រាប់អ្នកក្នុងនាមជាគ្រូបង្រៀន គឺដើម្បីជួយសិស្សឲ្យសម្រេចបានលទ្ធផលនៃចំណេះចំណានខាងគោលលទ្ធិ ។ លទ្ធផលទាំងនេះរួមមានការជួយសិស្សឲ្យ ៖

រៀន និងអនុវត្តគោលការណ៍ដ៏ទេវភាពទាំងឡាយដើម្បីទទួលបានចំណេះដឹងខាងវិញ្ញាណ ។
ចេះស្ទាត់វគ្គបទគម្ពីរទាំងឡាយដែលបានជ្រើសរើស និងគោលលទ្ធិនៃដំណឹងល្អរបស់ព្រះយេស៊ូវគ្រីស្ទដែលវាបង្រៀន ។

ការចេះស្ទាត់វគ្គបទគម្ពីរដែលបានជ្រើសរើស និងគោលលទ្ធិនៃដំណឹងល្អរបស់ព្រះយេស៊ូវគ្រីស្ទដែលវគ្គបទគម្ពីរទាំងនេះបង្រៀនមានន័យថាសិស្សនឹង ៖

ស្គាល់ហើយយល់គោលលទ្ធិដែលបានបង្រៀននៅក្នុងវគ្គបទគម្ពីរចំណេះចំណានខាងគោលលទ្ធិទាំងនេះ ។
ពន្យល់គោលលទ្ធិយ៉ាងច្បាស់ ដោយប្រើវគ្គបទគម្ពីរចំណេះចំណានខាងគោលលទ្ធិដែលពាក់ព័ន្ធ ។
អនុវត្តតាមគោលលទ្ធិនៃដំណឹងល្អនៃព្រះយេស៊ូវគ្រីស្ទ និងគោលការណ៍ទាំងឡាយនៃការទទួលបានចំណេះដឹងខាងវិញ្ញាណនៅក្នុងការជ្រើសរើសប្រចាំថ្ងៃរបស់ពួកគេ និងក្នុងការឆ្លើយតបចំពោះសំណួរ និងបញ្ហាផ្ទាល់ខ្លួនរបស់ពួកគេខាងគោលលទ្ធិ ខាងសង្គម និងខាងប្រវត្តិសាស្ត្រនានា និងសំណួរនានា ។
ចងចាំហើយដឹងពីទីតាំងវគ្គបទគម្ពីរចំណេះចំណានខាងគោលលទ្ធិ ហើយទន្ទេញចាំឃ្លាបទគម្ពីរគន្លឹះទាំងឡាយ ។

ការណ៍នេះប្រហែលជាអាចមានអារម្មណ៍លើសលប់នៅពេលដំបូង ប៉ុន្តែអ្នកអាចមានទំនុកចិត្តថាសៀវភៅសិក្សានេះនឹងជួយអ្នក ដើម្បីជួយសិស្សរបស់អ្នកឲ្យសម្រេចបាននូវចំណេះចំណានខាងគោលលទ្ធិ ។ នៅរាល់មេរៀនចំនួនប្រាំក្នុងសៀវភៅសិក្សានេះ អ្នកនឹងឃើញមេរៀនមួយដែលជួយសិស្សឲ្យសម្រេចបានលទ្ធផលទាំងនេះ ។ មេរៀនទាំងនេះគឺជាមេរៀនវគ្គបទគម្ពីរចំណេះចំណានខាងគោលលទ្ធិ ឬមេរៀនរំឭកឡើងវិញនូវចំណេះចំណានខាងគោលលទ្ធិ ។

មេរៀនវគ្គបទគម្ពីរចំណេះចំណានខាងគោលលទ្ធិ

មេរៀនវគ្គបទគម្ពីរចំណេះចំណានខាងគោលលទ្ធិ និងមេរៀនបរិបទដែលមានមុនមេរៀននីមួយៗគួរត្រូវបានចាត់ទុកថាជាមេរៀនដែលចាំបាច់ ។ មេរៀនវគ្គបទគម្ពីរចំណេះចំណានខាងគោលលទ្ធិនីមួយៗ គួរតែត្រូវបានបង្រៀនអំឡុងឆ្នាំសិក្សា រួមទាំងមេរៀនដែលបានខកខាននៅពេលថ្នាក់សិក្ខាសាលាមិននៅក្នុងម៉ោងសិក្សា ។ មេរៀនចាំបាច់ទាំងនេះរួមមាន ៖

