Toe Vakaiʻi Hono 8 ʻo e Fakataukei Fakatokāteliné

Ako Maʻuloto e Ngaahi Potufolofola mo e Ngaahi Kupuʻi Lea Mahuʻinga he Folofolá

ʻE lava ke tokoniʻi koe ʻi ha ngaahi founga lahi ʻi hono ako maʻuloto ʻo e ngaahi potufolofolá mo e meʻa ʻoku nau akoʻí. ʻOku fakataumuʻa ʻa e lēsoni ko ʻení ke tokoniʻi koe ke ke ako maʻuloto ha potufolofola mo e ngaahi kupuʻi lea fakafolofola mahuʻinga ʻe taha pe lahi ange mei he ʻuluaki potufolofola fakataukei fakatokāteline ʻe 12 ʻi he Tohi ʻa Molomoná.

Ko hono fakaʻaongaʻi ʻo e ngāue fakaʻātí mo e ngaahi ʻīmisi kehé. Ko e founga ʻe taha ke tokoniʻi ai e kau akó ke manatuʻi e ngaahi talanoa ʻo e ongoongoleleí, tokāteliné, mo e ngaahi tefitoʻi moʻoní ko hono fakaʻaongaʻi ʻo e ngaahi ʻīmisí, kau ai e ngāue fakaʻātí mo e ʻū fakatātaá. Fakaafeʻi e kau akó ke nau fakakaukau ki heʻenau ngaahi ongó mo e fakakaukaú ʻi heʻenau sio ki he ngaahi ʻīmisí.

Teuteu ʻa e tokotaha akó: Fakakaukau ke fakaafeʻi e kau akó ke nau ʻomi pe mateuteu ke fakamatalaʻi ʻa e ʻīmisi ʻo Sīsū Kalaisi ʻoku nau saiʻia taha aí pea vahevahe ʻa e meʻa ʻoku tokoni ke nau manatuʻi Iá.

Ngaahi ʻEkitivitī Ako ʻOku Ala Fakahokó

ʻE ala fiemaʻu ke akoʻi ha lēsoni ki he potufolofola fakataukei fakatokāteliné ʻo fetongi ʻaki ʻa e lēsoni ko ʻení. Vakai ki he taimi-tēpile ki he vave hono akoʻí ʻa ia ʻoku ʻomi ʻe he talēkita fakavāhengá pe vahefonuá pe kouʻōtineitá ke fakapapauʻi ʻe akoʻi e lēsoni kotoa pē ʻo e fakataukei fakatokāteline ki he potufolofolá ʻi he lele ʻa e seminelí.

ʻŪ fakatātaá mo e manatú

Kapau naʻe fakakakato ʻe he kau akó e teuteu ʻa e tokotaha akó, fakaafeʻi ke nau vahevahe ʻa e ʻīmisi ne nau ʻomí mo ʻenau ngaahi fakakaukaú. Te ke lava foki ʻo ʻoange ha ngaahi miniti siʻi ke nau fekumi ai ki ha ʻīmisi ʻi ha meʻangāue fakaʻilekitulōnika, kapau ʻoku ʻi ai. Pe, fakaʻaliʻali ha ngaahi ʻīmisi ʻo e Fakamoʻuí pea fakaafeʻi e kau akó ke tali e fehuʻi ko ʻení.

• Ko e hā ha ngaahi meʻa te tau lava ʻo ako fekauʻaki mo Sīsū Kalaisi mei heʻetau sio ki he ngaahi ʻīmisi ko ʻení?

ʻE lava ke tokoniʻi kitautolu ʻe he ngaahi ʻīmisí ke tau manatuʻi ha ngaahi meʻa mahuʻinga naʻe hoko pe ko ha ngaahi moʻoni. ʻI he lēsoni ko ʻení, te ke maʻu ai ha faingamālie ke fakaʻaongaʻi e ʻū fakatātaá ke tokoniʻi koe ke ako maʻuloto e potufolofola mo e kupuʻi lea mahuʻinga he folofolá ki ha taha pe lahi ange ʻo e ngaahi potufolofola fakataukei fakatokāteline ʻi he Tohi ʻa Molomoná.

