“Rebyo 14 sa Doktrinal nga Kahanas: Isag-ulo ang mga Pakisayran ug ang Mahinungdanon nga mga Hugpong sa mga Pulong sa Kasulatan,” Manwal sa Magtutudlo sa Basahon ni Mormon (2024)
“Rebyo 14 sa Doktrinal nga Kahanas,” Manwal sa Magtutudlo sa Basahon ni Mormon
Rebyo 14 sa Doktrinal nga Kahanas
Isag-ulo ang mga Pakisayran ug ang Mahinungdanon nga mga Hugpong sa mga Pulong sa Kasulatan
Ang paghinumdom sa mga pakisayran sa kasulatan ug unsay gitudlo niini makatabang nimo sa daghang mga paagi. Kini nga leksiyon gituyo aron sa pagtabang kanimo sa pagsag-ulo og daghan nga mga pakisayran sa kasulatan ug sa mahinungdanon nga mga hugpong sa mga pulong sa kasulatan gikan sa kataposang 12 ka tudling sa doktrinal nga kahanas diha sa Basahon ni Mormon.
Pagsag-ulo sa mga tudling sa kasulatan. Kon ang mga pulong sa mga kasulatan gisag-ulo, kini natural nga makadugang og gahom samtang kita magtudlo sa uban. Ang paningkamot nga gikinahanglan sa pagsag-ulo sa mga kasulatan makatabang usab sa mga estudyante nga mas makasabot sa kahulugan sa mga kamatuoran ug sa doktrina nga anaa sa mga tudling. Tabangi ang mga estudyante nga magbansay sa pagsag-ulo sa pipila o sa tanan nga mga tudling sa kasulatan sa doktrinal nga kahanas.
Pagpangandam sa estudyante: Dapita ang mga estudyante sa pagpili ug pagsag-ulo og tudling sa doktrinal nga kahanas nga makatabang kanila nga mobati nga duol sa Manluluwas o makatabang kanila sa panginahanglanon karon.
Posible nga mga Kalihokan sa Pagkat-on
Ang usa ka leksiyon sa tudling sa doktrinal nga kahanas mahimong kinahanglan nga itudlo puli niini nga leksiyon sa pagrebyo. Tan-awa ang eskedyul sa pagtudlo nga gihatag sa direktor o koordinitor sa area o rehiyon aron maseguro nga matudlo ang matag leksiyon sa tudling sa doktrinal nga kahanas samtang anaa sa sesyon ang seminary.
Pagpili og tulo o upat ka tudling sa doktrinal nga kahanas gikan sa unang katunga sa Basahon ni Mormon nga pagatutokan niini nga leksiyon. Hatagan og mga kahigayonan ang mga estudyante sa pagtutok sa ubang mga tudling sa nagkalainlaing mga leksiyon.
Mga kaayohan sa pagsag-ulo sa mga kasulatan
-
Unsa ang imong isulti sa usa ka tawo nga naghunahuna kon ngano nga maayo ang pagsag-ulo sa mga kasulatan?
Basaha ang Alma 31:5, mangita og rason nga mahimong gustohon sa usa ka tawo ang pagsag-ulo sa mga kasulatan.
-
Sa unsang paagi nga ang pagsag-ulo sa mga kasulatan makatabang nimo nga magamit ang gahom sa Dios?
-
Unsa ang usa ka tudling sa kasulatan nga imoha nang nasag-ulo? Sa unsang paagi nakabenepisyo ka sa pagsag-ulo sa mga tudling sa kasulatan?
Kon wala pa namarkahan sa mga estudyante ang mosunod nga mga tudling sa doktrinal nga kahanas diha sa ilang mga kasulatan, ikonsiderar ang pagpakita niini nga tsart ug dapita sila sa pagbuhat sa ingon.