ការទទួលបានចំណេះដឹងខាងវិញ្ញាណផ្នែក ១,២ ,៣ និង ៤ ។
មេរៀនបរិបទមុនមេរៀនវគ្គបទគម្ពីរចំណេះចំណានខាងគោលលទ្ធិនីមួយៗទាំង ២៤ មេរៀន ។
មេរៀនវគ្គបទគម្ពីរចំណេះចំណានខាងគោលលទ្ធិចំនួន ២៤ ( ឧទាហរណ៍ ចំណេះចំណានខាងគោលលទ្ធិ ៖ នីហ្វៃ ទី១ ៣:៧ » ឬ « ចំណេះចំណានខាងគោលលទ្ធិ ៖ នីហ្វៃ ទី២ ២:២៥ » ) ។

មេរៀនវគ្គបទគម្ពីរចំណេះចំណានខាងគោលលទ្ធិជួយសិស្សឲ្យ ៖

ទន្ទេញសេចក្ដីយោងបទគម្ពីរ និងឃ្លាបទគម្ពីរគន្លឹះ ។
ពន្យល់គោលលទ្ធិ ។
រៀនអនុវត្តតាមគោលការណ៍នៃការទទួលបានចំណេះដឹងខាងវិញ្ញាណ និងគោលលទ្ធិដែលបានបង្រៀននៅក្នុងវគ្គបទគម្ពីរនេះ ។

ការរំឭកមេរៀនចំណេះចំណានខាងគោលលទ្ធិ

មេរៀនរំឭកចំណេះចំណានខាងគោលលទ្ធិផ្ដល់ឱកាសដើម្បីរំឭកឡើងវិញ ( ឬក្នុងករណីខ្លះត្រូវបានណែនាំទៅកាន់ ) វគ្គចំណេះចំណានខាងគោលលទ្ធិមួយចំនួន និងដើម្បីធ្វើកិច្ចការឆ្ពោះទៅរកលទ្ធផលនៃចំណេះចំណានខាងគោលលទ្ធិ ។ ការរំឭកមេរៀនចំណេះចំណានខាងគោលលទ្ធិគឺអាចជ្រើសរើសបាន ។ ប្រសិនបើសិស្សខកខានមេរៀនវគ្គបទគម្ពីរចំណេះចំណានខាងគោលលទ្ធិដោយសារថ្នាក់ពុំមានម៉ោងនៅក្នុងវគ្គសិក្សា នោះអ្នកអាចបង្រៀនមេរៀនដែលខកខាននេះជំនួសឲ្យមេរៀនរំឭកឡើងវិញនៃចំណេះចំណានខាងគោលលទ្ធិ ។

ការជួយសិស្សឲ្យវាយតម្លៃការរៀនសូត្ររបស់ពួកគេ

ការវាយតម្លៃគឺជាផ្នែកសំខាន់នៃការរៀនសូត្រ ។ ឱកាសដើម្បីសម្រាក និងពិចារណាពីការរៀនសូត្រអាចជាបទពិសោធន៍វិជ្ជមានសម្រាប់សិស្ស និងជំរុញពួកគេក្នុងការបន្តរីកចម្រើន និងអភិវឌ្ឍឆ្ពោះទៅការក្លាយកាន់តែដូចជាព្រះវរបិតាសួគ៌និងព្រះយេស៊ូវគ្រីស្ទ ។ អែលឌើរ ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់បានផ្តល់ការទូន្មានយ៉ាងឈ្លាសវៃនេះ សម្រាប់គ្រូបង្រៀន ៖

« ចាំថាសិស្សពុំមែនជាថូមួយដើម្បីចាក់បំពេញទេ តែសិស្សគឺជាភ្លើងដែលត្រូវដុតឲ្យឆេះសន្ធោរសន្ធៅ »

( « Angels and Astonishment » [ ការចាក់ផ្សាយការបំពាក់បំប៉នប្រព័ន្ធអប់រំសាសនាចក្រ ថ្ងៃទី ១២ ខែ មិថុនា ឆ្នាំ ២០១៩ ]broadcasts.ChurchofJesusChrist.org ) ។