ʻOku hiki atu ʻi lalo ʻa e ʻuluaki potufolofola fakataukei fakatokāteline ʻe 12 ʻo e Tohi ʻa Molomoná. Fakakaukau ke fakaʻilongaʻi e ngaahi potufolofola ko ʻení mo ʻenau ngaahi kupuʻi lea fakafolofola mahuʻingá.

Fakaʻaliʻali e saati ko ʻení ke lava e kau akó ʻo vakai ki ai lolotonga e lēsoní.

Fakamoʻoni Fakafolofolá	Kupuʻi Lea Folofola Mahuʻingá
Fakamoʻoni Fakafolofolá 1 Nīfai 3:7	Kupuʻi Lea Folofola Mahuʻingá “Te u ʻalu ʻo fai ʻa e ngaahi meʻa kuo fekau ʻe he ʻEikí.”
Fakamoʻoni Fakafolofolá 2 Nīfai 2:25	Kupuʻi Lea Folofola Mahuʻingá “Naʻe hinga ʻa ʻĀtamá koeʻuhi ke ʻi ai ʻa e faʻahinga ʻo e tangatá; pea ʻoku ʻi ai ʻa e faʻahinga ʻo e tangatá koeʻuhi ke nau maʻu ʻa e fiefiá.”
Fakamoʻoni Fakafolofolá 2 Nīfai 2:27	Kupuʻi Lea Folofola Mahuʻingá “ʻOku nau tauʻatāina ke fili ʻa e tauʻatāiná mo e moʻui taʻengatá … pe … pōpulá mo e maté.”
Fakamoʻoni Fakafolofolá 2 Nīfai 26:33	Kupuʻi Lea Folofola Mahuʻingá “ʻOku tatau ʻa e kakai fulipē ʻi he ʻao ʻo e ʻOtuá.”
Fakamoʻoni Fakafolofolá	Kupuʻi Lea Folofola Mahuʻingá ʻE foaki ʻe he ʻOtuá “ki he fānau ʻa e tangatá ʻa e ʻotu lea ki he ʻotu lea, ʻa e akonaki ki he akonaki.”
Fakamoʻoni Fakafolofolá 2 Nīfai 32:3	Kupuʻi Lea Folofola Mahuʻingá “Keinanga ʻi he ngaahi folofola ʻa Kalaisí; he vakai, ʻe fakahā kiate kimoutolu ʻe he ngaahi folofola ʻa Kalaisí ʻa e ngaahi meʻa kotoa pē ʻoku totonu ke mou faí.”
Fakamoʻoni Fakafolofolá 2 Nīfai 32:8–9	Kupuʻi Lea Folofola Mahuʻingá “Kuo pau ke mou lotu maʻu ai pē.”
Fakamoʻoni Fakafolofolá Mōsaia 2:17	Kupuʻi Lea Folofola Mahuʻingá “ʻO ka mou ka ʻi he tauhi ʻo homou kāingá, ʻoku mou ʻi he tauhi pē ʻo homou ʻOtuá.”
Fakamoʻoni Fakafolofolá	Kupuʻi Lea Folofola Mahuʻingá “[Ko] kinautolu ʻoku tauhi ʻa e ngaahi fekau ʻa e ʻOtuá … ʻoku nau monūʻia ʻi he meʻa kotoa pē.”
Fakamoʻoni Fakafolofolá Mōsaia 3:19	Kupuʻi Lea Folofola Mahuʻingá “Liʻaki ʻa e tangata fakakakanó kae hoko ko ha tangata māʻoniʻoni ʻi he fakalelei ʻa Kalaisi ko e ʻEikí.”
Fakamoʻoni Fakafolofolá Mōsaia 4:9	Kupuʻi Lea Folofola Mahuʻingá “Tui pē ki he ʻOtuá; … tui ʻokú Ne maʻu ʻa e poto kotoa.”
Fakamoʻoni Fakafolofolá	Kupuʻi Lea Folofola Mahuʻingá Ke “papitaiso ʻa kimoutolu ʻi he huafa ʻo e ʻEikí, ko e fakamoʻoni … kuo mou fai ha fuakava mo Ia.”

