“Toe Vakaiʻi Hono 13 ʻo e Fakataukei Fakatokāteliné: Kumi pea Fakaʻilongaʻi ʻa e ʻAlamā 7:11–13 ki he Molonai 10:4–5,” Tohi ʻa Molomoná –Tohi Lēsoni ʻa e Faiakó (2024)
“Toe Vakaiʻi Hono 13 ʻo e Fakataukei Fakatokāteliné,” Tohi ʻa Molomoná – Tohi Lēsoni ʻa e Faiakó
Toe Vakaiʻi Hono 13 ʻo e Fakataukei Fakatokāteliné
Kumi pea Fakaʻilongaʻi ʻa e ʻAlamā 7:11–13 ki he Molonai 10:4–5
Ko e taumuʻa ʻe taha ʻo e fakataukei fakatokāteliné ke tokoniʻi koe ke ke haʻu kia Kalaisi ʻaki hono fakalahi hoʻo mahino ki he ngaahi moʻoni ʻo e ongoongoleleí ʻoku maʻu ʻi he folofolá. ʻOku fakataumuʻa ʻa e lēsoni ko ʻení ke tokoniʻi koe ke ke kumi ʻa e ngaahi potufolofola fakataukei fakatokāteline ʻe 12 ʻi he konga hono ua ʻo e Tohi ʻa Molomoná.
Ko hono fakatupu ha ʻātakai ʻo e kau atú. ʻE lava ke tokoni hono ʻoange ha ngaahi faingamālie ki he kau akó ke nau feakoʻaki lahi ange ai fekauʻaki mo kinautolú ke fokotuʻu ha ʻātakai ʻo e tali leleí mo e ongoʻi kau atú. Kumi ha ngaahi taimi ʻe lava ke fevahevaheʻaki ai ʻe he kau akó ha fakamatala taau fekauʻaki mo ʻenau moʻuí.
Teuteu ʻa e tokotaha akó: Fakaafeʻi e kau akó ke kole ki hanau kaungāmeʻa pe kau mēmipa ʻo e fāmilí ke fakaʻaliʻali ange ha ngaahi founga kehekehe ʻoku nau fakaʻilongaʻi ai e ngaahi potufolofolá mo hono ʻuhingá.
Ngaahi ʻEkitivitī Ako ʻOku Ala Fakahokó
ʻE ala fiemaʻu ke akoʻi ha lēsoni ki he potufolofola fakataukei fakatokāteliné ʻo fetongi ʻaki ʻa e lēsoni ko ʻení. Vakai ki he taimi-tēpile ki he vave hono akoʻí ʻa ia ʻoku ʻomi ʻe he talēkita fakavāhengá pe vahefonuá pe kouʻōtineitá ke fakapapauʻi ʻe akoʻi e lēsoni kotoa pē ʻo e fakataukei fakatokāteline ki he potufolofolá ʻi he lele ʻa e seminelí.
Ngaahi fakamoʻoni fakafolofolá mo e ngaahi kupuʻi lea mahuʻinga ʻi he folofolá
Kapau ʻe fiemaʻu, kimuʻa pea fakaafeʻi e kau akó ke fakahoko ha tali ki he tūkunga ko ʻení, fakamanatu ange ʻoku ʻikai taʻefakaʻapaʻapa hono fakaʻilongaʻi ʻo e folofolá, pe ko ha meʻa kuo pau ke nau fakahoko, pea ʻoku ʻikai ha founga tonu pe hala hono fakahoko iá. Ko e meʻa mahuʻingá ke feinga ke ʻiloʻi, ako, mo manatuʻi e meʻa ʻoku akoʻi ʻe he folofolá.
Fakakaukauloto ʻoku fakatokangaʻi ʻe haʻo kiʻi tehina siʻisiʻi hoʻo fakaʻilongaʻi ho folofolá lolotonga hoʻo akó. Hili e sio ho kiʻi tehiná ki he pēsí mo e ngaahi fakaʻilonga kotoa aí, ʻokú ne ʻeke atu pe ko e hā ʻokú ke fakaʻilongaʻi ai hoʻo folofolá.
-
Ko e hā haʻo tali?
Fakakaukau ke fakaafeʻi e kau akó ke vahevahe ʻi ha fanga kiʻi kulupu iiki ha ngaahi founga kehekehe ʻe niʻihi ʻoku nau fakaʻilongaʻi ai ʻenau folofolá mo hono ʻuhingá. Tokoni ke mahino ki he kau akó ʻe lava ke tokoni hono fakaʻilongaʻi e ngaahi potufolofolá ke ʻai ke fakataautaha ʻa e folofolá, fakamamafaʻi e ngaahi fakakaukau ʻoku mahuʻingamālié, pea fakafaingofuaʻi ange hono kumi e ngaahi potufolofolá ʻi he kahaʻú.
Hili e vahevahe ʻa e kau akó, fakaʻaliʻali e saati ko ʻení, pe ʻoange ia ko ha laʻipepa tufa ke fakaʻaongaʻi lolotonga e ʻekitivitī ko ʻení.