ការផ្តល់ឲ្យសិស្សនូវឱកាសដើម្បីវាយតម្លៃការរៀនសូត្ររបស់ពួកគេ គឺជាវិធីមួយដើម្បីអនុវត្តតាមការទូន្មានរបស់អែលឌើរហូឡិន ។ តាមរយៈការវាយតម្លៃការរៀនសូត្ររបស់ពួកគេ សិស្សក្លាយជាអ្នកចូលរួមយ៉ាងសកម្មក្នុងដំណើរការសិក្សា និងទទួលខុសត្រូវបន្ថែមទៀតសម្រាប់ការរៀនសូត្ររបស់ពួកគេ ។ មានបទពិសោធន៍សិក្សាជាច្រើនដែលបានរួមបញ្ចូលនៅក្នុងកម្មវិធីសិក្សានេះ ដែលត្រូវបានរៀបចំឡើងដើម្បីផ្តល់ឲ្យសិស្សនូវឱកាសដើម្បីពិចារណាពីអ្វីដែលពួកគេកំពុងរៀន និងពីរបៀបដែលពួកគេកំពុងរីកចម្រើនក្នុងនាមជាសិស្សរបស់ព្រះយេស៊ូវគ្រីស្ទ ។

មេរៀន« វាយតម្លៃការរៀនសូត្ររបស់អ្នក »

សៀវភៅសិក្សានេះរួមបញ្ចូលមេរៀន « វាយតម្លៃការរៀនសូត្ររបស់អ្នក » មួយចំនួន ។ មេរៀនទាំងនេះផ្តល់ឲ្យសិស្សនូវឱកាសដើម្បីពន្យល់ពីគោលលទ្ធិគន្លឹះពីព្រះគម្ពីរមរមន ពិចារណាពីអាកប្បកិរិយា និងបំណងប្រាថ្នារបស់ពួកគេហើយចែកចាយការរីកចម្រើនរបស់ពួកគេក្នុងការអភិវឌ្ឍន៍អាកប្បកិរិយាដែលជួយពួកគេឲ្យក្លាយជាសិស្សរបស់ព្រះយេស៊ូវគ្រីស្ទ ដែលមានការលះបង់កាន់តែច្រើន ។ មេរៀនទាំងនេះអាចជួយសិស្សឲ្យមានអារម្មណ៍រីករាយ នៅពេលពួកគេស្គាល់ការរីកចម្រើនរបស់ពួកគេ និងស្វែងរកកត្តានានាដើម្បីរីកចម្រើនបន្ថែមសម្រាប់ពេលអនាគត ។

ការវាយតម្លៃការរៀនសូត្រពីមេរៀនរំឭកឡើងវិញ

នៅចុងបញ្ចប់នៃវគ្គសិក្សាពាក់កណ្តាលនីមួយៗ អ្នកនឹងផ្តល់ឲ្យសិស្សនូវការវាយតម្លៃការរៀនសូត្រ ដើម្បីជួយពួកគេវាយតម្លៃសមត្ថភាពរបស់ពួកគេក្នុងការសម្រេចបាននូវលទ្ធផលនៃចំណេះចំណានខាងគោលលទ្ធិ ។ ការវាយតម្លៃការរៀនសូត្រពីមេរៀន រំឭកឡើងវិញគួរតែត្រូវបានបង្រៀននៅក្នុងថ្នាក់រៀនមុនពេលចែកចាយការវាយតម្លៃនេះ ។ ការវាយតម្លៃការរៀនសូត្រពីមេរៀនរំឭកឡើងវិញនៅក្នុងឧបសម្ព័ន្ធនៃសៀវភៅសិក្សានេះ ។ មេរៀនទាំងនេះរួមមានសកម្មភាពរំឭកឡើងវិញ ដែលជួយសិស្សឲ្យរំឭកឡើងវិញនូវគោលលទ្ធិសេចក្ដីយោងបទគម្ពីរ និងឃ្លាបទគម្ពីរគន្លឹះនៃវគ្គបទគម្ពីរចំណេះចំណានខាងគោលលទ្ធិនីមួយៗ ដែលពួកគេបានសិក្សានៅពាក់កណ្តាលវគ្គសិក្សាទីមួយ ឬទីពីរនេះ ។ មេរៀនទាំងនេះជួយសិស្សឲ្យរំឭកឡើងវិញនូវគោលការណ៍នៃការទទួលបានចំណេះដឹងខាងវិញ្ញាណ ។

