Mosiah 1–3

Kinatibuk-ang Pagpasabot

Si Hari Benjamin usa ka lider kinsa mialagad sa Dios pinaagi sa pag-alagad sa iyang katawhan ug pagtudlo kanila sa pag-alagad sa usag usa. Siya mitudlo nga “kon kamo anaa sa pag-alagad sa inyong mga isigkatawo kamo anaa lamang sa pag-alagad sa inyong Dios” (Mosiah 2:17). Iyang gidapit ang iyang katawhan sa pagtinguha sa kalipay pinaagi sa matarong nga pagkinabuhi ug debosyon ngadto sa Dios. Giduaw siya sa usa ka anghel, ug gipaambit niya sa iyang katawhan ang pagpamatuod sa anghel kang Jesukristo, ang mga butang nga masinati sa Manluluwas, ug ang kamatuoran nga ang kaluwasan moabot lamang pinaagi sa ngalan ni Kristo.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Mosiah 2:1–18

Katuyoan sa leksiyon: Kini nga leksiyon gituyo aron matabangan ang mga estudyante nga mas makaalagad sa Dios pinaagi sa mas maayong pagserbisyo sa uban.

• Pagpangandam sa estudyante: Dapita ang mga estudyante sa pagpangita og ginagmay nga paagi sa pag-alagad sa laing tawo sa dili pa ang sunod nga leksiyon.

• Content nga ipakita: Ang pagsukod sa kaugalingon nga gikan sa sinugdanan sa leksiyon diha sa pisara

• Sugyot sa pagtudlo pinaagi sa videoconference: Alang sa pagsukod sa kaugalingon diin ang mga estudyante naghulagway sa ilang mga pagbati mahitungod sa mga kahigayonan sa pag-alagad, mahimo nimong ipakita ang mga puntos ug hangyoa ang mga estudyante sa paggrado sa ilang mga kaugalingon diha sa usa ka piraso nga papel.

Doktrinal nga Kahanas: Mosiah 2:17

Katuyoan sa leksiyon: Kini nga leksiyon makatabang sa mga estudyante sa pagsag-ulo sa tudling sa doktrinal nga kahanas ug sa mahinungdanon nga hugpong sa mga pulong sa kasulatan sa Mosiah 2:17, mapasabot ang doktrina, ug mabansay ang paggamit sa mga baroganan sa pag-angkon og espirituhanong kahibalo sa tinud-anay nga mga senaryo.

• Pagpangandam sa estudyante: Dapita ang mga estudyante sa pagtambong sa klase nga nakahunahuna og usa ka higayon nga sila adunay usa ka mahagiton nga kasinatian sa pagserbisyo o usa ka kahigayonan sa pagserbisyo apan dili gusto.

• Sugyot sa pagtudlo pinaagi sa videoconference: Alang sa bahin sa leksiyon diin ang mga estudyante magsulat sa ilang kaugalingong senaryo, ikonsiderar ang pagdapit kanila sa pagpaambit sa ilang mga senaryo sa chat. Kon makaayo sa mga estudyante ang pagtrabaho nga adunaʼy kapares, ibutang sila diha sa mga breakout room.

Mosiah 2:19–41

Katuyoan sa leksiyon: Kini nga leksiyon makatabang sa mga estudyante sa pagtinguha “sa bulahan ug sa malipayon nga kahimtang niadto nga naghupot sa mga sugo sa Dios” (Mosiah 2:41).

• Pagpangandam sa estudyante: Ang mga estudyante mahimong dapiton sa paghuman sa mosunod nga pamahayag ug mangandam sa paghisgot sa ilang tubag: “Ang tinuod ug malungtarong kalipay makit-an pinaagi sa …”

• Bidyo: “Count Your Blessings [Ipha ang Inyong Panalangin]” (4:59)

• Handout:“[Ang] Bulahan ug [ang] Malipayon nga Kahimtang Niadto nga Naghupot sa mga Sugo sa Dios”

• Sugyot sa pagtudlo pinaagi sa videoconference: Sa pagsugod sa leksiyon, mahimong mag-post ang mga estudyante sa chat sa nagkalain-laing mga panalangin nga gihatag sa Dios kanila. Makatabang kini sa mga estudyante nga makaila sa mga panalangin nga tingali wala nila mahunahunaan sa sinugdanan.

Doktrinal nga Kahanas: Mosiah 2:41

Katuyoan sa leksiyon: Kini nga leksiyon makatabang sa mga estudyante sa pagsag-ulo sa pakisayran sa doktrinal nga kahanas ug sa mahinungdanon nga hugpong sa mga pulong sa kasulatan sa Mosiah 2:41, mapasabot ang doktrina nga gitudlo niini nga tudling, ug magamit ang mga baroganan sa pag-angkon og espirituhanong kahibalo sa tinuod nga mga sitwasyon sa kinabuhi.

• Pagpangandam sa estudyante: Mahimong hangyoon ang mga estudyante sa pagpili og usa ka sugo nga ilang gipaningkamotan sa pagsunod, dayon paandama sa pagpaambit kon sa unsang paagi sila napanalanginan pinaagi sa paghupot sa sugo.

• Content nga ipakita: Ang pakisayran ug mahinungdanon nga hugpong sa mga pulong sa kasulatan sa Mosiah 2:41 diha sa pisara; ang senaryo gikan sa seksiyon sa “Pagbansay sa paggamit”

• Materyales alang sa mga estudyante: Papel ug butang nga magamit sa pagdrowing (Sa laing paagi, ang mga estudyante mahimong mokompleto sa kalihokan diha sa ilang journal sa pagtuon.)

• Sugyot sa pagtudlo pinaagi sa videoconference: Alang sa senaryo sa seksiyon diha sa “Pagbansay sa paggamit,” ikonsiderar ang paggrupo sa mga estudyante sa tulo ka mga breakout room, usa alang sa matag baroganan sa pag-angkon og espirituhanong kahibalo. Ang tigpamaba gikan sa matag grupo mahimong mopasabot sa bahin sa Mahinungdanon nga Dokumento sa Doktrinal nga Kahanas (2022) nga ilang ipaambit sa usa ka tawo diha sa senaryo.

Mosiah 3:1–17

Katuyoan sa leksiyon: Kini nga leksiyon makatabang sa mga estudyante nga makasabot sa kamahinungdanon sa kon unsay gibuhat ni Jesukristo aron sila maluwas.

• Pagpangandam sa estudyante: Mahimo nimong dapiton ang mga estudyante sa paghisgot uban sa usa ka sakop sa pamilya, higala, o lider sa Simbahan sa mga panalangin nga posible lamang tungod ni Jesukristo.

• Sugyot sa pagtudlo pinaagi sa videoconference: Human magtuon ug mamalandong ang mga estudyante sa Mosiah 3:5–10, ikonsiderar ang pagdapit kanila sa pag-post diha sa chat sa mga hugpong sa mga pulong sa kasulatan nga nakapadani kanila o sa mga pangutana nga aduna sila mahitungod sa mga bersikulo. Mahimo usab nimong dapiton ang mga estudyante sa pagrebyo sa mga komento diha sa chat ug magpili og mga hugpong sa mga pulong o mga pangutana nga hisgotan isip usa ka klase.