Fakataukei Fakatokāteline ʻo e Tohi ʻa Molomoná: ʻAlamā–Molonai
Tohi ʻa Molomoná – Tohi Lēsoni ʻa e Faiakó (2024)
|
Potufolofolá |
Kupuʻi Lea Mahuʻinga ʻi he Folofolá |
|---|---|
Potufolofolá | Kupuʻi Lea Mahuʻinga ʻi he Folofolá “Pea te ne hāʻele atu, ʻo kātakiʻi ʻa e ngaahi mamahi mo e ngaahi faingataʻá pea mo e ngaahi ʻahiʻahi kehekehe kotoa pē.” |
Potufolofolá | Kupuʻi Lea Mahuʻinga ʻi he Folofolá “Kuo pau ke fai ha fakalelei, … ko ha feilaulau taʻe-fakangatangata mo taʻengata.” |
Potufolofolá | Kupuʻi Lea Mahuʻinga ʻi he Folofolá “[ʻOua ʻe] toe muimui ʻi he ngaahi holi ʻa ho matá.” |
Potufolofolá | Kupuʻi Lea Mahuʻinga ʻi he Folofolá “Kuo teʻeki ai hoko ʻa e faiangahalá ko e fiefia.” |
Potufolofolá | Kupuʻi Lea Mahuʻinga ʻi he Folofolá “ʻOku makatuʻunga ʻi he maka ʻo hotau Huhuʻí … kuo pau ke mo langa ai homo makatuʻungá.” |
Potufolofolá | Kupuʻi Lea Mahuʻinga ʻi he Folofolá “Kuó u fai ai ʻa e meʻa kotoa pē kuo finangalo ʻa e Tamaí ke u fai talu mei he kamataʻangá.” |
Potufolofolá | Kupuʻi Lea Mahuʻinga ʻi he Folofolá “Ke mou haohaoa ʻo hangē pē ko aú, pe hangē ko e haohaoa hoʻomou Tamai ʻa ia ʻoku ʻi he langí.” |
Potufolofolá | Kupuʻi Lea Mahuʻinga ʻi he Folofolá “Haʻu kiate au ʻo papitaiso … koeʻuhi ke fakamāʻoniʻoniʻi ʻa kimoutolu ʻi he maʻu ʻo e Laumālie Māʻoniʻoní.” |
Potufolofolá | Kupuʻi Lea Mahuʻinga ʻi he Folofolá “ʻOku ʻikai te mou maʻu ha fakamoʻoni kae ʻoua kuo hili hono ʻahiʻahiʻi ʻo hoʻomou tuí.” |
Potufolofolá | Kupuʻi Lea Mahuʻinga ʻi he Folofolá “Kapau ʻe haʻu kiate au ʻa e tangatá … te u liliu ʻa e ngaahi meʻa vaivaí ko e mālohi kiate kinautolu.” |
Potufolofolá | Kupuʻi Lea Mahuʻinga ʻi he Folofolá “Ko e manavaʻofá ʻa e ʻofa haohaoa ʻa Kalaisí.” |
Potufolofolá | Kupuʻi Lea Mahuʻinga ʻi he Folofolá “Mou kole ʻi he loto-fakamātoato, mo e loto-moʻoni, ʻo maʻu ʻa e tui kia Kalaisi … [pea] ʻi he mālohi ʻo e Laumālie Māʻoniʻoní te mou lava ai ke ʻiloʻi hono moʻoni ʻo e ngaahi meʻa kotoa pē.” |
© 2023 by Intellectual Reserve, Inc. All rights reserved.
Fakakaukau ke fakaafeʻi e kau akó ke nau ngāue mo ha hoa. Vahe ki he hoa takitaha ke teuteu ke fakafeʻiloaki ha potufolofola fakataukei fakatokāteline ʻe taha pe lahi ange ki he kalasí. Fakapapauʻi ʻoku vahe kotoa ʻa e ngaahi potufolofola ʻe 12. Hili hono ʻoange ha taimi feʻunga ke nau teuteu aí, fakaafeʻi e hoa takitaha ke fakahoko e ngaahi meʻá ni:
-
Fakafeʻiloaki honau hoá ki he toenga ʻo e kalasí ʻaki hano fevahevaheʻaki ha meʻa makehe pe mahuʻinga fekauʻaki mo kinautolu
-
Fakafeʻiloaki ʻenau potufolofola fakataukei fakatokāteliné ki he kalasí ʻaki hono:
-
Poupouʻi e kau akó ke ʻalu ki he potufolofolá pea fakakaukau ke fakaʻilongaʻi ia
-
Lau e potufolofolá kakato ki he kalasí mo fakamahinoʻi ange ʻa e kupuʻi lea mahuʻinga ʻo e folofolá
-
Fakamatalaʻi ʻa e ʻuhinga ʻoku mahuʻinga ai ke mahino ki he toʻu tupu ʻo e ʻaho ní ʻa e moʻoni ʻi he kupuʻi lea mahuʻinga ʻi he folofolá
-
Hili e vahevahe kotoa ʻa e kau akó, ʻe lava ke fakaʻaongaʻi ʻe he kau akó ha faʻahinga taimi pē ʻoku toe mei he kalasí ke kamata ako maʻuloto e ngaahi potufolofolá mo e ngaahi kupuʻi lea mahuʻinga ʻi he folofolá. Mahalo te nau fie fakaʻaongaʻi ʻa e polokalama Fakataukei Fakatokāteline ʻi he telefoní ke tokoni kiate kinautolu (kapau ʻoku maʻu).