ការវាយតម្លៃលើការរៀនសូត្រ

ការវាយតម្លៃលើការរៀនសូត្រសម្រាប់វគ្គសិក្សាពាក់កណ្តាលទីមួយ និងទីពីរនេះផ្តោតលើចំណេះចំណានខាងគោលលទ្ធិ ហើយត្រូវបានរួមបញ្ចូលនៅក្នុងឧបសម្ព័ន្ធនៃសៀវភៅសិក្សានេះ ។ សិស្សអាចធ្វើការវាយតម្លៃក្នុងអំឡុងពេលសិក្សាក្នុងថ្នាក់ ហើយបន្ទាប់មកកែវាក្នុងថ្នាក់ដោយមានជំនួយពីគ្រូបង្រៀន និងមិត្តរួមថ្នាក់ផ្សេងទៀត ។ ដើម្បីទទួលបានក្រេឌីតសម្រាប់វគ្គសិក្សាថ្នាក់សិក្ខាសាលានេះ សិស្សនឹងត្រូវទទួលបានពិន្ទុ ៧៥% ឬខ្ពស់ជាងនេះលើការវាយតម្លៃលើការរៀនសូត្រនីមួយៗ ។ សិស្សអាចចូលធ្វើការវាយតម្លៃម្ដងហើយម្ដងទៀតបើសិនជាចាំបាច់ ។

គ្រូបង្រៀនថ្នាក់សិក្ខាសាលាតាមអនឡាញ

ប្រសិនបើអ្នកជាគ្រូបង្រៀនថ្នាក់សិក្ខាសាលាតាមអនឡាញ អ្នកអាចយល់ថាវាមានប្រយោជន៍ ក្នុងការរកព័ត៌មានមាតិកានៅក្នុងសៀវភៅសិក្សានៅពេលអ្នករៀបចំមេរៀននេះ ។ ទោះបីជាមេរៀននៅក្នុងសៀវភៅសិក្សានេះ និងមេរៀននៅក្នុងកម្មវិធីសិក្សាថ្នាក់សិក្ខាសាលាតាមអនឡាញរួមបញ្ចូលមាតិកាដូចគ្នាជាច្រើនក៏ដោយ សៀវភៅសិក្សាសម្រាប់គ្រូបង្រៀនថ្នាក់សិក្ខាសាលាក៏រួមបញ្ចូលការបង្រៀន និងសកម្មភាពរៀនសូត្របន្ថែមផងដែរ ។ ធនធានទាំងនេះអាចជួយអ្នកឆ្លើយសំណួររបស់សិស្ស បត់បែនមាតិកាកម្មវិធីសិក្សាតាមអនឡាញ និងរៀបចំខ្លួនសម្រាប់ថ្នាក់រៀនជំនួបផ្ទាល់ ( ទាំងដោយផ្ទាល់ ឬពីចម្ងាយ ) ។

បន្ថែមពីលើសៀវភៅសិក្សានេះ និងកម្មវិធីសិក្សាថ្នាក់សិក្ខាសាលាតាមអនឡាញ មានធនធានបន្ថែមដើម្បីជួយអ្នកក្នុងការបង្រៀនថ្នាក់សិក្ខាសាលាតាមអនឡាញ ។ គ្រប់កម្មវិធីសិក្សាថ្នាក់សិក្ខាសាលាតាមអនឡាញរាល់សប្តាហ៍ រួមមានទំព័រដែលមិនបានបោះពុម្ពផ្សាយសម្រាប់គ្រូបង្រៀន ដែលមានចំណងជើងថា« យោបល់សម្រាប់គ្រូបង្រៀនតាមអនឡាញ » ។ ទំព័រនេះរួមបញ្ចូលការផ្ដល់យោបល់ជាច្រើនដើម្បីជួយអ្នក ធ្វើឲ្យបទពិសោធន៍រៀនសូត្រតាមអនឡាញកាន់តែមានន័យសម្រាប់សិស្ស ។ យោបល់ទាំងនេះរួមមាន ៖