Ko hono fakafehokotaki ʻo e ngaahi ʻatá mo e ngaahi akonaki ʻo e ongoongoleleí

Toe vakaiʻi e ngaahi potufolofola ko ʻení pea feinga ke manatuʻi honau ngaahi kupuʻi lea mahuʻinga he folofolá. Fakaʻaongaʻi e saati ʻi ʻolungá ʻo ka fiemaʻu. Hili iá, fakatauhoa e potufolofola takitaha mo e fakatātā ʻokú ne fakatātaaʻi lelei taha ʻa e akonaki ʻi he potufolofolá.

Fakakaukau ke fakaʻaliʻali ha ngaahi ʻīmisi kehekehe ʻe lava ke fekauʻaki mo e ngaahi potufolofola ko ʻení pea fakaafeʻi e kau akó ke fili e ngaahi ʻīmisi ʻoku felāveʻi taha mo kinautolú pea fakamatalaʻi hono ʻuhingá. Pe, fakaafeʻi e kau akó ke nau fekumi ʻi he Laipeli Mītia ʻa e Siasí ki ha ngaahi ʻīmisi ʻe tokoni ke nau manatuʻi ai e ngaahi moʻoni ʻi he ngaahi potufolofola ko ʻení.

1. 2 Nīfai 26:33

2. 2 Nīfai 32:8–9

3. Mōsaia 2:17

Faʻu ha fakatātā

ʻE lava pē ke fakahoko fakafoʻituitui ʻa e ʻekitivitī ko ʻení, pe fakahoko tauhoa, pe fakakulupu iiki. Fakakaukau ke faʻu ha sīpinga tā fakatātā mo e kalasí, pea fakaafeʻi leva e kau akó ke faʻu ha sīpinga pē ʻanautolu.

Fili ha potufolofola fakataukei fakatokāteline mo ha kupuʻi lea folofola mahuʻinga te ke fie manatuʻi lelei ange. Tā ha fakatātā ke tokoni atu ke ke manatuʻi ʻa e kupuʻi lea folofola mahuʻingá, pea fakakau ai mo e potufolofolá. ʻE lava pē ke hoko hoʻo fakatātaá ko ha meʻa naʻe hoko, pe ʻe ʻi ai ha ngaahi ʻīmisi kehekehe ke fakatātaaʻi ʻaki ʻa e kupuʻi lea mahuʻinga ʻo e folofolá. Hangē ko ʻení, ʻe lava ke tokoni atu ʻa e fakatātā ko ʻení ke ke manatuʻi ʻa e 2 Nīfai 2:25: “Naʻe hinga ʻa ʻĀtamá koeʻuhi ke ʻi ai ʻa e faʻahinga ʻo e tangatá; pea ʻoku ʻi ai ʻa e faʻahinga ʻo e tangatá koeʻuhi ke nau maʻu ʻa e fiefiá.” Ka ʻi ai ha taimi feʻunga, te ke lava ʻo faʻu ha meʻa ʻe lava ʻo tokoni atu ke ke ako maʻuloto ʻa e potufolofola kotoa ʻokú ke filí.

Tuku ke vahevahe ʻe he kau akó ʻenau ʻū fakatātaá mo haʻanau hoa, ʻi ha fanga kiʻi kulupu iiki, pe fakataha mo e kalasí. Kole ange ke nau fakamatalaʻi ʻa e founga ʻe tokoni ai ʻenau fakatātaá ke nau manatuʻi ʻa e potufolofolá mo e kupuʻi lea mahuʻinga ʻi he folofolá. Fakaafeʻi e kau akó ke nau kumi ha faingamālie ke vahevahe ai ʻenau ʻīmisí mo honau fāmilí pe kaungāmeʻá. Fakakaukau ke fakaʻaongaʻi e ngaahi fehuʻi ko ʻení ke tokoni ke fakaloloto ʻenau mahino ki he potufolofola ne nau filí.

• Ko e hā ʻoku tokoni ʻa e potufolofola ko ʻení ke mahino kiate koe fekauʻaki mo Sīsū Kalaisi mo ʻEne ongoongoleleí?

• ʻE tokoni fēfē hono manatuʻi e potufolofola ko ʻení ke ke manatuʻi pe hoko ʻo tatau mo e Fakamoʻuí?

• Ko e hā ha meʻa kuó ke aʻusia pe aʻusia ʻe ha niʻihi kehe ʻoku fekauʻaki mo e tokāteline ʻi he potufolofola ko ʻení?