Doktrinal nga Kahanas sa Basahon ni Mormon: Alma–Moroni
Manwal sa Magtutudlo sa Basahon ni Mormon (2024)
Pakisayran sa Kasulatan |
Mahinungdanon nga Hugpong sa mga Pulong sa Kasulatan |
---|---|
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ug siya magpadayon, mag-antos sa mga sakit ug mga kasakit ug mga pagtintal sa matag matang.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Kinahanglan gayod nga adunay pag-ula nga pagahimoon, … usa ka walay kinutoban ug walay kataposan nga sakripisyo.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ayaw na pagsunod sa mga tinguha nga daotan sa imong mga mata.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ang pagkadaotan dili mahitabo nga kalipay.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Diha sa lig-on nga sukaranan sa atong Manunubos … nga kamo kinahanglan gayod motukod sa inyong tukoranan.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ako mituman sa kabubut-on sa Amahan sa tanan nga mga butang gikan sa sinugdanan.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Kamo mahimo nga hingpit sama nga Ako ingon, o ang inyong Amahan kinsa anaa sa langit hingpit.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Duol ngari kanako ug magpabunyag … aron kamo mahimo nga pagasantoson pinaagi sa pagdawat sa Espiritu Santo.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Kamo dili makadawat og saksi hangtod human sa pagsulay sa inyong hugot nga pagtuo.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Kon ang mga tawo moduol ngari kanako … niana Ako mohimo sa mahuyang nga mga butang nga mahimo nga malig-on ngadto kanila.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Ang gugma nga putli mao ang tiunay nga gugma ni Kristo.” |
Pakisayran sa Kasulatan | Mahinungdanon nga Hugpong sa mga Pulong sa Kasulatan “Mangutana sa kinasingkasing, uban sa tinuod nga katuyoan nga may hugot nga pagtuo kang Kristo … [ug] pinaagi sa gahom sa Espiritu Santo kamo mahimo nga masayod sa kamatuoran sa tanan nga mga butang.” |
© 2024 by Intellectual Reserve, Inc. All rights reserved.
Sa managlahing mga piraso sa papel, paghimo sa mosunod nga mga sugyot alang sa mga tudling sa doktrinal nga kahanas nga pagatutokan sa mga estudyante niini nga leksiyon. Paghimo og estasyon sa pagkat-on alang sa matag kalihokan o tudling sa kasulatan. Mahimo kini pinaagi sa pagpapilit sa mga papel diha sa bungbong o pagbutang niini sa usa ka dapit diha sa lawak tunghaan. Mahimo usab nga magtinabangay ang mga estudyante niini nga mga pagbansay nga magpares ug kompletohon ang mga tudling kauban ang usag usa.
-
Isulat ang matag pakisayran sa kasulatan ug ang mahinungdanon nga hugpong sa mga pulong sa kasulatan, ibiling blangko ang pipila ka mga pulong o numero. Isulat sa mga estudyante ang nawala nga mga pulong o mga numero.
-
Isulat ang unang mga letra alang sa matag pulong sa pakisayran sa kasulatan ug sa mahinungdanon nga hugpong sa mga pulong sa kasulatan.
-
Isulat ang mga pulong ug mga numero sa pakisayran ug sa mahinungdanon nga hugpong sa mga pulong sa kasulatan sa sinalagma [random] nga pagkahan-ay. Dapita ang mga estudyante sa pagsulat sa saktong pakisayran ug sa hugpong sa mga pulong sa kasulatan sa lain nga piraso sa papel o sa ilang journal sa pagtuon.
-
Mahimong gamiton sa mga estudyante ang flash card nga feature sa app nga Doktrinal nga Kahanas. Mahimo usab nga mopili ang mga estudyante og tibuok nga tudling nga isag-ulo ug gamiton ang app aron matabangan sila.
Dapita ang mga estudyante sa paglibot sa mga estasyon ug sa pagkompleto sa tanang mga kalihokan alang sa usa ka piho nga tudling sa kasulatan. Human makabansay og usa ka tudling, makasubli ang mga estudyante sa proseso alang sa ubang mga tudling. Balika sa makadaghang higayon kon gustohon.
Inig ka human sa mga estudyante, pagdapit og pipila ka mga boluntaryo sa pagsulti sa mga pakisayran ug sa mahinungdanon nga mga hugpong sa mga pulong sa kasulatan nga ilang nasag-ulo. Mahimo usab nilang ipakigbahin kon unsa nga paagi sa pagsag-ulo ang nakatabang kanila pag-ayo. Dapita ang mga estudyante sa pagpadayon sa pagsag-ulo sa mga tudling sa doktrinal nga kahanas.