គន្លឹះបង្រៀនតាមអនឡាញ
គោលបំណងមេរៀន
គំនិតនៃការរៀបចំសិស្ស
យោបល់សម្រាប់ការបង្រៀនតាមសន្និសីទវីដេអូ
យោបល់សម្រាប់ការបត់បែនមាតិកាតាមអនឡាញ

អ្នកត្រូវបានលើកទឹកចិត្តឲ្យបត់បែនកម្មវិធីសិក្សាថ្នាក់សិក្ខាសាលាតាមអនឡាញ ដើម្បីបំពេញតាមតម្រូវការសិស្សរបស់អ្នក ។ រាល់ទំព័រនីមួយៗនៅក្នុងកម្មវិធីសិក្សាថ្នាក់សិក្ខាសាលាតាមអនឡាញអាចត្រូវកែសម្រួល និងផ្លាស់ប្តូរ ។ ការបត់បែនមួយចំនួនដែលអ្នកអាចធ្វើបានចំពោះកម្មវិធីសិក្សាអនឡាញអាចរួមមាន ៖

ការកែប្រែសកម្មភាពមេរៀនដើម្បីឲ្យកាន់តែពាក់ព័ន្ធ និងគួឲ្យចាប់អារម្មណ៍ដល់សិស្ស ។
ការលុបមាតិកាមួយចំនួនដែលអាចមានច្រើនពេក ឬពិបាកឲ្យសិស្សយល់ ។
ការជំនួសមាតិកាជាមួយនឹងការថតវីដេអូអំពីអ្នក ឬនរណាម្នាក់ផ្សេងទៀតដែលថ្លែងទីបន្ទាល់អំពីគោលការណ៍ ឬគោលលទ្ធិនៅក្នុងព្រះគម្ពីរ ឬចែកចាយបទពិសោធន៍ផ្ទាល់ខ្លួន ។
ការជំនួសសម្រង់ពាក្យសម្តីមួយជាមួយនឹងអ្វីដែលបានផ្តល់ឲ្យនាពេលថ្មីៗនេះ ឬដែលងាយស្រួលសម្រាប់សិស្សយល់ ។

គ្រូបង្រៀនថ្នាក់សិក្ខាសាលាតាមអនឡាញនឹងត្រូវកែសម្រួលលំដាប់នៃមេរៀនមួយចំនួន នៅក្នុងកម្មវិធីសិក្សាថ្នាក់សិក្ខាសាលាតាមអនឡាញ ដើម្បីធ្វើតាមការណែនាំនៃល្បឿនបង្រៀនក្នុងមូលដ្ឋាន ។

គ្រូបង្រៀនថ្នាក់សិក្ខាសាលាដែលសិក្សានៅផ្ទះ

ប្រសិនបើអ្នកជាគ្រូបង្រៀនថ្នាក់សិក្ខាសាលាដែលមានសិស្សសិក្សាខ្លួនឯងនៅផ្ទះ នោះសិស្សនឹងត្រូវមានច្បាប់ចម្លងនៃសៀវភៅសិក្សាសម្រាប់សិស្សថ្នាក់សិក្ខាសាលានេះ ឬអាចចូលប្រើវានៅលើកម្មវិធីបណ្ណាល័យដំណឹងល្អ ឬបណ្ណាល័យដំណឹងល្អតាមអនឡាញដែលមាននៅលើគេហទំព័រ ChurchofJesusChrist.org ។ អ្នកនឹងត្រូវទាក់ទងជាមួយសិស្សអំពីមេរៀនណាដែលពួកគេនឹងសិក្សាដោយខ្លួនឯង និងមេរៀនណាដែលអ្នកនឹងសិក្សាជាមួយគ្នាពីចម្ងាយ ឬដោយផ្ទាល់ ។ មេរៀននៅក្នុងសៀវភៅសិក្សាសម្រាប់សិស្សនេះទាក់ទងទៅនឹងមេរៀនដូចគ្នានៅក្នុងសៀវភៅសិក្សាសម្រាប់គ្រូ ។

នៅពេលសម្រេចចិត្តថាមេរៀនណាដែលត្រូវបង្រៀនក្នុងថ្នាក់ដោយជំនួបផ្ទាល់ សូមពិចារណាថា មេរៀនណានឹងមានប្រសិទ្ធភាពជាពិសេសនៅក្នុងមជ្ឈដ្ឋានជាក្រុម ។ អ្នកអាចផ្ដល់ការអញ្ជើញដល់សិស្សដែលនឹងជួយពួកគេរៀបចំខ្លួនដើម្បីរៀន ។ យោបល់អំពីការរៀបចំសិស្សដែលរួមបញ្ចូលនៅដើមមេរៀននីមួយៗ អាចផ្តល់ឲ្យអ្នកនូវគំនិតមួយចំនួនអំពីរបៀបធ្វើវា ។ នៅពេលអ្នករៀបចំផែនការបទពិសោធន៍រៀនសូត្រ សម្រាប់ថ្នាក់ជំនួបដោយផ្ទាល់សូមចំណាយពេលខ្លះនៅក្នុងថ្នាក់រំឭកឡើងវិញនូវឯកសារយោង និងឃ្លាបទគម្ពីរគន្លឹះនៃវគ្គចំណេះចំណានខាងគោលលទ្ធិដែលសិស្សទើបបានសិក្សានាពេលថ្មីៗនេះ ។

សិស្សគួរបំពេញកិច្ចការតាមលេខរៀងចេញពីសៀវភៅសិក្សាសម្រាប់សិស្ស ហើយបញ្ជូនវាមកកាន់អ្នកយ៉ាងហោចណាស់រៀងរាល់សប្តាហ៍ ។ សិស្សអាចបញ្ជូនកិច្ចការរបស់ពួកគេជាអេឡិចត្រូនិក ( តាមរយៈអ៊ីម៉ែល កម្មវិធីផ្ញើសារ ឬកម្មវិធីស្រដៀងគ្នានេះ ) ឬក្នុងសៀវភៅកំណត់ហេតុសិក្សា ។ ប្រសិនបើសិស្សកំពុងបញ្ជូនកិច្ចការរបស់ពួកគេនៅក្នុងសៀវភៅកំណត់ហេតុការសិក្សា នោះពួកគេគួរតែមានសៀវភៅកំណត់ហេតុការសិក្សាចំនួនពីរ ដើម្បីពួកគេអាចទុកមួយជាមួយអ្នក ប្រសិនបើវាចាំបាច់ ហើយបន្តធ្វើកិច្ចការលើសៀវភៅកំណត់ហេតុការសិក្សាមួយទៀត ដោយផ្លាស់ប្តូរសៀវភៅកំណត់ហេតុការសិក្សារាល់ពេលដែលអ្នកជួបគ្នា ។

នៅពេលអ្នកពិនិត្យមើលកិច្ចការរបស់សិស្ស សូមផ្តល់មតិកែលម្អជាក់លាក់ និងប្រកបដោយអត្ថន័យ ។ សូមស្វែងរកវិធីលើកទឹកចិត្តសិស្សរបស់អ្នក និងជួយពួកគេឲ្យរីកចម្រើនក្នុងរៀនសូត្ររបស់ពួកគេ ។ អ្នកក៏អាចជួយពួកគេដោយការស្វែងរកវិធីដើម្បីទាក់ទងជាមួយពួកគេពេញមួយសប្តាហ៍ផងដែរ ។ ឧទាហរណ៍ ប្រសិនបើអ្នកកំពុងសិក្សាមេរៀននៅក្នុងសៀវភៅសិក្សានេះ ខណៈពេលដែលសិស្សកំពុងបញ្ចប់មេរៀនដូចគ្នានៅផ្ទះ នោះអ្នកប្រហែលជាបានទទួលការបំផុសគំនិតឲ្យចែកចាយសំណួរ វីដេអូល្អៗ ឬធនធានផ្សេងទៀតពីសៀវភៅសិក្សានេះជាមួយសិស្ស តាមរយៈអ៊ីម៉ែលការផ្ញើសាជាក្រុម ឬវិធីផ្សេងទៀតនៃទំនាក់ទំនង ។ អ្នកក៏អាចផ្តល់ការរំឭក ឬការលើកទឹកចិត្តដល់សិស្សដើម្បីជួយបង្កើតសាមគ្គីភាពក្នុងថ្នាក់ និងជួយសិស្សឲ្យទទួលអារម្មណ៍នៃភាពជាចំណែកនៅពេលពួកគេសិក្សាដំណឹងល្អហើយរីកចម្រើនជាមួយគ្នា ។